I Kôrintô 4:9 - Sră Goh 2018

⁹ Bơh añ kơlôi lah Yàng Tom Trồ neh ràng tơlik bol hi la ală cau gơnoar bơto dờng gơlik gơs cau lồi dut, kung be cau glài pal kong chơt; bơh bol hi gơlik gơs phan dơñŏ tơnhial di đap dunnia, cau gơnrơh mơ kòn mơnus sơl.

I Kôrintô 4:9 ပူးပေါင်းရင်းမြစ်များ

Đơs Crih 44:22

Ngan tài bơh Yàng tàng bol hi kong cau tơnchơt kòp ngai; Bol khai sền bol hi be belàt cau neh lơh nền nàng lơh poac.

Đơs Crih 71:7

Añ gơlik gơs tềl oă cau in rcang lài, Mơya Kơnràñ la tiah kìng crŭ kơ̆ cê añ in.

Jeremi 20:18

Ñchi bơh tài añ neh lik bơh kơndul mè nàng kong bòl glar moat jrùng, Jơh rài kis añ ơm tòm bơta ƀàssìl taih?

Broă 19:29

Jơh ƀòn dờng sơlồng sơlàng, bol khai dô nùs bal ntoat ràn ur òr tus hơ hìu tòmya kơnhơl, hwài Gaius mơ Aritak, cau Masedoan, la ală cau bơyô lòt bal mơ Pol.

Broă 19:31

Gơs dô êt nă cau kwang kơnhwàl Asia la oh mi bơyô khai, sồr cau lòt dan khai bañ phi să mut tòm hìu tòmya kơnhơl.

Rôma 8:36

Be neh cih lah: “Tài bơh Yàng tàng bol he kong cau tơnchơt ngai mho; Bol khai sền bol he be belàt cau neh lơh nền nàng lơh poac.”

I Kôrintô 15:19

Dilah bol he gơs bơta gơn kơnòm tòm Bơtau Krist mìng tòm rài kis do, gen bol he la cau pal nđàc sơngit rlau jơh mơ ală cau tòm dunnia.

II Kôrintô 11:23

Bol khai la cau duh broă Bơtau Krist dê ơ? Ơi, añ đơs be cau tùl gơla añ gơs rlau! Añ neh kong bòl glar lơh broă oă rlau, ơm jàm oă rlau, kong pù lơh oă ngan. Oă dơ̆ añ mòr chơt;

II Kôrintô 6:9

sền be cau nac crih mơya la cau mòng ngan; sền be mòr chơt mơya do gam kis; sền be kòl lơh glài tơmàl mơya ò kòl tơnchơt;

I Tesalônika 3:3

tồ ò gơs dô nă cau lơi lơnggơr bơh ală bơta jê sồt bòl glar hơ̆. Bơh să tòm oh mi git lah neh lơh nền lài bol he in kong bơta hơ̆.

Hebrơ 1:14

Jơh ală cau gơnrơh hơ̆ ò di la ală hwềng òs duh broă, kong sồr lòt nàng dong broă ală cau rơp pơrdòn bơta dong klàs ò ơ?

Hebrơ 10:33

dơ̆ dơ̆ kong ală bơta bơtat bơtròh bal mơ bơta rung rài gơlik gơs, dơ̆ dơ̆ kong bal mơ ală cau kong bòl glar behơ̆ sơl.

Hebrơ 11:36

Gơs ală cau ƀà kong gơlòng bòl glar be kong cau dơñŏ tơnhial, pòng pù, kơt mơ che sreng mơ kup jàm sơl.