I Kôrintô 3:3 - Sră Goh 2018

³ bơh oh mi gam la cau kis jat poac să; bơh tòm oh mi gơs bơta ƀoah mơ tòm pơndang, gen oh mi ò di cau jat poac să mơ lơh lòt kung be cau rài do ò ơ?

I Kôrintô 3:3 ပူးပေါင်းရင်းမြစ်များ

Sră Ôse 6:7

Mơya be Adam, bol khai tìs glài ò lơh jat bơta ho bal; bol khai ò dòn song mơ Añ.

Rôma 13:13

Lơh lòt tĕ dô bă song be digùl ngai. Bañ ñô sa bơñul lơmbè mơ rui ràm, dri tơlàr mơ lơh gơlềng gơlàng, tòm pơndang bal mơ ƀoah gơjrañ.

I Kôrintô 1:10

Ơ oh mi, tŭ do añ rac dan mơ oh mi, bơh tòm sơnđan Yàng Jesu Krist bol he dê, añ dan jơh ală oh mi gơs tĕ dô bă bal tòm jơnau đơs, mơ digùl oh mi kung bañ gơs bơta cah is mpồl, mơya oh mi pal gơtòmklac bal tòm dô nơm nùs kơlôi mơ dô tơnggume lơh nền.

I Kôrintô 1:11

Ơ oh mi añ jê, gơs cau tòm hìu Klôe neh yal añ in lah digùl oh mi gơs bơta ò gơtòmsòr bal.

I Kôrintô 11:18

Lài ngan añ kơno lah tòm tŭ oh mi pơjum tòm Hìu Jum Goh, gen gơs bơta cah is mpồl digùl oh mi; añ kung dòn dô êt bơh bơta hơ̆.

I Kôrintô 3:4

Tòm tŭ gơs cau đơs: “Añ jat Pol,” mơ cau ndai đơs: “Añ jat Apôlôs,” behơ̆ oh mi ò di la cau jat rài do ò ơ?

II Kôrintô 12:20

Bơh añ rngòt lah dơ̆ añ lòt tus, gen gŏ oh mi ò di be añ kơp kòñ, oh mi gŏ añ kung ò di be oh mi neh kơp kòñ. Añ rngòt tai lah gam gơs bơta tòm pơndang, ƀoah, gơjrañ kơuềng, cah is mpồl, đơs joh, jak đơs iơh, jòng să, nggồr nggàc tai mòn.

Galati 5:15

Mơya dilah oh mi kap loan gơp he, gen kơrhia tĕ, rngòt oh mi tòm tơnroh bal mơ gơp.

Sră Pơyoa Pol Dê Pơyoa Tit In 3:3

Bơh lài òr bol he kung tùl gơla, ò dòn bơr, gơkòl cau pơrlồm, lơh gơs dĭ gơna ală bơta hàm kòñ is mơ ală bơta iơh bơsak mơ bơta tòmlah tòmring, kong cau gơjrañ kơuềng mơ kung gơjrañ kơuềng bal mơ gơp sơl.

Jakơ 3:16

Bơh tiah lơi gơs bơta ƀoah gơjrañ mơ lơh kơnềs, gen tềng hơ̆ gơs bơta sơlồng sơlàng mơ tơl jơh ală bơta iơh rmơh.

I Pier 4:2

nàng tòm ală ngai gam kis tòm poac să gen ò jat tai ală bơta hàm kòñ is kòn mơnus dê, mơya jat nùs kòñ Yàng Tom Trồ dê.