I Kôrintô 3:11 - Sră Goh 2018

¹¹ Bơh ò gơs cau lơi rgơi bơt dô nơm mơnàng ndai rlau mơ mơnàng neh bơt, hơ̆ la Yàng Jesu Krist.

I Kôrintô 3:11 ပူးပေါင်းရင်းမြစ်များ

Esai 28:16

Behơ̆ tàng, Yàng Jehôwa la Yàng Tom Trồ đơs be do: “Do, Añ ơn tòm Siôn dô pơnai lŭ mơnàng hìu, dô pơnai lŭ neh kong lòng, dô nơm lŭ mum hìu màng ngan nàng lơh kơ̆ nền mơnàng; cau lơi dòn kơnòm gen rơp ò rngòt rngơt.

Mathiơ 16:18

Mơ Añ kung đơs mơ mê lah: mê la Pier, Añ rơp bơt bơtào Hìu Jum Goh Añ hơđang lŭ klềr do, ală mpồng lơgar làng ƀồc ò geh pha rlau mơ Gơ.

I Kôrintô 3:10

Jat bơta nđàc Yàng Tom Trồ neh ai añ in, añ neh bơt mơnàng kung be cau chài rgơi bơt, mơ cau ndai bơt hơđang. Mơya cau lơi bơt hơđang mơnàng hơ̆ pal kơrhia tĕ mbe he bơt.

I Kôrintô 3:12

Mơya dilah cau lơi ai màh, priă, lŭ màng, chi, ñhơt ro, rhe nàng bơt hơđang mơnàng hơ̆,

Ephesô 2:20

Oh mi kung geh bơt bơtào hơđang mơnàng ală cau gơnoar bơto dờng mơ ală cau gơnoar hwơr dê, să tòm Yàng Krist Jesu la lŭ mum hìu.

II Timôthe 2:19

Bulah behơ̆ mơnàng kơ̆ wền Yàng Tom Trồ dê gam ntào kơ̆ sùm, gơs tap ƀang kì lah: “Yàng git cau gơrê bal mơ Kơnràñ;” mơ “Kòp nă cau lơi yal tơlik sơnđan Yàng gen pal pleh tĕ di bơta ò song ring.”

I Pier 2:4

Tus tĕ hơ Kơnràñ la pơnai lŭ kis, neh cau sang lòi, mơya geh Yàng Tom Trồ sac rwah mơ màng ngan.