I Kôrintô 3:9 - Sră Goh 2018

⁹ Bơh bol hi la bơyô lơh broă bal mơ Yàng Tom Trồ; oh mi la sre Yàng Tom Trồ dê, mơ hìu Yàng Tom Trồ dê.

I Kôrintô 3:9 ပူးပေါင်းရင်းမြစ်များ

Đơs Crih 118:22

Pơnai lŭ mơ ală cau bơt hìu neh sang tơlik, Lŭ hơ̆ neh gơlik gơs lŭ mum hìu.

Đơs Crih 72:16

Dan ai kòi mbo geh tơngkah tơngkañ tòm lơgar tus di hơđang ală bồ mơnơm, Gơs plai đo oă be Liban; Dan lòi cau ơm tòm ală ƀòn dờng gơlik gơs oă be ñhơt tòm ƀlàng.

Jơnau Pơnđik 9:1

Bơta jak chài neh bơt bơtào hìu khai; Khai neh trah gơs poh nơm jrong khai dê;

Esai 32:20

Lơngai bol mê in tòm tŭ sih gar rềp di kòp nơm croh dà, mơ lòi ală kơnrồ mơ alàng lòt sa ñhơt khat gơboh.

Esai 61:11

Bơh kung be ù lơh chi che hòn, mơ dô nơm suơn lơh gar sơntìl neh sih gơ in hòn dờng, gen kung behơ̆ sơl, Yàng Jehôwa At Bồ Hơđang Jơh rơp lơh bơta song ring mơ bơta jòng ro gơtơngguh di đap jơh ală làng bol.

Esai 61:3

nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Esai 61:5

Ală cau crih mat rơp ntào ê mpồl belàt bol mê dê. Ală cau làng bơdìh rơp lơòr sre mơ tam suơn ño bol mê in.

Jeremi 2:21

Añ neh tam mê kung be dô nơm chi ño sac rwah; Dô nơm chi ño niam goh rlau jơh. Mơya mbe mê neh gơlik ală ntê ò niam, mơ gơlik dô tòm ño brê taih?

Mathiơ 15:13

Kơnràñ ho lah: “Chi lơi mơ Bèp Añ hơđang trồ ò tam gen pal dus.

Mathiơ 16:18

Mơ Añ kung đơs mơ mê lah: mê la Pier, Añ rơp bơt bơtào Hìu Jum Goh Añ hơđang lŭ klềr do, ală mpồng lơgar làng ƀồc ò geh pha rlau mơ Gơ.

Mathiơ 9:37

Gen Kơnràñ đơs mơ ală cau bơtê lah: “Kơnhai toès la dờng ngan, mơya cau toès la dô êt lơm.

Jơnau Niam Jat Mak 16:20

Ai ală cau bơtê lik lòt bơto yal Jơnau Niam làm bă tiah. Yàng lơh broă bal mơ bol khai, mơ ai ală tềl krơi jat bal nàng lơh kơ̆ cê Jơnau Yàng.]

Broă 4:11

Yàng Jesu la cau mơ Sră Goh neh cih lah: Kơnràñ la pơnai lŭ mơ ală ồng la cau bơt hìu neh sang tơlik, mơya neh gơlik gơs pơnai lŭ mum hìu wơl.

I Kôrintô 3:16

Oh mi ò git he la hìu duh khoai Yàng Tom Trồ dê, mơ Hwềng Yàng Tom Trồ ơm tòm oh mi ò ơ?

I Kôrintô 3:6

Añ neh tam, Apôlôs neh tuh dà, mơya Yàng Tom Trồ neh lơh gơ in hòn dờng.

I Kôrintô 6:19

Oh mi ò git lah să jan oh mi la hìu duh khoai Yàng Hwềng Goh dê ơm tòm oh mi, mơ oh mi neh dòp bơh Yàng Tom Trồ ò ơ? Mơ oh mi ò di gơrê bal mơ să tòm oh mi dê ò, mơya gơrê bal mơ Yàng Tom Trồ,

II Kôrintô 6:1

Bơh bol hi lơh broă bal mơ Yàng Tom Trồ, gen dan oh mi bañ dòp leng bơta nđàc Yàng Tom Trồ dê dô bă ò kwơ.

II Kôrintô 6:16

Hìu duh khoai Yàng Tom Trồ dê geh tòm rsò bal mơ rùp ràk sơl ơ? Bơh bol he la hìu duh khoai Yàng Tom Trồ gam kis sùm dê, be Yàng Tom Trồ neh đơs lah: “Añ rơp ơm tòm bol khai, lòt rê digùl bol khai; Añ rơp lơh gơs Yàng Tom Trồ bol khai dê, Mơ bol khai rơp lơh gơs làng bol Añ jê”

Ephesô 2:10

Bơh bol he la broă lơh Kơnràñ dê, neh geh Kơnràñ crơng gơs tòm Yàng Krist Jesu nàng lơh broă niam, mơ Yàng Tom Trồ neh rcang lài nàng bol he in lơh jat.

Kôlôse 2:7

Ơm kơ̆ tĕ be chi sro ryas mơ bơt bơtào tĕ tòm Kơnràñ, kơ̆ nền tòm bơta dòn, jat be oh mi neh geh bơto, kung tơngkah tơngkañ tĕ tòm bơta ưnngài.

I Timôthe 3:15

rngòt dilah añ òbat tus, gen mê kung git lơh mbe lơi tòm hìu Yàng Tom Trồ, hơ̆ la Hìu Jum Goh Yàng Tom Trồ gam kis sùm dê, la jrong mơ mơnàng jơnau song dê.

Hebrơ 3:6

Mơya Bơtau Krist dòn song be kòn klau at bồ hìu Yàng Tom Trồ dê; mơ bol he la hìu Kơnràñ dê, dilah bol he prap kơ̆ nùs dòn nền mơ bơta jòng să bơh bơta gơn kơnòm bol he dê.

I Pier 2:5

Oh mi kung be lŭ kis gen bơt bơtào gơs tĕ hìu đah hwềng, lơh gơs cau gơnoar ơn phan duh khoai sàng goh, nàng ơn phan duh khoai đah hwềng, kơnòm di Yàng Jesu Krist tồ geh Yàng Tom Trồ dòp.

III Jang 1:8

Bol he kung pal dong kòl ală cau behơ̆ sơl, tồ bol he mơ bol khai lơh broă bal tòm jơnau song.