I Kôrintô 4:6 - Sră Goh 2018

⁶ Ơ oh mi, tài bơh oh mi tàng añ neh ngui ală bơta do nàng sơnio bơh añ mơ Apôlôs, nàng oh mi bơtê bơh bol hi gơtha jơnau đơs lah: “Bañ sơrlèt rlau mơ jơnau neh cih;” nàng ò gơs dô nă cau lơi tòm oh mi jòng să bơh cau do mơ tòmdră mơ cau ne.

I Kôrintô 4:6 ပူးပေါင်းရင်းမြစ်များ

Đơs Crih 146:3

Bañ dòn kơnòm di ală kwang bàng, bañ dòn kơnòm di kòn mơnus, la cau ò rgơi dong kòl.

Đơs Crih 8:4

Gen jơi kòn mơnus la ñchi mơ Kơnràñ kah taih? Kòn mơnus la ñchi mơ Kơnràñ wèt sền taih?

Esai 2:22

Bañ kơnòm di kòn mơnus, la jơi mìng gơs nhơm tă tòm trồm muh; bol khai gơs bơta kwơ màng kàr lơi taih?

Broă 18:24

Tŭ hơ̆, gơs dô nă cau Juda sơnđan la Apôlôs, ƀòn tòm khai la Aleksandria lòt tus hơ Ephesô; khai la cau đơs jak mơ git wă Sră Goh sơl.

Broă 19:1

Tòm tŭ Apôlôs gam ơm tòm Kôrintô, Pol neh lòt làm jơh kơnhwàl gen tus hơ Ephesô, tìp dô êt nă cau bơtê ơm tềng hơ̆,

Rôma 12:3

Behơ̆, kơnòm di bơta nđàc neh ai añ in, añ đơs mơ kòp nă cau tòm oh mi, bañ sền să he jòng rlau ir, mơya pal sền tĕ să he tòm toh be rnoas bơta dòn mơ Yàng Tom Trồ neh pà kòp nă cau in.

I Kôrintô 1:12

Mơ añ kòñ đơs ală bơta oh mi đơs lah: “Añ gơrê mơ Pol;” hala “Añ gơrê mơ Apôlôs,” hala “Añ gơrê mơ Sepha,” hala “Añ gơrê mơ Bơtau Krist.”

I Kôrintô 1:19

Bơh neh cih lah: “Añ rơp tơnroh bơta jak chài ală cau jak chài dê, Mơ Añ rơp tă sang bơta git wă ală cau bơtê oă dê.”

I Kôrintô 1:31

Jat be jơnau Sră Goh neh cih lah: “Cau lơi jòng să, gen jòng să tĕ tòm Yàng.”

I Kôrintô 13:4

Bơta kòñ gơboh gơs bơta kong ơt mơ kơ̆ dơn, bơta kòñ gơboh ò ƀoah gơjrañ, bơta kòñ gơboh ò jòng să mơ ò pơnhừ să,

I Kôrintô 3:19

Bơh bơta jak chài dunnia dê gơwèt mơ Yàng Tom Trồ la tùl gơla. Be Sră Goh neh cih lah: “Kơnràñ kup ală cau jak chài tòm bơta lac lèo bol khai dê.”

I Kôrintô 3:21

Behơ̆, bañ gơs cau lơi jòng să bơh ală broă jơi kòn mơnus rgơi lơh. Bơh jơh ală bơta la bal mơ oh mi.

I Kôrintô 5:2

Mơ oh mi gam jòng să he taih? Chan oh mi moat jrùng la niam rlau, mơ cau neh tìs glài hơ̆ pal tă tơlik bơh digùl oh mi.

I Kôrintô 5:6

Bơta jòng să oh mi dê ò niam dô êt lơi. Oh mi ò git lah dô êt kañ lơh gơprồ jơh dô kơnac kơmbuh ò ơ?

I Kôrintô 8:1

Gơwèt hơ phan ơn duh khoai rùp ràk, ngan behơ̆ be cau òs đơs: “kòp nă bol he gơs bơta git jak.” Bơta git jak lơh he in jòng is să he, ai bơta kòñ gơboh gen bơt bơtào.

I Kôrintô 9:23

Jơh ală broă añ lơh gen lơh tài bơh Jơnau Niam, tồ añ in kung geh tòmpà bơta lơngai lơngò Jơnau niam dê.

II Kôrintô 10:12

Ngan bol hi ò khin pơndròm să tòm he mơ ală cau ne, la cau jak yal tơlik is să he dê; să tòm bol khai ai să tòm mơ was să tòm, ai să tòm mơ pơndròm să tòm, gen ngan la cau ò git jơnau.

II Kôrintô 10:15

Bol hi ò jòng să rlau mơ sơnoa rnoas, hơ̆ la jòng să bơh bơta kong bòl glar lơh broă cau ndai dê; mơya kơp kòñ lah bơta dòn oh mi dê bơtơl tơngguh gen gơnoar broă bol hi dê kung rơp geh pò ơnàng rlau digùl oh mi, jat be gơnoar bol hi dê,

II Kôrintô 10:7

Oh mi mìng sền đah bơdìh! Dilah gơs cau lơi dòn nền lah, khai gơrê bal mơ Bơtau Krist gen kơlôi is tĕ lah cau hơ̆ gơrê bal mơ Bơtau Krist be lơi, gen bol hi kung gơrê bal mơ Kơnràñ behơ̆ sơl.

II Kôrintô 11:4

Bơh oh mi neh chò nùs kong dòp, dilah gơs cau lơi lòt tus bơto yal oh mi in dô nă Jesu ndai krơi is mơ Yàng Jesu bol hi neh bơto yal, mơ oh mi neh dòp dô nơm hwềng mơ jơnau niam ndai krơi is mơ Yàng Hwềng mơ Jơnau Niam oh mi neh dòp bơh bol hi.

II Kôrintô 12:19

Neh jŏ rau oh mi tồnlah bol hi tò să gơwèt mơ oh mi. Hơ̆ la tòm Bơtau Krist, di đap Yàng Tom Trồ mơ bol hi đơs. Ơ ală oh mi kòñ gơboh, jơh ală bơta hơ̆ la bơh bơta bơt bơtào oh mi in.

II Kôrintô 12:20

Bơh añ rngòt lah dơ̆ añ lòt tus, gen gŏ oh mi ò di be añ kơp kòñ, oh mi gŏ añ kung ò di be oh mi neh kơp kòñ. Añ rngòt tai lah gam gơs bơta tòm pơndang, ƀoah, gơjrañ kơuềng, cah is mpồl, đơs joh, jak đơs iơh, jòng să, nggồr nggàc tai mòn.

II Kôrintô 12:6

Dilah añ kòñ jòng să, gen kung ò di la tùl gơla, bơh bơta añ đơs la ngan; mơya añ bơkơŭ is, rngòt gơs cau lơi kơlôi bơh añ rlau mơ bơta khai neh gŏ di añ hala kơno añ đơs.

II Kôrintô 4:15

Bơh jơh ală bơta gơlik gơs la tài bơh oh mi, tồ bơta nđàc bơh oă cau sơlo bơtơl oă ngan, nàng lơh bơta ưnngài kung sơlo bơtơl tơngkah tơngkañ, mơ lơh gơklŏ Yàng Tom Trồ in.

Kôlôse 2:18

Bañ lòi cau lơi ngui bơta pơndêt să is mơ bơta duh khoai cau gơnrơh nàng kơñau phan ƀàn oh mi dê, bơh cau hơ̆ lơh jat ală bơta gơtơnggŏ khai dê, jat nùs kơlôi poac să dê mơ pơnhừ să ò bồ,

I Tesalônika 1:5

bơh Jơnau Niam bol hi dê neh bơto yal oh mi in, ò di mìng bơh jơnau đơs lơm, mơya kung bơh gơnap gơnoar, bơh Yàng Hwềng Goh mơ bơh oă bơta dòn nền cê wil tơl sơl, kung be oh mi git bol hi ơm digùl oh mi la mbe lơi; bơta hơ̆ la niam oh mi in.

II Timôthe 2:10

Behơ̆ tàng tài bơh ală cau neh geh sac rwah mơ añ kong jơh ală bơta, tồ bol khai in kung geh bơta dong klàs tòm Yàng Krist Jesu, bal mơ bơta gơklŏ gam sùm sùm.