I Kôrintô 4:12 - Sră Goh 2018

¹² Bol hi ngui tê tòm mơ kong bòl glar lơh broă; tŭ gơtìp lah sơrpah, gen bol hi ai lơngai; tŭ gơtìp kup kơryan, gen bol hi kong;

I Kôrintô 4:12 ပူးပေါင်းရင်းမြစ်များ

Mathiơ 5:11

Lơngai bol mê in tài bơh Añ mơ gơkòl cau bơtat bơtròh, kup kơryan, mơ yă blac jơh ală bơta iơh.

Mathiơ 5:44

Mơya Añ đơs mơ bol mê: Kòñ gơboh tĕ di cau sò tơm di bol mê, mơ hòi dan tĕ cau lơi in kup kơryan bol mê,

Luka 23:34

Yàng Jesu đơs lah: “Ơ Bèp, dan toh glài bol khai in, bơh bol khai ò git bơta bol khai lơh.” Chòp bol khai tă khà nàng tòmpà ồi ào Kơnràñ dê.

Luka 6:28

ai lơngai tĕ ală cau in srat rma bol mê, cau bơtat bơtròh di bol mê gen hòi dan tĕ bol khai in.

Jang 15:20

Kah tĕ jơnau Añ neh đơs mơ bol mê: ‘Cau dĭ ò dờng rlau mơ cau tòm.’ Dilah bol khai neh kup kơryan Añ, gen kung rơp kup kơryan bol mê sơl; dilah bol khai neh prap gàr jơnau Añ, gen kung rơp prap gàr jơnau bol mê sơl.

Broă 18:3

ơm lơh broă bal tòm hìu bol khai, tài bơh broă lơh ndròm bal la jing sàl.

Broă 20:34

Să tòm oh mi git lah bàr nơm mpàng tê do neh lơh gơlik gơs phan ngui sa añ in mơ oh mi lơh broă bal mơ añ in sơl.

Broă 7:60

Gen khai cùn gơltang, hòi dờng lah: “Khoai Yàng, dan bañ tuh glài do hơđang bol khai!” Lồc khai đơs jơnau hơ̆ gen bic tơn.

Rôma 12:14

Ai tĕ bơta lơngai cau in kup kơryan di oh mi; ai tĕ bơta lơngai, bañ srat rma.

Rôma 12:20

Bơh kung gơs cih lah: “Dilah cau sò tơm he gơs jơgloh, gen ai tĕ khai in sào; dilah khai tơhìr dà, gen ai tĕ khai in hùc; bơh lơh behơ̆ la ò gơkrơi be he ai rơnga ồs hơng tơrjik hơđang bồ khai.”

Rôma 8:35

Ñcau rơp cah is bol he bơh bơta kòñ gơboh Bơtau Krist dê taih? Hơ̆ la bơta rung rài, pơnjê pơngkồr, kup kơryan, jơgloh rung, ơm kuh lòi rồ, sơbơng rơng, hala crut đào sơl ơ?

I Kôrintô 9:6

Hala mìng dô nă añ mơ Banaba pal lơh broă nàng kis sơl ơ?

II Kôrintô 11:8

Añ neh dòp jền tơngai oă rlau bơh ală Hìu Jum Goh ndai, nàng duh broă oh mi in.

Ephesô 4:28

Cau òs ntung kơñau bañ ntung kơñau tai, mơya chan kong bòl glar lơh broă, ai tê he lơh broă niam, tồ gơs phan nàng dong cau siơ̆u siar la niam rlau.

I Tesalônika 2:9

Ơ oh mi, oh mi gam kah bơta kong lơh broă mơ bơta bòl glar bol hi dê; tòm tŭ bol hi bơto yal Jơnau Niam Yàng Tom Trồ dê oh mi in, gen kung lơh broă ngai mơ mang, tồ ò lơh pơnjê di dô nă cau lơi tòm oh mi.

II Tesalônika 3:8

Kung ò tŭ lơi sa gòi phan cau lơi dê, mơya ngai mơ mang lơh broă bòl glar nàng ò lơh pơnjê di cau lơi tòm oh mi.

I Timôthe 4:10

Kung bơh hơ̆ mơ bol he kong bòl glar lơh broă mơ tòmlơh, bơh bol he neh ơn nùs gơn kơnòm di Yàng Tom Trồ gam kis sùm, la Yàng Dong Klàs jơh ală cau dê, sơnròp ngan la ală cau dòn dê.

I Pier 2:23

Tòm tŭ Kơnràñ kong cau lah sơrpah, gen Kơnràñ ò lah sơrpah wơl; tòm tŭ kong bòl glar jê sồt, gen ò đơs pơhìn, mơya Kơnràñ kư̆ jào phi să tòm Kơnràñ dê Bơtau cahrña dô bă song ring.

I Pier 3:14

Mơya dilah oh mi bơh bơta song ring mơ pal kong bòl glar jê sồt, gen gơs lơngai. Bañ rngòt, kung bañ dơrcul nùs bơh broă iơh bol khai lơh di he.

I Pier 3:9

Bañ ai bơta iơh sal wơl bơta iơh, kung bañ ai bơta lah sơrpah sal wơl bơta lah sơrpah; mơya gơpơrlơ̆ wơl, pal ai lơngai, bơh bơta hơ̆ mơ oh mi geh hòi sac nàng pơrdòn bơta lơngai lơngò.

I Pier 4:19

Behơ̆, gen ală cau kong bòl glar jê sồt jat nùs kòñ Yàng Tom Trồ dê kư̆ lơh tĕ bơta niam mơ jào hwềng soàn he Bơtau crơng gơs in, la Bơtau dòn song.

Jude 1:9

Mơya tòm tŭ cau gơnrơh dờng rlau jơh la Mikael tòm pơndang mơ cà ràk nàng tòmpìt ƀồc Môise, gen khai ò khin ai jơnau bơrsèl tơnhial nàng yă cà ràk mơya mìng đơs lah: “Dan Yàng lah pơrhơng mê.”