I Kôrintô 3:17 - Sră Goh 2018

¹⁷ Dilah cau lơi tơnroh hìu duh khoai Yàng Tom Trồ dê, gen Yàng Tom Trồ rơp tơnroh cau hơ̆; bơh hìu duh khoai Yàng Tom Trồ dê la sàng goh, mơ oh mi la hìu hơ̆.

I Kôrintô 3:17 ပူးပေါင်းရင်းမြစ်များ

Sơnròp Gơlik Gơs 28:17

Khai rngòt mơ đơs lah: “Tiah do pal rngòt ngan! Do ngan la hìu Yàng Tom Trồ, ngan la mpồng trồ dê.”

I Yal Yau 29:3

Rlau mơ hơ̆, bơtơl mơ jơh ală bơta añ neh rcang hìu sàng goh in, añ neh prap lòi màh mơ priă tòm añ jê, mơ tài bơh phan añ ơn hìu Yàng Tom Trồ añ jê, añ ơn gơ hìu Yàng Tom Trồ añ in:

Đơs Crih 74:3

Dan Kơnràñ cơnđòa song tus di tiah tơrlah tơrling sùm sùm; Cau sò tơm neh tơnroh jơh ală phan tòm tiah sàng goh.

Đơs Crih 79:1

Ơ Yàng Tom Trồ, ală làng bol bơdìh neh mut tòm sre brê Yàng dê, Lơh ƀơ̆ ƀơl Hìu Duh Khoai Sàng Goh Yàng dê, Mơ lòi Jerusalem in gơlik gơs lề lac.

Đơs Crih 93:5

Ơ Yàng Jehôwa, ală jơnau lơh nền Kơnràñ dê la nền cê ngan; Bơta sàng goh la di pal ngan tòm hìu Kơnràñ dê jơl sùm sùm.

Đơs Crih 99:9

Jòng ro tĕ Jehôwa Yàng Tom Trồ bol he dê, Mơ duh khoai hơđang mơnơm sàng goh Kơnràñ dê; Bơh Jehôwa Yàng Tom Trồ bol he dê la sàng goh!

Lik Ejiptơ 3:5

Yàng Tom Trồ đơs lah: “Bañ tus rềp tai hơ do. Hồ tĕ gơltau jă mê dê, bơh tiah mê ơm ntào la tiah sàng goh.”

Esai 64:11

Hìu duh khoai sàng goh mơ gơklŏ bol hi dê la tiah ồng pàng bol hi dê jòng ro Kơnràñ, neh kong chu mơ ồs; mơ jơh ală tiah dờng màng bol hi in neh kong phà tơnroh.

Ejekiel 43:12

Do la bơta boh lam hìu duh khoai dê: Jơh ală kơnhwàl gùt dar hơđang bồ mơnơm la tiah sàng goh ngan. Do la bơta boh lam hìu duh khoai dê.

Ejekiel 5:11

Jehôwa Yàng Tom Trồ đơs lah: “Gen tàng di ngan kung be Añ kis, tài bơh mê neh lơh ƀơ̆ ƀơl tiah sàng goh Añ jê bơh ală rùp duh khoai cù kìr bal mơ ală bơta duh khoai ƀơ̆ iơh, gen tàng să tòm Añ rơp koh tơmù mê, Añ rơp ò prap lòi mê hala nđàc sơngit ò.

Ejekiel 7:22

Añ rơp pơrlac mat bơh di bol khai, mơ bol khai rơp lơh ƀơ̆ ƀơl tiah sàng goh Añ jê; ală cau ntung kơñau rơp mut tềng hơ̆ mơ lơh ƀơ̆ ƀơl tiah hơ̆.

Lebi 15:31

Bol mê pal kơrmap gàr cau Israel cah ngài bơh di ală bơta lơh bol khai in gơlik ò goh, tồ bol khai rơp ò chơt tòm bơta ò goh bol khai dê bơh lơh gơlik ƀơ̆ ƀơl tiah ơm sùm Añ jê digùl bol khai.

Lebi 20:3

Añ rơp wèt mat tòmdră mơ cau hơ̆ mơ rơp tă sang khai bơh di làng bol khai dê; bơh bơta ai kòn sau khai dê Molok in, khai neh lơh ƀơ̆ ƀơl tiah sàng goh Añ jê mơ lơh ƀơ̆ iơh di sơnđan sàng goh Añ jê.

Sôphôni 3:4

Ală cau gơnoar hwơr gơ dê pơnhừ să; la ală cau blac chừt. Ală cau gơnoar ơn phan duh khoai gơ dê lơh ƀơ̆ ƀơl tiah sàng goh mơ lơh rkwet rkwe di bơta boh lam.

Khà Làng Bol 19:20

Mơya dilah cau ò goh ò lơh goh să tòm khai dê, khai pal kong tă sang bơh di mpồl jơnum làng bol dê, tài bơh khai neh lơh ƀơ̆ ƀơl tiah sàng goh Yàng Jehôwa dê. Dà lơh goh ò gŏ rsìh hơđang khai, mơ khai gam ò goh.

I Kôrintô 3:16

Oh mi ò git he la hìu duh khoai Yàng Tom Trồ dê, mơ Hwềng Yàng Tom Trồ ơm tòm oh mi ò ơ?

I Kôrintô 3:18

Bañ gơs cau lơi pơrlồm să he. Dilah gơs cau lơi tòm oh mi kơlôi he la jak chài tòm rài do, gen lòi tĕ khai gơlik gơs tùl gơla nàng khai gơlik gơs jak chài ngan.