I Kôrintô 2:6 - Sră Goh 2018

⁶ Bulah behơ̆, digùl ală cau neh dong bol hi kung bơto yal bơh bơta jak chài, mơya ò di bơh bơta jak chài rài do dê, hala bơh cau at bồ rài do, la cau rơp roh rui;

I Kôrintô 2:6 ပူးပေါင်းရင်းမြစ်များ

Sră Jop 1:1

Tòm lơgar Us, gơs dô nă cau sơnđan la Jop. Cau hơ̆ la wil tơl mơ song ring, duh rngòt di Yàng Tom Trồ mơ pleh ngài di bơta iơh bơsak.

Sră Jop 12:19

Kơnràñ lơh ală cau gơnoar ơn phan duh khoai in lòt jơng gòi; Mơ tuh tơlup ală cau neh gơs gơnoar pràn.

Sră Jop 12:21

Kơnràñ tuh bơta sền òsơp hơđang cau kwang at bồ; Mơ lơh sơntă che but cau pràn dê.

Đơs Crih 146:4

Tòm tŭ nhơm tă ò gam, gen khai rê wơl hơ kơmbuh ù; tòm ală ngai hơ̆ bơta kơlôi rcang bol khai dê roh thit.

Đơs Crih 33:10

Yàng Jehôwa lơh bơta bơyai ală lơgar dê gơlik gơs ò kwơ, Kơnràñ lơh ală bơta rơndap tap sèng ală làng bol dê gơlik gơs roh lơm.

Đơs Crih 37:37

Ai tĕ nùs kơlôi di cau ò gơs tiah geh lah pơrhơng, mơ sền tĕ di cau song ring, Bơh cau ring lơngai geh kòn sau rơ̆sơmpài ràipơjềng.

Esai 40:23

Kơnràñ lơh ală cau bơtau in gơlik be gòi, mơ lơh ală cau kwang at bồ tòm dunnia gơlik ò kwơ.

Mathiơ 13:22

Gar neh sih di tòm lò, hơ̆ la cau kơno jơnau, mơya bơta kơlôi rcang rài do dê mơ bơta pơndòm pơnhòp pas sơm dê lơh gơrềt jơnau hơ̆, gen ò gơlik plai.

Mathiơ 19:21

Yàng Jesu đơs mơ khai lah: “Dilah mê kòñ gơs wil tơl, gen lòt tĕ tac jơh ală phan mơna mê dê mơ tòmpà cau rƀah lơòi in, gen mê rơp geh phan màng hơđang trồ; lồc behơ̆ tus tĕ jat Añ.”

Mathiơ 5:48

Behơ̆ bol mê gơlik gơs tĕ wil tơl, be Bèp bol mê hơđang trồ la wil tơl.”

Luka 16:8

Cau tòm jòng ro cau at bồ hìu ò song ring hơ̆, bơh khai neh lơh chài rgơi. Bơh ală kòn rài do dê chài rgơi rlau mơ ală kòn bơta àng dê gơwèt hơ cau tòm pah rài bal mơ bol khai.

I Kôrintô 1:28

Yàng Tom Trồ neh sac ală bơta dềt rhền, ală bơta kòl sền òsơp, mơ ală bơta ò gơs dunnia dê, nàng tơnroh ală bơta dunnia kơlôi la dờng màng,

I Kôrintô 12:8

Behơ̆, cau do kơnòm di Yàng Hwềng ai bềng jơnau jak chài, cau ne kơnòm di Yàng Hwềng hơ̆ ai bềng jơnau git jak,

I Kôrintô 14:20

Ơ oh mi, tòm bơta kơlôi sơnơng bañ gơs be cau kơnòm dềt; mơya tòm bơta bih khih iơh bơsak, gen gơs tĕ be kơnòm dềt, ai tòm bơta git wă gen gơs tĕ be cau dờng.

I Kôrintô 2:1

Ơ oh mi, tòm tŭ añ tus hơ oh mi añ ò bơto yal bơta ndơp ndơr bơh Yàng Tom Trồ oh mi in tòm jơnau đơs jòng jơnhoa hala jơnau jak chài.

I Kôrintô 2:13

Bol he kung bơto yal ală bơta hơ̆, ò di bơh jơnau bơta jak chài kòn mơnus bơto sồr, mơya bơh jơnau Yàng Hwềng bơto sồr; ngui jơnau đah hwềng nàng yal tơlik ală bơta đah hwềng.

I Kôrintô 2:8

Tòm ală cau at bồ rài do ò gơs dô nă cau lơi git bơta jak chài hơ̆, bơh dilah bol khai neh git gen bol khai ò pơng Yàng gơklŏ hơđang chi pơng.

I Kôrintô 3:1

Ơ oh mi, đah mơ añ, añ ò rgơi đơs mơ oh mi be cau đah hwềng, mơya be cau jat poac să, kung be oh nga tòm Bơtau Krist.

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

II Kôrintô 13:11

Tơnơ̆ wơl, ơ oh mi, hòn chò tĕ, gơs wil tơl tĕ; chồl pơndòm tĕ, gơs dô nùs kơlôi bal, gơtòmsòr bal tĕ, gen Yàng Tom Trồ la Bơtau ai bơta kòñ gơboh mơ bơta lơngap lơngai rơp ơm bal mơ oh mi. Ngac yơ!

II Kôrintô 4:3

Dilah Jơnau Niam bol hi dê gam kìng ndơp, la mìng kìng ndơp ală cau kòl roh rui in lơm.

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

Ephesô 2:2

la ală bơta lài òr oh mi lơh jat bơta òs mòng dunnia do, jat bơtau gơnoar at bồ dê tòm pah gòi, hơ̆ la cà tŭ do at bồ tòm ală cau ò dòn bơr Yàng.

Kôlôse 1:28

Bol he bơto yal bơh Kơnràñ mơ ai jơh ală bơta jak chài bơto tơngkah kòp nă cau, bơto sồr kòp nă cau nàng tơlik mat bol khai dô bă wil tơl tòm Bơtau Krist.

Kôlôse 4:12

Epapras cau gơp ƀòn oh mi dê, dĭ gơna Yàng Krist Jesu dê, còp să oh mi; khai bơh oh mi mơ òs tòmlơh tòm bơta hòi dan, nàng oh mi gơs bơta dòn kơ̆ nền mơ dòn bơr wil tơl jat nùs kòñ Yàng Tom Trồ dê.

Hebrơ 5:14

Mơya phan sa kơldang gen lòi ală cau neh dờng in, la ală cau kơnòm di bơta lơh jat mơ bơtê git bơta chài rgơi nàng cah is bơta niam mơ bơta iơh.

Hebrơ 6:1

Behơ̆, bol he pal lòi ing ală bơta ƀă liă tòm gùng duh khoai Bơtau Krist dê, mơ ntoat tus hơ bơta wil tơl, bañ bơtào wơl ală mơnàng tai, be bơta gơjrañ sang glài, bơh ală broă chơt, bơta dòn di Yàng Tom Trồ,

Jakơ 3:15

Bơta jak chài hơ̆ ò di bơh đang jòng; mơya bal mơ dunnia, òs kòn mơnus dê, cà ràk dê.

Jakơ 3:2

Jơh tơl nă bol he gơtup tìs tòm oă bơta. Dilah gơs cau lơi ò gơtup tìs tòm jơnau đơs he dê, hơ̆ la cau wil tơl, kung rgơi at bồ jơh să jan he sơl.

I Pier 5:10

Yàng Tom Trồ la Bơtau ai jơh ală bơta nđàc neh hòi sac ală oh mi tus hơ bơta gơklŏ gam sùm sùm Kơnràñ dê tòm Bơtau Krist, tơnơ̆ mơ tŭ oh mi neh kong bòl glar jê sồt dô êt jŏ, gen să tòm Kơnràñ rơp lơh oh mi in gơlik wil tơl, kơ̆ nền, mơ bơtơl pràn oh mi in.