I Kôrintô 2:4 - Sră Goh 2018

⁴ Jơnau đơs mơ bơta bơto yal añ jê ò di bơh jơnau gơlơh be di pal bơta jak chài dê, mơya bơh bơta yal tơlik tòm gơnap gơnoar Yàng Hwềng dê,

I Kôrintô 2:4 ပူးပေါင်းရင်းမြစ်များ

Jơnau Pơnđik 20:19

Cau đơs gơtrềng gơtràng yal tơlik bơta ndơp ndơr; behơ̆, bañ ring lơngai mơ cau jak pò bơr.

Jơnau Pơnđik 7:21

Ùr hơ̆ ngui oă jơnau bơkah lơngồt ơniai khai, Lơh khai in gơtup pừ bơh jơnau rơmhòc.

Jeremi 20:10

Bơh añ neh kơno ală jơnau đơs chều oă cau dê, Kìr rngòt kòp bă tiah! “Yă tĕ khai! Bol he yă tĕ khai!” Ală cau bơyô dềt mềr añ jê kơp kòñ añ gơtup pừ, bol khai đơs lah: “Digơlan khai rơp gơkòl pơrlồm, gen bol he rơp pha lin rlau mơ khai, Mơ sal tê di khai.”

Ejekiel 13:6

Bơta gơtơnggŏ bol khai dê la ò gơs ngan, mơ jơnau đơs hwơr bol khai dê la blac. Bol khai đơs lah: “Yàng Jehôwa đơs,” tòm tŭ Yàng Jehôwa ò sồr bol khai, bulah behơ̆ bol khai kơp gơn ală jơnau bol khai dê geh gơlik gơs wil tơl.

Broă 20:27

Bơh añ bơto yal oh mi in git jơh nùs kòñ Yàng Tom Trồ dê ò prap lòi bơta lơi.

Broă 26:28

Bơtau Agrippa đơs mơ Pol lah: “Mê bơto pơndòm dô êt hơ̆ mơ tồnlah lơh añ in gơlik Cau Krist dê ơ?”

Rôma 15:13

Dan Yàng Tom Trồ la tòm ryas bơta gơn kơnòm lơh oh mi in gơs bềng lìu ală bơta hòn chò mơ lơngap lơngai tòm bơta dòn, tồ bơta gơn kơnòm oh mi dê sơlo dờng tòm gơnap gơnoar Yàng Hwềng Goh dê.

Rôma 15:19

bơh gơnap gơnoar tềl is mơ ală bơta krơi dê, bơh gơnap gơnoar Yàng Hwềng Goh dê; añ neh bơto yal Jơnau Niam Bơtau Krist dê làm bă tiah bơh Jerusalem mơ tòm ală ƀòn gùt dar jơl tus hơ Iliri.

Rôma 16:18

Bơh ală cau hơ̆ ò duh broă Bơtau Krist la Yàng bol he, mơya bol khai duh broă kơndul bol khai dê, mơ ai ală jơnau lơngồt bơkah rơmhòc nàng pơrlồm cau ò kơ̆ nùs.

I Kôrintô 1:17

Bơh Bơtau Krist neh sồr añ lòt ò di nàng lơh ƀaptem, mơya nàng bơto yal Jơnau Niam; ò di kơnòm di jơnau đơs jak chài kòn mơnus dê, rngòt chi pơng Bơtau Krist dê ò gơlik gơs gơnap gơnoar.

I Kôrintô 2:1

Ơ oh mi, tòm tŭ añ tus hơ oh mi añ ò bơto yal bơta ndơp ndơr bơh Yàng Tom Trồ oh mi in tòm jơnau đơs jòng jơnhoa hala jơnau jak chài.

I Kôrintô 2:13

Bol he kung bơto yal ală bơta hơ̆, ò di bơh jơnau bơta jak chài kòn mơnus bơto sồr, mơya bơh jơnau Yàng Hwềng bơto sồr; ngui jơnau đah hwềng nàng yal tơlik ală bơta đah hwềng.

I Kôrintô 4:20

Bơh lơgar Yàng Tom Trồ ò di bơh jơnau đơs mơya bơh gơnap gơnoar.

II Kôrintô 6:6

tòm bơta ơm sàng goh, bơta git jak, bơta kong ơt, bơta kơ̆ dơn, tòm Yàng Hwềng Goh, nùs kòñ gơboh song ngan,

Galati 1:10

Ai tŭ do, añ jòi bơta nàng lơh niam nùs kòn mơnus hala lơh niam nùs Yàng Tom Trồ taih? Añ kòñ lơh niam nùs kòn mơnus ơ? Dilah añ gam kòñ lơh niam nùs kòn mơnus, gen añ ò di la dĭ gơna Bơtau Krist dê ò.

Kôlôse 2:4

Añ đơs behơ̆ tồ klàs cau lơi ai jơnau lac lèo mơ pơrlồm oh mi.

I Tesalônika 1:5

bơh Jơnau Niam bol hi dê neh bơto yal oh mi in, ò di mìng bơh jơnau đơs lơm, mơya kung bơh gơnap gơnoar, bơh Yàng Hwềng Goh mơ bơh oă bơta dòn nền cê wil tơl sơl, kung be oh mi git bol hi ơm digùl oh mi la mbe lơi; bơta hơ̆ la niam oh mi in.

I Pier 1:12

Yàng Tom Trồ neh yal tơlik bol khai in lah, ò duh broă să tòm he in, mơya la duh broă oh mi in; be ală bơta bol khai neh bơto mơ oh mi neh kơno tŭ do, bơh ală cau bơto yal Jơnau Niam oh mi in neh kơnòm di gơnap gơnoar Yàng Hwềng Goh geh sồr bơh đang trồ; do kung la ală bơta mơ cau gơnrơh kung kơp kòñ git wă.

II Pier 1:16

Tòm tŭ bol hi yal oh mi in git bơh gơnap gơnoar mơ bơta tus wơl Yàng Jesu Krist bol he dê, gen bol hi ò jat jơnau gơlềng gơlàng bơh dơngoh kơlôi cau dê, mơya mat tòm bol hi dê neh gŏ bơta ryŭ ryơm Kơnràñ dê.

II Pier 2:18

Bol khai đơs ală jơnau blac pơrlồm nàng jòng să, ngui ală bơta hàm kòñ is poac să dê mơ bơta bung jang nàng pơndòm ơniai ală cau pa klàs bơh di ală cau lơh lòt tìs nrah.

Ală Kwang Cahrña 14:15

Tus di ngai poan bol khai đơs mơ bau ùr Samsôn lah: “Pơndòm tĕ bau klau ai dê nàng khai yal tơlik gơtha jơnau pơnhồr hơ̆ bol hi in; dilah ò gen bol hi rơp chu ai mơ hìu bèp ai dê. Bơh ai neh jà bol hi tus tềng do nàng lơh bol hi in gơlik rƀah ơ?”

Ală Kwang Cahrña 16:5

Ală cau kwang at bồ làng bol Philistin tus đơs mơ cau ùr hơ̆ lah: “Pơndòm tĕ Samsôn nàng git bơta lơi lơh khai in gơlik pràn kơldang dờng behơ̆, mơ lơh mbe lơi nàng hi pha rlau mơ khai, tồ bol hi rgơi cap khai mơ kup khai dòn duh. Kòp nă bol hi rơp ai ai in dô rbô dô rhiang pet priă.”