I Kôrintô 2:8 - Sră Goh 2018

⁸ Tòm ală cau at bồ rài do ò gơs dô nă cau lơi git bơta jak chài hơ̆, bơh dilah bol khai neh git gen bol khai ò pơng Yàng gơklŏ hơđang chi pơng.

I Kôrintô 2:8 ပူးပေါင်းရင်းမြစ်များ

Mathiơ 11:25

Tòm tŭ hơ̆ Yàng Jesu đơs lah: “Ơ Bèp, Añ ưnngài Bèp la Yàng trồ tiah dê, bơh Bèp neh pồn ală bơta do di ală cau jak chài àng loh, mơ yal tơlik ală kơnòm dềt in.

Mathiơ 13:22

Gar neh sih di tòm lò, hơ̆ la cau kơno jơnau, mơya bơta kơlôi rcang rài do dê mơ bơta pơndòm pơnhòp pas sơm dê lơh gơrềt jơnau hơ̆, gen ò gơlik plai.

Luka 23:34

Yàng Jesu đơs lah: “Ơ Bèp, dan toh glài bol khai in, bơh bol khai ò git bơta bol khai lơh.” Chòp bol khai tă khà nàng tòmpà ồi ào Kơnràñ dê.

Jang 16:3

Bol khai rơp lơh ală bơta hơ̆, tài bơh ò git Bèp, kung ò git Añ sơl.

Jang 7:48

Gơs cau lơi tòm ală cau kwang hala tòm ală cau Pharisi neh dòn Khai sơl ơ?

Jang 8:19

Behơ̆ bol khai lùp Kơnràñ lah: “Ntềng đah Bèp Cau Bơto dê taih?” Yàng Jesu ho lah: “Bol mê ò git Añ, mơ kung ò git Bèp Añ sơl. Dilah bol mê git Añ, gen kung git Bèp Añ tai sơl.”

Broă 13:27

Tài bơh ală làng bol mơ ală cau kwang bol khai dê ơm tòm Jerusalem, ò dòp git Yàng Jesu la Bơtau dong klàs, mơ kung ò git wă jơnau ală cau gơnoar hwơr mơ cau sền tòm kòp ngai Saƀat, bulah behơ̆ tòm tŭ lơh nền glài Yàng Jesu bol khai neh lơh jơnau gơnoar hwơr hơ̆ in gơlik di ngan.

Broă 7:2

Etien ho lah: “Ơ ală bèp, ală bi, iat tĕ añ! Yàng Tom Trồ gơklŏ neh tơlik să mơ ồng pàng bol he la Abraham tòm tŭ khai gam ơm tòm Mesôpôtami, lài mơ tŭ tus ơm tòm Caran,

I Kôrintô 1:20

Ntềng đah cau jak chài taih? Ntềng đah cau bơtê oă taih? Ntềng đah cau jak pơndang rài do dê taih? Ò di la Yàng Tom Trồ neh lơh bơta jak chài dunnia do gơlik tùl gơla ò ơ?

I Kôrintô 2:6

Bulah behơ̆, digùl ală cau neh dong bol hi kung bơto yal bơh bơta jak chài, mơya ò di bơh bơta jak chài rài do dê, hala bơh cau at bồ rài do, la cau rơp roh rui;

II Kôrintô 3:14

Mơya nùs bol khai neh gơs kră kơldang; jơl tus dê ngai do tòm tŭ sền Sră Goh Bơta Ho Bal Yau, gen bài kơrnìng hơ̆ òhềt tă tơlik, ngan la mìng tòm Bơtau Krist mơ bài kơrnìng hơ̆ geh tă tơlik.

Ephesô 1:17

Mơ dan Yàng Tom Trồ Yàng Jesu Krist bol he dê, la Bèp gơklŏ, ai oh mi in hwềng nùs jak chài mơ bơta yal tơlik nàng dòp git Kơnràñ.

Ephesô 4:18

nùs bol khai klam jơngo, ơm ngài mơ bơta kis Yàng Tom Trồ dê, tài bơh bơta bơrngơl gơla tòm bol khai gơlik bơh nùs kră kơldang bol khai dê.

I Timôthe 1:13

bulah lài òr añ la cau tràl sơrbil, kup kơryan, jàñ bơsak, mơya añ neh geh Yàng kòñ nđàc, tài bơh añ neh lơh ală bơta hơ̆ tòm tŭ añ gam bơrngơl gơla òhềt dòn.

Jakơ 2:1

Ơ oh mi añ jê, oh mi neh dòn Yàng Jesu Krist la Yàng gơklŏ bol he dê, gen bañ cah is cau lơi.