I Kôrintô 4:5 - Sră Goh 2018

⁵ Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

I Kôrintô 4:5 ပူးပေါင်းရင်းမြစ်များ

Sră Jop 12:22

Kơnràñ pò bơta jrô ndơp lik bơh bơta klam jơngo. Mơ cèng bơta jơngo tus hơ bơta àng.

Jơnau Pơnđik 12:8

Cau geh jòng ro bơh bơta jak chài; Ai cau gơs nùs rkwet rkwe gơkòl sền òsơp.

Cau Bơto 11:9

Ơ cau kơnòm să, hòn chò tĕ tòm tŭ mê gam kơnòm să, lòi tĕ nùs mê hừh hơh tòm tŭ gam kơnòm să, lòt jat tĕ gùng dà nùs mê kòñ, mơ đal sền bơta mat mê hàm kòñ, mơya git lah bơh ală bơta hơ̆, Yàng Tom Trồ rơp hòi mê tus nàng cahrña.

Cau Bơto 12:14

Bơh Yàng Tom Trồ rơp cèng jơh ală broă lơh nàng cahrña, mơ jơh ală broă ndơp ndơr rlau jơh, bulah niam hala iơh.

Jeremi 16:17

Bơh mat Añ sền sơwì kòp gùng dà bol khai dê, ală broă hơ̆ ò geh pồn bơh di mat Añ, tồi glài bol khai ò geh pồn ndơp bơh mat Añ.

Jeremi 23:25

Añ neh kơno bơta ală cau gơnoar hwơr do đơs, bol khai ai sơnđan Añ mơ đơs hwơr ma blac lah: ‘Añ neh mpau; ngan añ neh mpau!’

Sră Ôse 8:13

Bulah bol khai ơn phan duh khoai niam Añ in, bulah bol khai sa poac, Yàng Jehôwa kung ò dòp bol khai. Tŭ do Kơnràñ kah wơl bơta tồi glài bol khai dê, mơ lơh glài bơh tồi glài bol khai dê, bol khai rơp rê wơl hơ Ejiptơ.

Malaci 3:18

Mơ dô dơ̆ tai bol mê rơp gŏ bơta krơi is digùl cau song ring mơ cau iơh bơsak, digùl cau duh broă Yàng Tom Trồ mơ cau ò duh broă Kơnràñ.”

Mathiơ 10:26

“Behơ̆ bañ rngòt di bol khai, bơh ò gơs bơta lơi pồn ndơp mơ ò gơ pò tơlik, ò gơs bơta lơi ndơp ndơr mơ ò gơ ràng tơlik.

Mathiơ 24:30

Tŭ hơ̆ tềl sơnio Kòn Mơnus dê rơp gơtơlik hơđang trồ, jơh ală jơi bơtiàn tòm ù rơp tur ntơh ñìm rac, mơ gŏ Kòn Mơnus ai gơnap gơnoar mơ bơta gơklŏ dờng ơm hơđang mhwal trồ mơ tus.

Mathiơ 24:46

Lơngai cau dĭ hơ̆ in, tòm tŭ cau tòm tus gŏ khai lơh behơ̆.

Mathiơ 25:21

Cau tòm đơs mơ khai lah: ‘Ơ cau dĭ lơbơn niam mơ dòn song ne, niam ngan; mê neh dòn song tòm broă dềt, añ rơp bơtào mê tòm oă broă. Mut tĕ tòm bơta hòn chò cau tòm mê dê.’

Mathiơ 25:23

Cau tòm đơs mơ khai lah: ‘Ơ cau dĭ lơbơn niam mơ dòn song ne, niam ngan; mê neh dòn song tòm broă dềt, añ rơp bơtào mê tòm oă broă. Mut tĕ tòm bơta hòn chò cau tòm mê dê.’

Luka 6:37

Bañ cahrña di cau lơi, gen bol mê rơp klàs bơta cahrña; bañ lơh nền glài cau lơi, gen bol mê rơp klàs bơta lơh nền glài; toh glài tĕ gen bol mê rơp geh toh glài.

Jang 21:22

Yàng Jesu đơs lah: “Dilah Añ kòñ khai kư̆ ơm jơl tus di tŭ Añ tus, gen ñchi bơta gơkwă di mê taih? Ai mê, jat tĕ Añ.”

Jang 21:23

Behơ̆ jơnau hơ̆ pơnro tòm ală oh mi lah cau bơtê hơ̆ rơp ò chơt. Mơya Yàng Jesu ò đơs lah cau hơ̆ rơp ò chơt ò, mơya đơs lah; “Dilah Añ kòñ khai kư̆ ơm jơl tus di tŭ Añ tus, gen ñchi bơta gơkwă dê mê taih?”

Jang 5:44

Bol mê dòp bơta gơklŏ bal mơ gơp, ò jòi jat bơta gơklŏ tus bơh Yàng Tom Trồ mìng dùl lơm, gen mbe rgơi bol mê dòn taih?

Rôma 14:4

Mê la ñcau mơ khin cahrña di dĭ gơna cau ndai dê taih? Khai ntào hala gơplơ̆, hơ̆ la broă cau tòm khai dê. Ngan khai rơp ntào, bơh Yàng gơs gơnoar ai khai in ntào kơ̆.

Rôma 2:1

Behơ̆, ơ cau ne, bulah mê la ñcau, kung ò geh tò să he; bơh mê cahrña di cau ndai bơh bơta lơi, gen kung lơh nền glài să tòm he in sơl, bơh mê cahrña di cau lơh bơta hơ̆, mơ mê kung lơh ală bơta behơ̆ sơl.

Rôma 2:16

Behơ̆ jat be jơnau niam añ bơto yal; tòm ngai hơ̆, Yàng Tom Trồ kơnòm di Yàng Jesu Krist rơp cahrña ală bơta kơlôi sơnơng ndơp ndơr kòn mơnus dê.

Rôma 2:29

Mìng cau Juda đah dơlam sồng la cau Juda ngan, bơta siat gơltau tòm nùs sồng la bơta siat gơltau ngan, ơm tòm hwềng nùs bơh Yàng Hwềng. Cau hơ̆ geh jòng ro ngan, ò di bơh kòn mơnus mơya bơh Yàng Tom Trồ.

Rôma 2:7

Cau lơi kơ̆ nùs lơh bơta niam, mơ jòi jat bơta gơklŏ, sền dờng màng mơ bơta ò ồm lề, gen Yàng Tom Trồ tơm wơl bol khai in bơta kis gam sùm sùm;

I Kôrintô 1:7

nàng oh mi ò siơ̆u dô bơta ai gòi lơi đah hwềng, tòm tŭ kơp gơn bơta tơlik mat Yàng Jesu Krist bol he dê.

I Kôrintô 11:16

Mơya dilah cau lơi kòñ tòm pơndang, gen bol hi ò gơs bơta òs mòng behơ̆, mơ ală Hìu Jum Goh Yàng Tom Trồ dê kung ò gơs sơl.

I Kôrintô 11:26

Behơ̆ tŭ lơi oh mi sa piang lă do, mơ hùc mơngàn do, gen oh mi bơto yal bơta chơt Yàng dê jơl tus di tŭ Kơnràñ tus wơl.

I Kôrintô 15:23

Mơya jat bơta rơndap kòp nă is he dê: Bơtau Krist la plai bồ sơnam, gen ală cau gơrê bal mơ Bơtau Krist rơp kis wơl tòm tŭ Kơnràñ tus wơl.

I Kôrintô 3:13

gen broă kòp nă cau dê rơp geh ràng tơlik; bơh tòm ngai Yàng dê rơp yal loh. Tài bơh gơ rơp geh ràng tơlik tòm ồs, mơ ồs rơp lòng broă kòp nă cau dê la mbe lơi.

I Kôrintô 3:14

Dilah broă cau lơi bơt hơđang mơnàng hơ̆ gam wơl, gen cau hơ̆ rơp geh phan ƀàn.

I Kôrintô 3:8

Cau tam mơ cau tuh la dô bă bal, mơya kòp nă rơp dòp phan ƀàn is he dê, jat be broă bòl glar khai neh lơh.

II Kôrintô 10:18

Bơh ò di la cau yò tơngguh is să he geh dòp, mơya la cau Yàng yò tơngguh gơ dê geh dòp.

II Kôrintô 10:9

añ ò kòñ lơh oh mi rngòt bơh ală sră pơyoa añ jê.

II Kôrintô 4:2

mơya bol hi neh sang lòi ală broă lơh ndơp ndơr mơ ƀàssìl ƀàsso, ò lơh bơta lac lèo, kung ò lơh dơrklài jơnau Yàng Tom Trồ dê sơl, mơya di đap Yàng Tom Trồ bol hi yal tơlik jơnau song mơ să tòm bol hi lòi nùs tồr kòp nă cau in sền sơwì.

II Kôrintô 5:10

Bơh bol he jơh tơl nă pal ntào di đap tiah cahrña Bơtau Krist dê, tồ kòp nă cau in dòp geh jat be broă niam hala iơh he neh lơh tòm tŭ gam ơm tòm poac să.

I Tesalônika 5:2

bơh să tòm oh mi git loh ngan lah ngai Yàng dê rơp tus be cau kơñau tòm trồ mang.

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.

Jakơ 4:11

Ơ oh mi, bañ đơs joh di gơp. Cau lơi đơs joh di oh mi he hala cahrña di oh mi he, hơ̆ la đơs joh di bơta boh lam, mơ cahrña di bơta boh lam. Mơya dilah mê cahrña di bơta boh lam gen mê ò di la cau lơh jat, mơya la cau cahrña di bơta boh lam.

Jakơ 5:7

Ơ oh mi, behơ̆ tàng kong ơt tĕ jơl tus dê tŭ Yàng tus. Sền tĕ, cau lơh sre kơp gơn cồng nha kas màng bơh tòm ù, mơ gơs nùs kong ơt jơl tus di tŭ lơi tus mìu bồ sơnam mơ lồi sơnam.

Jakơ 5:9

Ơ oh mi, bañ yoam pơrhiat di gơp, tồ klàs di bơta cahrña; ne, Bơtau cahrña ơm di bơr mpồng.

I Pier 1:7

nàng bơta dòn oh mi dê tơnơ̆ mơ tŭ neh kong jai bơta gơlòng rau, gen gơlik màng rlau mơ màh òs roh rui, bulah gơ neh kong lòng tòm ồs rau. Gen lơh bơta dòn oh mi dê di pal geh bơta jòng ro, gơklŏ, màng ryŭ tòm tŭ Yàng Jesu Krist tơlik mat.

I Pier 5:4

Tòm tŭ Bơtau Dờng Ê Belàt tơlik mat, gen oh mi rơp dòp geh sơgơn bơtau gơklŏ ò ro jrùh.

II Pier 3:12

tòm tŭ jơh nùs kơp gơn tồ ngai Yàng Tom Trồ mhar tus, la ngai ală tap trồ rơp kong ồs sa lề jơh, mơ ală bơta rơp kong chu pơrguc jơh tòm ồs.

II Pier 3:4

mơ đơs lah: “Ntềng đah jơnau ho pơgon bơh bơta Yàng tus wơl taih? Bơh di tŭ ồng pàng bol he neh bic, gen jơh ală phan kư̆ gam sùm be tòm tŭ sơnròp crơng gơs trồ tiah.”

Jude 1:14

Hơ̆ kung tài bơh bol khai mơ Enôk la cau neh poh rài bơh Adam, neh đơs hwơr lah: “Ne, Yàng tus bal mơ tơlak tơmàn cau sàng goh Kơnràñ dê,

Yal Tơlik 1:7

Ne, Kơnràñ ơm tòm mhwal mơ tus, mơ jơh ală gar mat rơp gŏ Kơnràñ, ală cau neh hwit Kơnràñ kung gŏ sơl; mơ jơh ală jơi bơtiàn tòm plai ù rơp ñìm rac bơh Kơnràñ. Ngan behơ̆. Amen.

Yal Tơlik 20:12

Añ gŏ ală cau chơt, dờng mơ dềt, ơm ntào di đap sơbàn mơ ală sră geh pò tơlik. Kung gơs dô dap sră ndai geh pò tơlik sơl la sră bơta kis. Ală cau chơt kong cahrña jat be ală bơta neh cih tòm ală sră hơ̆, jat be ală broă bol khai neh lơh.