I Kôrintô 3:23 - Sră Goh 2018

²³ mơ oh mi la gơrê bal mơ Bơtau Krist; mơ Bơtau Krist la gơrê bal mơ Yàng Tom Trồ.

I Kôrintô 3:23 ပူးပေါင်းရင်းမြစ်များ

Mathiơ 17:5

Tòm tŭ khai gam đơs, gơs dô puk mhwal àng lơr jơm gòm bol khai, mơ gơs jơnau bơh tòm mhwal đơs lah: “Do la Kòn kòñ gơboh Añ jê, niam nùs Añ tòm ală bơta; iat tĕ Khai.”

Jang 17:18

Be Bèp neh sồr Añ lòt tus tòm dunnia, gen Añ kung sồr bol khai lòt tus tòm dunnia sơl.

Jang 17:21

nàng jơh ală bol khai gơs dô bă bal, be Bèp ơm tòm Añ mơ Añ ơm tòm Bèp; mơ bol khai kung ơm tòm Bol He, tồ dunnia in dòn lah Bèp neh sồr Añ lòt tus.

Rôma 14:8

bơh dilah bol he kis la kis Yàng in, mơ dilah bol he chơt la chơt Yàng in. Behơ̆ tàng bol he kis hala chơt gen he gơrê mơ Yàng lơm.

I Kôrintô 11:3

Bulah behơ̆ añ kòñ ală oh mi git lah: Bơtau Krist la bồ kòp nă cau klau dê, mơ cau klau la bồ cau ùr dê, mơ Yàng Tom Trồ la bồ Bơtau Krist dê.

I Kôrintô 15:23

Mơya jat bơta rơndap kòp nă is he dê: Bơtau Krist la plai bồ sơnam, gen ală cau gơrê bal mơ Bơtau Krist rơp kis wơl tòm tŭ Kơnràñ tus wơl.

I Kôrintô 15:28

Mơya tòm tŭ jơh ală phan neh ơn hơđơm bơta at bồ Bơtau Krist dê, gen să tòm Kơnràñ la Kòn kung rơp dòn duh Yàng Tom Trồ la Bơtau neh ơn jơh ală phan hơđơm Kơnràñ, mơ Yàng Tom Trồ rơp at bồ wil tơl hơđang jơh ală bơta.

I Kôrintô 7:22

Bơh cau ơm dĭ mơ geh Yàng hòi sac, gen hơ̆ la cau Yàng neh hồ toh; kung behơ̆ sơl, cau ơm khat gơboh mơ geh hòi sac, gen hơ̆ la dĭ gơna Bơtau Krist dê.

I Kôrintô 8:6

mơya đah bol he, gơs mìng dô nă Yàng Tom Trồ lơm la Bèp, la Bơtau crơng gơs jơh ală phan bơh Kơnràñ mơ bol he kis; mơ gơs mìng dô nă Yàng la Yàng Jesu Krist, jơh ală phan bơh Kơnràñ mơ gơlik gơs, mơ bol he kung kis bơh Kơnràñ behơ̆ sơl.

II Kôrintô 10:7

Oh mi mìng sền đah bơdìh! Dilah gơs cau lơi dòn nền lah, khai gơrê bal mơ Bơtau Krist gen kơlôi is tĕ lah cau hơ̆ gơrê bal mơ Bơtau Krist be lơi, gen bol hi kung gơrê bal mơ Kơnràñ behơ̆ sơl.

Galati 3:29

Dilah oh mi neh bal mơ Bơtau Krist, gen oh mi la jơi bơtiàn Abraham dê, hơ̆ la cau pơrdòn jat jơnau ho pơgon Yàng Tom Trồ dê.

Galati 5:24

Mơ tai, ală cau gơrê bal mơ Yàng Jesu Krist neh tơnchơt nùs nhơm poac să dê bal mơ nùs kòñ tìs mơ hàm kòñ is gơ dê hơđang chi pơng rau.

Ephesô 1:10

nàng lơh gơlik gơs di di tŭ tŭ tơngai geh wil tơl, hơ̆ la nàng pơjum bal jơh ală bơta tòm Bơtau Krist, bulah bơta hơđang trồ hala bơta tòm ù.