I Kôrintô 4:7 - Sră Goh 2018

⁷ Bơh ñcau ai mê in lin rlau mơ cau ndai taih? Ò di Yàng Tom Trồ neh ai jơh bơta hơ̆ oh mi in ò ơ? Gen ñchi bơh tài mê jòng să kung be ò dòp taih?

I Kôrintô 4:7 ပူးပေါင်းရင်းမြစ်များ

Jơnau Pơnđik 2:6

Bơh Yàng Jehôwa ai gòi bơta jak chài. Bơh di bơr Kơnràñ tus bơta git jak mơ bơta git wă.

Ejekiel 29:3

Đơs tĕ mơ yal lah: Jehôwa Yàng Tom Trồ đơs be do: ‘Ơ Pharaôn, bơtau Ejiptơ, Añ tòmdră mơ mê, mê la dô nơm phan poan jơng cù kìr bic rò digùl ală hiòng dà. Mê đơs lah: “Hiòng Nil gơrê bal mơ añ, añ neh lơh gơs gơ să tòm añ in.”

Daniel 5:18

Ơ bơtau, Yàng Tom Trồ Hơđang Rlau Jơh neh ai sơbàn bơtau, gơnoar dờng, bơta jòng ro mơ bơta ryŭ ryơm bèp bơtau in la Nebukatnessar.

Daniel 5:23

Gơsơlơ̆u wơl, bơtau neh pơnhừ să tòmdră mơ Yàng hơđang trồ, mơ sồr cèng di đap bơtau ală phan ngui tòm hìu duh khoai Kơnràñ dê mơ ngui nàng ñô tơrnòm bal mơ ală cau kwang dờng, ală bau ùr mơ ală bau cồng bơtau dê. Bơtau kung neh jòng ro ală yàng mơ priă, mơ màh, mơ kòng, mơ lòs, mơ chi, mơ lŭ, la ală yàng ò gŏ, ò kơno, mơ ò git wă bơta lơi. Bơtau ò jòng ro Yàng Tom Trồ la Bơtau at tòm tê Kơnràñ dê nhơm tă mơ jơh ală gùng dà bơtau dê.

Luka 19:13

Lài mơ tŭ khai lik lòt. Chòp khai hòi jơt nă cau dĭ khai dê, jào bol khai in jơt pơnai priă mơ sồr lah: ‘Lòt kă bro tĕ, lơh gơlik cồng nha jơl tus di tŭ añ rê.’

Jang 1:16

Bơh tòm bơta lìu làc Kơnràñ dê, jơh ală bol he neh dòp geh bơta nđàc bơtơl hơđang bơta nđàc.

Jang 3:27

Jang ho lah: “Dilah ò di bơh đang trồ ai gen ò gơs cau lơi dòp geh bơta lơi.

Rôma 1:5

Kơnòm di Kơnràñ bol hi neh dòp geh bơta nđàc mơ gơnoar bơto dờng, tồ bơh Yàng Jesu Krist mơ lam jơh ală làng bol lòt tus hơ bơta dòn bơr mơ bơta dòn.

Rôma 12:3

Behơ̆, kơnòm di bơta nđàc neh ai añ in, añ đơs mơ kòp nă cau tòm oh mi, bañ sền să he jòng rlau ir, mơya pal sền tĕ să he tòm toh be rnoas bơta dòn mơ Yàng Tom Trồ neh pà kòp nă cau in.

Rôma 12:6

Bơh bol he gơs ală bơta ai gòi krơi is, jat be bơta nđàc Yàng Tom Trồ neh ai bol he in, dilah cau lơi đơs hwơr, gen đơs tĕ jat be rnoas bơta dòn dê;

I Kôrintô 15:10

Mơya añ do la cau be lơi, hơ̆ la kơnòm di bơta nđàc Yàng Tom Trồ dê, mơ bơta nđàc Kơnràñ neh ai añ in ò di la ò kwơ. Pơrlơ̆ wơl, añ kong bòl glar lơh broă rlau jơh mơ bol hơ̆; mơya ò di la bơh añ, hơ̆ la bơh bơta nđàc Yàng Tom Trồ dê neh ơm mơ añ.

I Kôrintô 3:5

Behơ̆ gen, Apôlôs la ñcau? Pol la ñcau? Bol hi mìng la ală cau duh broă Yàng Tom Trồ dê, kơnòm dê bol hi tề lam mơ oh mi neh dòn, jat be bơta nđàc Yàng neh ai kòp nă cau hơ̆ in.

I Kôrintô 5:6

Bơta jòng să oh mi dê ò niam dô êt lơi. Oh mi ò git lah dô êt kañ lơh gơprồ jơh dô kơnac kơmbuh ò ơ?

I Kôrintô 7:7

Bulah behơ̆ añ kòñ jơh tơl nă ơm tòm toh be añ; mơya kòp nă gơs bơta ai gòi is bơh Yàng Tom Trồ, cau do be do, cau ne be dă.

Jakơ 1:17

Jơh ală bơta nđàc niam mơ bơta ai gòi wil tơl tus bơh đang jòng, gơ mù bơh di Yàng bèp la bơta àng; tòm Kơnràñ ò gơs bơta tòmgơl, kung ò gơs mƀur bơta pơrlac lơi ò.

I Pier 4:10

Kòp nă ai tĕ bơta ai gòi he neh dòp geh nàng duh broă bal mơ gơp, kung be cau at bồ hìu dô bă niam dòn song tòmpà bơta nđàc lìu làc Yàng Tom Trồ dê.