I Kôrintô 3:6 - Sră Goh 2018

⁶ Añ neh tam, Apôlôs neh tuh dà, mơya Yàng Tom Trồ neh lơh gơ in hòn dờng.

I Kôrintô 3:6 ပူးပေါင်းရင်းမြစ်များ

Đơs Crih 127:1

Dilah Yàng Jehôwa ò bơt bơtào hìu, Gen ală cau chài bơt hìu lơh broă bòl glar ò kwơ. Dilah Yàng Jehôwa ò sền gàr ƀòn dờng, Gen cau drơng mang kơp gàr ò kwơ.

Đơs Crih 62:11

Yàng Tom Trồ neh đơs dô dơ̆, Añ neh kơno bơta do bàr dơ̆: Hơ̆ la gơnap gơnoar gơrê bal mơ Yàng Tom Trồ.

Đơs Crih 62:9

Ală cau ò diă ò diơng mìng be dô dơ̆ tă nhơm, Ală cau dờng màng be jơnau blac pơrlồm; Ơn hơđang kơr gen bol khai gơyò nggòc, Bol khai dô bă bal nggòc rlau mơ nhơm tă.

Jơnau Pơnđik 11:25

Cau gơs nùs dờng ơnàng rơp geh hòm lai; Ai cau chò nùs pà gòi rơp geh pà gòi.

Esai 61:11

Bơh kung be ù lơh chi che hòn, mơ dô nơm suơn lơh gar sơntìl neh sih gơ in hòn dờng, gen kung behơ̆ sơl, Yàng Jehôwa At Bồ Hơđang Jơh rơp lơh bơta song ring mơ bơta jòng ro gơtơngguh di đap jơh ală làng bol.

Broă 11:18

Dơ̆ bol khai kơno jơnau hơ̆, gen ơm mŏ mŏ, lồc behơ̆ jòng ro Yàng Tom Trồ lah: “Behơ̆, Yàng Tom Trồ kung neh ai bơta gơjrañ sang glài làng bol bơdìh in tồ bol khai geh bơta kis.”

Broă 14:27

Tòm tŭ tus tềng hơ̆, Pol mơ Banaba pơjum tơrgòm Hìu Jum Goh, yal wơl jơh ală broă Yàng Tom Trồ neh lơh bal mơ bol khai, mơ mbe lơi Kơnràñ neh pò mpồng bơta dòn cau làng bol bơdìh in.

Broă 16:14

Gơs dô nă cau ùr iat jơnau bol hi, sơnđan la Lidi, ƀòn tòm la Thiatirơ, la cau tac bài dà gur, mơ duh khoai Yàng Tom Trồ. Yàng pò nùs mò in wèt tồr iat jơnau Pol đơs.

Broă 18:24

Tŭ hơ̆, gơs dô nă cau Juda sơnđan la Apôlôs, ƀòn tòm khai la Aleksandria lòt tus hơ Ephesô; khai la cau đơs jak mơ git wă Sră Goh sơl.

Broă 19:1

Tòm tŭ Apôlôs gam ơm tòm Kôrintô, Pol neh lòt làm jơh kơnhwàl gen tus hơ Ephesô, tìp dô êt nă cau bơtê ơm tềng hơ̆,

Broă 21:19

Pol còp să ală cau hơ̆ rau, gen yal wơl kòp bơta Yàng Tom Trồ neh kơnòm di gơnoar broă khai dê mơ lơh gơs digùl cau làng bol bơdìh.

Rôma 15:18

Bơh añ ò khin đơs bơh ală bơta ndai rlau mơ bơta Bơtau Krist kơnòm di añ lơh gơs nàng tề lam làng bol bơdìh tus hơ bơta dòn bơr, bơh jơnau đơs mơ broă lơh,

I Kôrintô 1:12

Mơ añ kòñ đơs ală bơta oh mi đơs lah: “Añ gơrê mơ Pol;” hala “Añ gơrê mơ Apôlôs,” hala “Añ gơrê mơ Sepha,” hala “Añ gơrê mơ Bơtau Krist.”

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

I Kôrintô 3:22

Bulah Pol, hala Apôlôs, hala Sepha, hala dunnia, hala bơta kis, hala bơta chơt, hala broă tŭ do, hala broă rơp tus, jơh ală bơta la gơrê bal mơ oh mi;

I Kôrintô 3:7

Behơ̆ cau tam mơ cau tuh ò gơs bơta lơi, mìng Yàng Tom Trồ la Bơtau lơh gơ in hòn dờng.

I Kôrintô 9:1

Añ ò di geh khat gơboh ò ơ? Añ ò di la cau gơnoar bơto dờng ò ơ? Añ ò di neh gŏ Yàng Jesu la Yàng bol he dê ò ơ? Oh mi ò di la broă añ jê tòm Yàng ò ơ?

Ephesô 3:17

tồ Bơtau Krist in bơh bơta dòn mơ ơm tòm nùs ală oh mi, nàng tơnơ̆ mơ tŭ oh mi ơm kơ̆ be chi sro ryas mơ bơtào kơ̆ tòm bơta kòñ gơboh.

I Tesalônika 1:5

bơh Jơnau Niam bol hi dê neh bơto yal oh mi in, ò di mìng bơh jơnau đơs lơm, mơya kung bơh gơnap gơnoar, bơh Yàng Hwềng Goh mơ bơh oă bơta dòn nền cê wil tơl sơl, kung be oh mi git bol hi ơm digùl oh mi la mbe lơi; bơta hơ̆ la niam oh mi in.