I Kôrintô 3:1 - Sră Goh 2018

¹ Ơ oh mi, đah mơ añ, añ ò rgơi đơs mơ oh mi be cau đah hwềng, mơya be cau jat poac să, kung be oh nga tòm Bơtau Krist.

I Kôrintô 3:1 ပူးပေါင်းရင်းမြစ်များ

Mathiơ 16:23

Mơya Kơnràñ wơlke đơs mơ Pier lah: “Ơ cà Satan, ruc tĕ tơnơ̆ Añ! Mê lơh kai gơtup tìs Añ in, bơh nùs kơlôi mê ò gơwèt hơ broă Yàng Tom Trồ, mơya gơwèt hơ broă kòn mơnus dê.”

Rôma 7:14

Mơ tai, bol he git bơta boh lam la đah hwềng, mơya añ la đah poac să neh kòl tac tồi glài in.

I Kôrintô 14:20

Ơ oh mi, tòm bơta kơlôi sơnơng bañ gơs be cau kơnòm dềt; mơya tòm bơta bih khih iơh bơsak, gen gơs tĕ be kơnòm dềt, ai tòm bơta git wă gen gơs tĕ be cau dờng.

I Kôrintô 14:37

Dilah cau lơi kơlôi is să he la cau gơnoar hwơr Yàng Tom Trồ dê hala gơs bơta ai gòi đah hwềng, gen git tĕ ală jơnau añ cih oh mi in do la jơnau sồr Yàng dê.

I Kôrintô 2:6

Bulah behơ̆, digùl ală cau neh dong bol hi kung bơto yal bơh bơta jak chài, mơya ò di bơh bơta jak chài rài do dê, hala bơh cau at bồ rài do, la cau rơp roh rui;

Galati 6:1

Ơ oh mi, dilah gơs cau lơi nisơna gơtơntìs glài lơi, gen oh mi la cau gơs Yàng Hwềng, ai tĕ nùs niam lơnhơn nàng dong kòl bol khai; să tòm oh mi kơrmap gàr tĕ, rngòt kung gơkòl ơniai sơl.

Hebrơ 5:13

Bơh cau lơi mìng ngui dà toh, gen ò git làm jơnau song ring, bơh khai la kòn se dềt.

I Jang 2:12

Ơ ală kòn añ jê, añ cih ală kòn in tài bơh tồi glài ală kòn dê neh geh toh kơnòm di sơnđan Yàng Jesu Krist.