I Kôrintô 4:4 - Sră Goh 2018

⁴ Bơh añ ò gŏ bơta lơi tìs mơ să tòm añ, mơya añ ò kơnòm di bơta hơ̆ nàng geh kòp la song ring. Bơtau cahrña añ hơ̆ la Yàng.

I Kôrintô 4:4 ပူးပေါင်းရင်းမြစ်များ

Sră Jop 15:14

Jơi kòn mơnus la ñchi mơ rgơi gơlik sàng goh taih? Hala ală cau deh bơh cau ùr rgơi geh kòp la song ring ơ?

Sră Jop 25:4

Gen mbe rgơi dô nă cau geh kòp la song ring di đap Yàng Tom Trồ taih? Mbe rgơi dô nă cau deh bơh cau ùr gơlik gơs sàng goh taih?

Sră Jop 27:6

Añ rơp sơmbat kơ̆ bơta song ring añ jê, mơ ò lòi gơ in lòt; nùs añ rơp ò lah pơrhơng añ tòm ală ngai rài kis añ.

Sră Jop 40:4

Mê gơs dô nơm tơwòr tê kung be Yàng Tom Trồ sơl? Mơ mê rgơi lơh ntơr kơnàs be Kơnràñ sơl?

Sră Jop 9:20

Bulah añ ò gơs glài, bơr añ rơp kup glài añ; Dilah añ wil tơl, Kơnràñ rơp lơh cơng añ la cau neh rkwet rkwe.

Đơs Crih 130:3

Ơ Yàng Jehôwa, dilah Kơnràñ prap kah sùm bơta tồi glài iơh bơsak, gen ơ Yàng! Ñcau rgơi ntào jai taih?

Đơs Crih 143:2

Dan bañ cahrña di cau duh broă Kơnràñ dê, Bơh ò gơs cau kis lơi la song ring di đap Yàng.

Đơs Crih 19:12

Mơya ñcau rgơi git ală bơta tìs nrah he dê taih? Dan Yàng toh ală bơta tìs añ ò git.

Đơs Crih 26:12

Jơng añ ntào tòm tiah ring drik; Añ rơp jòng ro Yàng Jehôwa tòm mpồl jơnum dờng.

Đơs Crih 50:6

Ală tap trồ bơto yal bơta song ring Kơnràñ dê, Tài bơh să tòm Yàng Tom Trồ la Bơtau cahrña! (Selah)

Jơnau Pơnđik 21:2

Ală gùng dà kòn mơnus dê la di pal jat mat bol khai dê; mơya Yàng Jehôwa kơr was nùs bol khai.

Jơnau Pơnđik 29:26

Oă cau dan bơta nđàc di cau bơtau; mơya bơta song ring cau dê tus bơh Yàng Jehôwa.

Jang 21:17

Kơnràñ đơs tai mơ khai dơ̆ pe lah: “Ơ Simôn, kòn Jôna, mê gơboh di Añ sơl?” Pier moat jrùng bơh Kơnràñ đơs tai mơ khai dơ̆ pe: “Mê gơboh di Añ sơl?” Gen khai đơs lah: “Ơ Yàng, Kơnràñ git jơh ală bơta, Kơnràñ git lah añ gơboh di Kơnràñ.” Yàng Jesu đơs lah: “Ròng siam tĕ ală belàt Añ jê.

Broă 23:1

Pol sền di Mpồl Kwang Tơrña mơ đơs lah: “Ơ ală oh mi, di đap Yàng Tom Trồ añ neh kis bơh nùs tồr niam mơ song ngan jơl tus di ngai do.”

Rôma 2:13

bơh di đap Yàng Tom Trồ ò di cau kơno bơta boh lam la cau song ring ò, mơya cau lơh jat bơta boh lam gen geh kòp la song ring.

Rôma 4:2

Bơh dilah Abraham neh geh kòp la song ring bơh broă lơh, gen khai gơs bơta nàng jòng să; mơya di đap Yàng Tom Trồ ò di behơ̆ ò.

I Kôrintô 4:3

Mơya đah mơ añ, kòl oh mi cahrña hala cau ndai cahrña, añ sền bơta hơ̆ la dềt ngan; ngan añ kung ò cahrña să tòm añ sơl.

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

II Kôrintô 5:10

Bơh bol he jơh tơl nă pal ntào di đap tiah cahrña Bơtau Krist dê, tồ kòp nă cau in dòp geh jat be broă niam hala iơh he neh lơh tòm tŭ gam ơm tòm poac să.