I Kôrintô 2:14 - Sră Goh 2018

¹⁴ Mơ tai, ală cau ò gơs Yàng Hwềng ò rgơi dòp bơta ai gòi tus bơh Hwềng Yàng Tom Trồ dê; bơh bol khai gơwèt mơ bơta hơ̆ la tùl gơla, mơ bol khai ò rgơi git wă, tài bơh pal sền sơwì jat đah hwềng.

I Kôrintô 2:14 ပူးပေါင်းရင်းမြစ်များ

Jơnau Pơnđik 14:6

Cau dơñŏ tơnhial jòi ò bàn bơta jak chài; Mơya bơta git jak ai lơh ƀuơn soh cau àng loh in.

Mathiơ 16:23

Mơya Kơnràñ wơlke đơs mơ Pier lah: “Ơ cà Satan, ruc tĕ tơnơ̆ Añ! Mê lơh kai gơtup tìs Añ in, bơh nùs kơlôi mê ò gơwèt hơ broă Yàng Tom Trồ, mơya gơwèt hơ broă kòn mơnus dê.”

Jang 10:20

Oă cau tòm bol khai đơs lah: “Khai kòl cà lơh mơ sơnrang; ñchi bol mê gam iat khai taih?”

Jang 12:37

Bulah Kơnràñ neh lơh oă ngan tềl krơi di đap bol khai, mơya bol khai kung ò dòn Kơnràñ,

Jang 14:17

Hơ̆ la hwềng Jơnau song dê mơ dunnia ò rgơi dòp, bơh ò gŏ Kơnràñ, kung ò git Kơnràñ sơl; ai bol mê gen git Kơnràñ, bơh Kơnràñ ơm sùm mơ bol mê, mơ rơp ơm tòm bol mê sơl.

Jang 14:26

Mơya Bơtau Pơndòm pơniang, hơ̆ la Yàng Hwềng Goh mơ Bèp rơp ai sơnđan Añ mơ sồr lòt tus, Bơtau hơ̆ rơp bơto sồr bol mê jơh ală bơta, mơ tơngkah wơl bol mê in jơh ală bơta Añ neh đơs mơ bol mê.

Jang 15:26

Mơya tŭ lơi Bơtau Pơndòm pơniang tus, la Bơtau Añ rơp sồr bơh di Bèp mơ lòt tus hơ bol mê, hơ̆ la Hwềng Jơnau song dê lik bơh di Bèp, Bơtau hơ̆ rơp lơh cơng bơh Añ.

Jang 5:44

Bol mê dòp bơta gơklŏ bal mơ gơp, ò jòi jat bơta gơklŏ tus bơh Yàng Tom Trồ mìng dùl lơm, gen mbe rgơi bol mê dòn taih?

Jang 8:43

Ñchi bơh tài bol mê ò rgơi git wă bơta Añ đơs taih? Tài bơh bol mê ò rgơi dòp jơnau Añ jê.

Broă 16:14

Gơs dô nă cau ùr iat jơnau bol hi, sơnđan la Lidi, ƀòn tòm la Thiatirơ, la cau tac bài dà gur, mơ duh khoai Yàng Tom Trồ. Yàng pò nùs mò in wèt tồr iat jơnau Pol đơs.

Broă 17:18

Gơs ală cau bơto tòm mpồl cau Epikurien mơ cau Stoic kung tòm pơndang mơ khai. Cau ƀà lùp lah: “Ñchi cau jak đơs do kòñ đơs taih?” Cau ƀà tai đơs lah: “Gơlơh be khai bơto yal bơh ală yàng lơgar bơdìh,” tài bơh Pol bơto yal Jơnau Niam bơh Yàng Jesu mơ bơta kis wơl.

Broă 17:32

Dơ̆ kơno đơs bơh bơta kis wơl cau chơt dê, gen cau ƀà dơñŏ tơnhial, cau ƀà tai đơs lah: “Bol he kòñ iat ồng đơs jơnau do dô dơ̆ tai.”

Broă 18:15

Mơya dilah do la bơta tòm pơndang bơh ală jơnau đơs, ală sơnđan hala bơta boh lam is bol mê dê, gen cahrña is tĕ bol mê dê, añ ò bài cahrña ală broă hơ̆ ò.”

Broă 25:19

mìng bơh ală bơta tòm pơndang bơh gùng duh khoai is bol khai dê mơ bơh dô nă cau sơnđan la Jesu neh chơt rau, mơya Pol đơs nền lah gam kis.

I Kôrintô 1:18

Bơh bơta bơto yal bơh chi pơng gơwèt mơ ală cau roh rui, bơta hơ̆ la tùl gơla, mơya gơwèt mơ bol he la cau geh dong klàs, bơta hơ̆ la gơnap gơnoar Yàng Tom Trồ dê.

I Kôrintô 1:21

Bơh di tŭ bơta jak chài Yàng Tom Trồ dê, dunnia ò git Yàng Tom Trồ bơh bơta jak chài is bol khai dê. Sơlơ̆u wơl, Yàng Tom Trồ lơh nền ngui bơta geh kòp la tùl gơla jơnau bơto yal bol he dê nàng dong klàs ală cau dòn.

I Kôrintô 1:23

mơya bol he bơto yal bơh Bơtau Krist kong pơng hơđang chi pơng, be phan gơtup jơng gơwèt hơ cau Juda, gơwèt hơ cau làng bol bơdìh la bơta tùl gơla;

I Kôrintô 1:25

Bơh bơta sền be tùl gơla Yàng Tom Trồ dê la jak chài rlau mơ kòn mơnus dê, mơ bơta lơi sền be lơbơn lơño Yàng Tom Trồ dê la pràn kơldang rlau mơ kòn mơnus.

I Kôrintô 15:44

neh sih la să jan poac mhàm, geh kis wơl la să jan đah hwềng. Dilah gơs să jan poac mhàm, kung gơs să jan đah hwềng sơl.

I Kôrintô 15:46

Mơya ò di bơta đah hwềng gơs lài, mơ la bơta đah poac să gơs lài, tơnơ̆ gen sồng tus bơta đah hwềng.

I Kôrintô 2:12

Tŭ do, bol he neh dòp ò di hwềng dunnia dê, mơya Hwềng tus bơh Yàng Tom Trồ, nàng bol he in git ală bơta Yàng Tom Trồ neh ai gòi bol he in.

I Kôrintô 3:1

Ơ oh mi, đah mơ añ, añ ò rgơi đơs mơ oh mi be cau đah hwềng, mơya be cau jat poac să, kung be oh nga tòm Bơtau Krist.

Jakơ 3:15

Bơta jak chài hơ̆ ò di bơh đang jòng; mơya bal mơ dunnia, òs kòn mơnus dê, cà ràk dê.

I Jang 2:20

Mơya ală bol mê neh geh bong mơñà bơh Bơtau Sàng Goh, gen jơh ală bol mê neh git rau.

I Jang 2:27

Bơta bong mơñà mơ bol mê neh geh bơh Bơtau Krist gơ ơm sùm tòm bol mê, gen ò càng cau lơi bơto sồr bol mê; bơh bơta bong mơñà Kơnràñ dê bơto sồr bol mê tơl ală bơta, mơ bơta hơ̆ la ngan ò di la blac; jat be bơta oh mi neh geh bơto sồr gen ơm tĕ sùm tòm Kơnràñ.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.

Jude 1:19

Hơ̆ la ală cau cah is mpồl, jat đah dunnia ò gơs Yàng Hwềng.