I Kôrintô 4:11 - Sră Goh 2018

¹¹ Bol hi kong jơgloh mơ tơhìr, ơm sut sèt, kong pù lơh, mơ lòt ngai do tềng do, ngai hìng tềng hơ̆.

I Kôrintô 4:11 ပူးပေါင်းရင်းမြစ်များ

Sră Jop 22:6

Ồng neh ai phan ai bồ bơh ală oh mi ồng dê dô bă ò bồ, mơ hồ tă ồi ào cau dê mơ lòi bol khai ơm kuh lòi rồ.

Mathiơ 8:20

Yàng Jesu đơs lah: “Pì gơs trồm, sềm gơs rsòn, mơya Kòn mơnus ò gơs tiah gòl bồ.”

Broă 14:19

Tŭ hơ̆, gơs ală cau Juda bơh Antiôt mơ Ikôni lòt tus bơchồt mpồl làng bol, bol khai cơm lŭ di Pol, tồnlah khai neh chơt rau, gen hwài khai hơ bơdìh ƀòn dờng.

Broă 16:23

Tơnơ̆ mơ tŭ neh pù lơh rau, tơmut bol khai tòm hìu jàm, mơ nting sồr cau at bồ hìu jàm kơp gàr kơ̆ nền ngan.

Broă 23:2

Tŭ hơ̆, cau gơnoar dờng lam bồ ơn phan duh khoai la Anania sồr ală cau ntào di gah Pol pah di bơr khai.

Rôma 8:35

Ñcau rơp cah is bol he bơh bơta kòñ gơboh Bơtau Krist dê taih? Hơ̆ la bơta rung rài, pơnjê pơngkồr, kup kơryan, jơgloh rung, ơm kuh lòi rồ, sơbơng rơng, hala crut đào sơl ơ?

I Kôrintô 9:4

Bol hi ò geh gơnoar sa mơ ñô sơl ơ?

II Kôrintô 11:20

Dilah gơs cau lơi kup oh mi tơmut tòm yô dĭ gơna, hala gơs cau sa loan oh mi, hala gơs cau kup kơñau oh mi, hala gơs cau sền òsơp oh mi, hala gơs cau pah di mat oh mi, gen oh mi kung kong dòp jơh.

II Kôrintô 4:8

Bol hi gơtìp rồn bơklơn tơl ală bơta, mơya ò kòl tơn; gơtìp kòl yan, mơya ò roh bơta gơn kơnòm;

Philip 4:12

Añ git mbe lơh tòm tŭ rƀah lơòi, mơ kung git mbe lơh tòm tŭ geh tơngkah tơngkañ. Tòm jơh ală bơta mơ jơh ală tiah, bulah hòm lai hala jơgloh, bulah tơngkah hala siơ̆u, añ neh git mbe lơh tòm ală bơta hơ̆ rau.

II Timôthe 3:11

bơta kup kơryan, mơ bơta jê sồt bòl glar añ jê, la ală bơta neh gơtơntus di añ tòm Antiôt, Ikôni mơ Listrơ. Ală bơta kup kơryan hơ̆ añ neh kong lơm, mơya Yàng neh dong tă añ lik klàs jơh.