I Kôrintô 4:14 - Sră Goh 2018

¹⁴ Añ cih ală jơnau do ò di nàng lơh ală oh mi in ƀàssìl, mơya nàng bơto tơngkah ală oh mi be ală kòn kòñ gơboh añ jê.

I Kôrintô 4:14 ပူးပေါင်းရင်းမြစ်များ

Ejekiel 3:21

Mơya, dilah mê neh bơto pơhìn cau song ring bañ tìs glài mơ khai ò tìs glài, gen ngan khai rơp kis tài bơh neh iat jơnau bơto pơhìn; mơ mê gen geh dong klàs să tòm he.”

Broă 20:31

Behơ̆, drơng kơp tĕ mơ kah wơl lah tòm pe nam, ngai mơ mang, añ hòr dà mat mơ bơto sồr tơl nă cau in ò dơh.

I Kôrintô 15:34

Kơlôi kah tĕ, mơ lơh lòt dô bă di pal, bañ tìs glài tai, bơh gơs cau ƀà ò git bơh Yàng Tom Trồ dô êt lơi; añ đơs bơta hơ̆ tồ oh mi in ƀàssìl.

I Kôrintô 4:15

Bulah oh mi gơs jơt rbô nă cau bơto tòm Bơtau Krist, mơya oh mi ò gơs oă bèp; bơh tòm Yàng Krist Jesu añ neh tơnggơs oh mi bơh Jơnau Niam.

I Kôrintô 4:17

Tài behơ̆, añ neh sồr Timôthe lòt tus hơ oh mi, khai la kòn kòñ gơboh mơ dòn song añ jê tòm Yàng. Khai rơp tơngkah oh mi in bơh ală gùng dà rài kis pa añ jê tòm Yàng Krist Jesu, kung be añ bơto sồr tòm kòp nơm Hìu Jum Goh làm bă tiah.

I Kôrintô 6:5

Añ đơs behơ̆ tồ lơh bol mê in ƀàssìl. Behơ̆ ngan sơl la tòm oh mi ò gơs dô nă cau lơi tơl jak chài nàng rgơi cahrña digùl cau dòn sơl ơ?

I Kôrintô 9:15

Pơnah đah añ, añ ò ngui gơnoar hơ̆ ò, kung ò cih sră do nàng ai wơl gơnoar hơ̆; chan añ kong chơt la niam rlau mơ kong cau lơh bơta jòng să añ jê gơlik gơs ò kwơ.

II Kôrintô 11:11

Ñchi bơh tài añ đơs behơ̆ taih? Tài bơh añ ò kòñ gơboh di oh mi sơl ơ? Neh gơs Yàng Tom Trồ git!

II Kôrintô 12:19

Neh jŏ rau oh mi tồnlah bol hi tò să gơwèt mơ oh mi. Hơ̆ la tòm Bơtau Krist, di đap Yàng Tom Trồ mơ bol hi đơs. Ơ ală oh mi kòñ gơboh, jơh ală bơta hơ̆ la bơh bơta bơt bơtào oh mi in.

II Kôrintô 7:3

Añ ò di đơs bơta hơ̆ nàng lơh nền glài oh mi; bơh añ neh đơs lài lah oh mi ơm tòm nùs bol hi dê, nàng kis bal chơt bal mơ gơp.

Kôlôse 1:28

Bol he bơto yal bơh Kơnràñ mơ ai jơh ală bơta jak chài bơto tơngkah kòp nă cau, bơto sồr kòp nă cau nàng tơlik mat bol khai dô bă wil tơl tòm Bơtau Krist.

I Tesalônika 2:11

Oh mi kung git mbe lơh bol hi gơwèt mơ kòp nă cau tòm oh mi be bèp mơ kòn.

I Tesalônika 5:14

Bol hi jơh nùs dan oh mi lah, bơto tơngkah tĕ ală cau ală alai, chồl bơtrut ală cau ò khin cha, dong kòl ală cau lơbơn lơño, kong ơt gơwèt mơ tơl nă cau.

II Tesalônika 3:14

Dilah cau lơi ò dòn jat jơnau bol hi đơs tòm sră pơyoa do, gen git tĕ cau hơ̆, bañ tòmsòr mơ khai, tồ khai in git ƀàssìl ƀàsso.

Philemôn 1:10

Behơ̆ añ rac dan mơ bi bơh Ônesim, la kòn klau tòm añ jê tòm Bơtau Krist, mơ tòm tŭ añ ơm jàm añ neh gơlik gơs bèp đah hwềng khai dê.

I Jang 2:1

Ơ ală kòn añ jê, añ cih ală kòn in ală bơta do tồ ală kòn ò tìs glài. Mơya dilah gơs cau lơi tìs glài, gen bol he gơs dô Bơtau hòi dan ala ơm mơ Yàng Bèp, la Yàng Jesu Krist, hơ̆ la Bơtau song ring.

III Jang 1:4

Añ kơno ală kòn añ kis tòm jơnau song, gen ò gơs bơta hòn chò lơi rlau tai añ in.