I Kôrintô 5:1 - Sră Goh 2018

¹ Neh kơno lah tòm mpồl oh mi gơs glài rềs àr bơrnàn, mơ bơta rềs àr bơrnàn hơ̆ kung ò di gơs digùl cau làng bol bơdìh, hơ̆ la dô nă cau tìs glài mơ bau ùr bèp khai dê.

I Kôrintô 5:1 ပူးပေါင်းရင်းမြစ်များ

Sơnròp Gơlik Gơs 35:22

Tòm tŭ Israel ơm tòm lơgar hơ̆, gen Ruben lòt bic mơ Bilha, bau cồng bèp khai dê, mơ Israel git bơta hơ̆.

Sơnròp Gơlik Gơs 37:2

Do la jơnau yal bơh jơi bơtiàn Jakôp dê. Tŭ hơ̆ Jôsep neh tơl jơt poh nam, ê belàt bal mơ ală bi khai dê. Khai lơh yô mơ ală kòn Bilha mơ ală kòn Silpa dê, bàr nă bau bèp khai dê. Jôsep yal mơ mè bèp ală bơta iơh bol khai dê.

Sơnròp Gơlik Gơs 49:4

Mê khuh rơndul be dà, gen ò lin rlau mơ cau lơi, Bơh mê neh guh hơđang cơnòng bic añ Tus hơ cơnòng bic añ mơ lơh ƀơ̆ ƀơl!

II Samuel 16:22

Behơ̆, cau bơtào Apsalôm in dô nơm sàl hơđang rkàng ring hìu gơlang dê, mơ khai bic mơ ală bau ùr cồng bèp khai di đap mat jơh Israel.

II Samuel 20:3

Dabit neh rê wơl hơ gơlang khai dê tòm Jerusalem, khai kup jơt nă bau ùr cồng mơ khai neh lòi wơl nàng sền gàr gơlang, mơ ơn bol khai tòm dô nơm hìu gơs cau kơp gàr, mơ ai phan ròng siam bol khai, mơya ò lòt tus mơ bol khai; bol khai gơkòl krơ̆ jơl tus di ngai chơt, mơ kis be ùr bơnrau.

I Yal Yau 5:1

Do la ală kòn klau Ruben dê. (Khai la kòn klau tơnhoa, mơya tài bơh khai neh lơh ƀơ̆ ƀơl cơnòng bic bèp khai dê gen gơnoar kòn tơnhoa khai dê neh ai ală kòn klau Jôsep la kòn Israel dê, behơ̆ tàng khai ò geh cih tòm sră cih sơnđan jơi bơtiàn jat be gơnoar kòn klau tơnhoa;

Jeremi 2:33

Mbe mê wàs niam gùng bol mê dê Nàng jòi jat cau kòñ gơboh! Tian gơs ală cau ùr iơh bơsak lòt jat gùng bol mê dê.

Ejekiel 16:47

Ai neh ò di mìng cơnđòa lòt jat ală gùng dà bol khai dê mơ đòm jat ală broă cù kìr ƀơ̆ ƀơl khai neh lơh, mơya ai kung neh mhar gơlik gơs ồm lề rlau mơ bol khai tòm jơh ală gùng dà ai dê.

Ejekiel 22:10

Digùl ai gơs ală cau ò jơm bơta ơm kuh lòi rồ bèp bol khai dê; digùl ai gơs ală cau bơklơn ală cau ùr gŏ să òs kơnhai.

Lebi 18:8

Bañ bic mơ bau ùr bèp bol mê dê; bơta hơ̆ rơp lơh ƀàssìl bèp bol mê dê.

Lebi 20:11

Dilah dô nă cau bic mơ bau ùr bèp khai dê, khai neh lơh ƀàssìl di bèp khai. Jơh bàr nă cau klau mơ cau ùr pal kong tơnchơt; mhàm bol khai rơp tuh wơl hơđang bồ să tòm bol khai dê.

Amôs 2:7

Bol khai jă jơng hơđang bồ cau rƀah lơòi tus di thul tòm ù, mơ chồl tơlo cau gơkòl jê sồt bơh di gùng song ring. Bèp mơ kòn bic mơ mìng dô nă cau ơruh, behơ̆ gen sơnđan sàng goh Añ jê neh gơkòl đơs tràl sơrbil.

Broă 15:20

mơya bol he cih tĕ sră pơyoa nting bol khai kơrmap gàr să he klàs bơh phan sa ngkòr ngkàc neh ơn rùp ràk in, mơ glài rềs àr bơrnàn, kung bañ sa phan chơt rhwat, mơ mhàm.

Broă 15:29

Pal wèr phan duh khoai rùp ràk, mhàm, phan chơt rhwat, mơ bañ tìs glài rềs àr bơrnàn. Dilah oh mi kơrmap gàr să he ò lơh bơta hơ̆ la niam. Ơm ngac yơ.”

I Kôrintô 1:11

Ơ oh mi añ jê, gơs cau tòm hìu Klôe neh yal añ in lah digùl oh mi gơs bơta ò gơtòmsòr bal.

I Kôrintô 5:11

Mơya añ neh cih oh mi in lah bañ lơh yô mơ cau lơi sơnđan is să he la cau dòn mơ cau hơ̆ la rềs àr bơrnàn, hàm hà, duh rùp ràk, lah sơrpah, bơñul lơmbè, ntung kơñau, gen kung bañ nggui sa bal mơ cau behơ̆.

I Kôrintô 6:13

Gơs cau ndai tai đơs lah: “Phan sa lơh hòm kơndul, mơ kơndul nàng prap phan sa;” ngan behơ̆, mơ Yàng Tom Trồ rơp tơnroh kơndul bal mơ phan sa. Mơya să jan ò di lòi lơh bơta rềs àr bơrnàn, mơya lòi duh broă Yàng mơ Yàng la Bơtau at bồ să jan oh mi dê.

I Kôrintô 6:18

Pleh tĕ di bơta rềs àr bơrnàn. Kòp nơm glài cau lơh la bơdìh să jan, mơya cau lơi tìs glài rềs àr bơrnàn, hơ̆ la tìs glài tòmdră mơ să jan he.

I Kôrintô 6:9

Ngan oh mi ò git lah ală cau ò song ring ò geh pơrdòn lơgar Yàng Tom Trồ dê. Bañ pơrlồm să he, ală cau rềs àr, cau duh rùp ràk, cau bơrnàn, cau klau dri tơlàr,

II Kôrintô 12:21

Kung rngòt lah dơ̆ añ lòt tus, gen Yàng Tom Trồ añ jê lơh añ in ƀàssìl bơh oh mi, mơ añ pal moat jrùng bơh oă cau neh tìs glài lài òr, mơ ò bài gơjrañ sang glài bơh bơta ngkòr ngkàc, rềs àr bơrnàn, bung jang mơ bol khai neh tìs.

II Kôrintô 2:5

Mơya dilah gơs cau neh lơh gơs bơta moat jrùng, gen cau hơ̆ ò di mìng lơh añ in moat jrùng lơm, mơya kung lơh oh mi in moat jrùng dô êt; añ đơs dô êt do la tài bơh añ ò kòñ đơs rlau ir.

II Kôrintô 7:12

Behơ̆, dilah añ neh cih oh mi in gen ò di tài bơh cau neh lơh bơta tìs hơ̆ hala kung ò di tài bơh cau kong lơh bơta tìs hơ̆, mơya nàng bơta duh hul oh mi dê gơwèt mơ bol hi geh yal tơlik oh mi in di đap Yàng Tom Trồ.

Galati 5:19

Ală broă poac să dê la loh làng be do: Hơ̆ la rềs àr bơrnàn, ngkòr ngkàc, bung jang,

Ephesô 5:3

Digùl oh mi bañ đơs bơh bơta rềs àr bơrnàn, mơ jơh ală bơta ngkòr ngkàc, hala bơta hàm hà; behơ̆ gen sồng di pal la ală cau sàng goh.

Yal Wơl 22:30

Dô nă cau ò di bau mơ bau ùr bèp khai dê, khai lơh behơ̆ la sền òsơp bèp khai dê.”

Yal Wơl 27:20

‘Pal srat sơntơm cau lơi bic mơ bau ùr bèp khai dê, bơh khai ò ki ngàm di cơnòng bic bèp khai dê.’ Gen jơh làng bol rơp đơs lah: ‘Amen!’

Kôlôse 3:5

Behơ̆ tơnchơt tĕ ală pơnah să jan oh mi dê tòm ù, hơ̆ la rềs àr bơrnàn, ngkòr ngkàc, gơboh kơnhơl lềng làng, hàm kòñ bơta iơh, mơ hàm hà la bơta duh rùp ràk.

I Tesalônika 4:7

Bơh Yàng Tom Trồ ò di hòi bol he tus hơ bơta ngkòr ngkàc ò, mơya tus hơ bơta gơlik gơs sàng goh.

Yal Tơlik 2:21

Añ neh ai khai in tŭ nàng gơjrañ sang glài, mơya khai ò bài gơjrañ sang glài rềs àr bơrnàn khai dê.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

I Samuel 2:24

Ò di lơh behơ̆, ơ ală kòn klau añ jê, hơ̆ ò di la jơnau yal niam mơ añ kơno jơnau pơnro làm tòm làng bol Yàng Jehôwa dê.