I Kôrintô 3:19 - Sră Goh 2018

¹⁹ Bơh bơta jak chài dunnia dê gơwèt mơ Yàng Tom Trồ la tùl gơla. Be Sră Goh neh cih lah: “Kơnràñ kup ală cau jak chài tòm bơta lac lèo bol khai dê.”

I Kôrintô 3:19 ပူးပေါင်းရင်းမြစ်များ

II Samuel 15:31

Gơs cau tus yal mơ Dabit lah: “Ahitôphel ơm bal mơ mpồl bơtào tòmdră Apsalôm dê.” Behơ̆ Dabit hòi dan lah: “Khoai Yàng Jehôwa, dan lơh ală jơnau bơyai broă Ahitôphel dê gơlik ò kwơ.”

II Samuel 16:23

Mơ tai, tòm ală ngai hơ̆, jơnau bơyai Ahitôphel dê la kung be jơnau đơs Yàng Tom Trồ dê. Behơ̆ jơh ală jơnau bơyai Ahitôphel la pal sền dờng màng, Dabit mơ Apsalôm kung sền gŏ behơ̆ sơl.

II Samuel 17:14

Apsalôm mơ jơh Israel đơs lah: “Jơnau bơyai Husai cau Arkit dê la niam rlau mơ jơnau bơyai Ahitôphel dê.” Mơ tai, Yàng Jehôwa neh lơh nền tơnroh jơnau bơyai niam Ahitôphel dê nàng tơndùh bơta rung rài hơđang Apsalôm.

II Samuel 17:23

Tòm tŭ Ahitôphel gŏ cau ò lơh jat jơnau bơyai khai dê gen khai kơt ừn alàng mơ rê wơl hơ hìu khai tòm ƀòn tòm khai dê. Khai rơndap niam hìu khai dê, mơ yồng is să khai. Behơ̆ khai chơt mơ tơp tòm bơtô ƀồc bèp khai dê.

Este 7:10

Cau bơtau đơs lah: “Yồng tĕ ngko khai hơđang hơ̆!” Behơ̆ bol khai yồng Haman hơđang jrong yồng cau mơ khai neh rcang nàng yồng Mordike. Gen bơta gơjrañ bơtau dê geh rài.

Sră Jop 5:13

Kơnràñ kup cau jak chài tòm bơta lac lèo bol khai dê. Mơ pơndut mhar kai gơrmơ̆i cau blac chừt dê.

Đơs Crih 141:10

Lòi ală cau iơh bơsak gơkòl yar bal di bơtơng bol khai neh pơt, Ai añ gen geh lik klàs.

Lik Ejiptơ 1:10

Heh! Bol he pal gơwèt mơ bol khai dô bă jak chài, dilah ò gen bol khai rơp gơbơtơl oă rlau tai, mơ dilah gơs bơta tòmlơh gơ tus, bol khai rơp lơh gơs dô bă bal mơ ală cau sò tơm bol he dê, tòmlơh wơl mơ bol he mơ lik klàs bơh di lơgar.”

Lik Ejiptơ 18:11

Tŭ do añ git lah Yàng Jehôwa la dờng rlau mơ jơh ală yàng ndai, bơh Kơnràñ neh lơh bơta hơ̆ ală cau neh pơnhừ să gơwèt mơ Israel”.

Jơnau Pơnđik 14:8

Bơta chài rgơi cau jak chài dê, hơ̆ la wă loh gùng dà he; Mơya bơta lu sơnrang cau tùl gơla dê la bơta blac pơrlồm.

Jơnau Pơnđik 21:30

Ò gơs bơta jak chài, bơta git jak, hala kai gơrmơ̆i, mơ rgơi tòmdră jai mơ Yàng Jehôwa.

Esai 44:25

Añ la Bơtau neh tơnroh ală tềl ală cau gơnoar hwơr ma blac, mơ lơh ală cau đơs hwơr gơlik cau bơrngơl gơla; la Bơtau neh tă sang bơta jak chài mơ lơh cau git wă bol khai gơlik gơs tùl gơla,

I Kôrintô 2:6

Bulah behơ̆, digùl ală cau neh dong bol hi kung bơto yal bơh bơta jak chài, mơya ò di bơh bơta jak chài rài do dê, hala bơh cau at bồ rài do, la cau rơp roh rui;

I Kôrintô 4:6

Ơ oh mi, tài bơh oh mi tàng añ neh ngui ală bơta do nàng sơnio bơh añ mơ Apôlôs, nàng oh mi bơtê bơh bol hi gơtha jơnau đơs lah: “Bañ sơrlèt rlau mơ jơnau neh cih;” nàng ò gơs dô nă cau lơi tòm oh mi jòng să bơh cau do mơ tòmdră mơ cau ne.

Ephesô 4:14

tồ bol he ò di gam be cau kơnòm tai, gơkòl pơrlồm bơh ală jơnau krơi, bơta pơlìn mơ kai lac lèo kòn mơnus dê, jat kai gơrmơ̆i tìs nrah bol khai dê, kung be càl bơtồ pơrdô ma kiau behơ̆ sơl.

Jakơ 3:15

Bơta jak chài hơ̆ ò di bơh đang jòng; mơya bal mơ dunnia, òs kòn mơnus dê, cà ràk dê.