I Kôrintô 2:1 - Sră Goh 2018

¹ Ơ oh mi, tòm tŭ añ tus hơ oh mi añ ò bơto yal bơta ndơp ndơr bơh Yàng Tom Trồ oh mi in tòm jơnau đơs jòng jơnhoa hala jơnau jak chài.

I Kôrintô 2:1 ပူးပေါင်းရင်းမြစ်များ

Lik Ejiptơ 4:10

Môise đơs mơ Yàng Jehôwa lah: “Khoai Yàng Jehôwa, añ òhềt tŭ lơi la cau jak đơs, bơh tòm yau òr, hala bơh di tŭ Yàng tòmbơhbơr mơ cau duh broă Yàng dê. Añ la cau gơs lơmpiat đơs ò loh làng.”

Esai 8:20

bơh bơta bơto sồr mơ bơh bơta nting sồr ơ?” Ngan, ală cau đơs behơ̆ rơp ò gơs àng drim!

Broă 20:21

Bơto tơnggit cau Juda kung be cau Grek in bơh bơta gơjrañ sang glài gơwèt hơ Yàng Tom Trồ mơ bơta dòn di Yàng Jesu Krist la Yàng bol he dê.

Broă 22:18

añ gŏ Yàng Jesu đơs mơ añ lah: ‘Ntào tĕ sơrbac sơrbang, lik mhar bơh Jerusalem, tài bơh bol khai ò bài dòp jơnau lơh cơng mê dê bơh Añ ò.’

Rôma 16:18

Bơh ală cau hơ̆ ò duh broă Bơtau Krist la Yàng bol he, mơya bol khai duh broă kơndul bol khai dê, mơ ai ală jơnau lơngồt bơkah rơmhòc nàng pơrlồm cau ò kơ̆ nùs.

Rôma 16:25

Jòng ro Yàng Tom Trồ gơs gơnoar lơh kơ̆ nền bơta dòn oh mi dê, jat Jơnau Niam añ bơto yal bơh Yàng Jesu Krist, jat bơta yal tơlik bơta ndơp ndơr la jơnau song, la bơta neh pồn ndơp tòm ală rài yau òr,

I Kôrintô 1:17

Bơh Bơtau Krist neh sồr añ lòt ò di nàng lơh ƀaptem, mơya nàng bơto yal Jơnau Niam; ò di kơnòm di jơnau đơs jak chài kòn mơnus dê, rngòt chi pơng Bơtau Krist dê ò gơlik gơs gơnap gơnoar.

I Kôrintô 1:6

kung be jơnau lơh cơng bơh Bơtau Krist neh geh bơtơl pràn digùl oh mi —

I Kôrintô 2:13

Bol he kung bơto yal ală bơta hơ̆, ò di bơh jơnau bơta jak chài kòn mơnus bơto sồr, mơya bơh jơnau Yàng Hwềng bơto sồr; ngui jơnau đah hwềng nàng yal tơlik ală bơta đah hwềng.

I Kôrintô 2:4

Jơnau đơs mơ bơta bơto yal añ jê ò di bơh jơnau gơlơh be di pal bơta jak chài dê, mơya bơh bơta yal tơlik tòm gơnap gơnoar Yàng Hwềng dê,

I Kôrintô 2:7

mơya bol hi bơto yal bơta jak chài, ndơp ndơr neh geh Yàng Tom Trồ pồn ndơp, hơ̆ la bơta neh geh Yàng Tom Trồ lơh nền lài ală rài in nàng ai bơta gơklŏ bol he in.

II Kôrintô 10:10

Bơh gơs cau ƀà đơs lah: “Ală sră pơyoa khai dê đơs kơnjơ̆ mơ pràn kơldang, mơya tus di tŭ tòm mat gen khai lơbơn lơño, mơ jơnau đơs ò gơs kwơ màng.”

II Kôrintô 11:6

Bulah jơnau đơs añ jê sền be ò jak, mơya bơta git jak añ jê ò di behơ̆: Gơpơrlơ̆ wơl, bol hi neh yal bơta hơ̆ oh mi in tòm jơh ală broă mơ jơh ală bơta.

II Tesalônika 1:10

tòm tŭ Kơnràñ tus tòm ngai hơ̆ nàng tơlik să gơklŏ digùl ală cau sàng goh Kơnràñ dê, mơ geh jơh ală cau dòn jat jòng ro, tài bơh oh mi neh dòn jơnau bol hi lơh cơng oh mi in rau.

I Timôthe 1:11

jat be Jơnau Niam gơklŏ Yàng Tom Trồ dê la Bơtau pal jòng ro neh jào añ in.

II Timôthe 1:8

Behơ̆ mê bañ ƀàssìl tòm tŭ lơh cơng bơh Yàng bol he dê, mơ bơta añ ơm jàm tài bơh Kơnràñ; mơya kơnòm tĕ dê gơnap gơnoar Yàng Tom Trồ nàng kong bòl glar bơh Jơnau Niam.

I Jang 4:14

Bol he neh gŏ mơ lơh cơng lah Yàng Bèp neh sồr Yàng Kòn lòt tus nàng lơh gơs Yàng Dong Klàs dunnia dê.

Yal Tơlik 1:2

la cau neh lơh cơng bơh jơnau Yàng Tom Trồ dê mơ bơh jơnau lơh cơng Yàng Jesu Krist dê, hơ̆ la jơh ală bơta khai neh gŏ.

Yal Tơlik 1:9

Añ la Jang, la bi oh mi dê, gơs pơnah bal mơ oh mi tòm bơta rung rài, lơgar Yàng Tom Trồ, mơ tòm bơta kong ơt tòm Yàng Jesu. Añ neh ơm tòm bồt pơlào sơnđan la Patmôs, tài bơh jơnau Yàng Tom Trồ mơ jơnau lơh cơng bơh Yàng Jesu.

Yal Tơlik 19:10

Gen añ tơmbic să di jơng khai nàng duh khoai khai, mơya khai đơs mơ añ lah: “Bañ lơh behơ̆, añ la cau bơyô duh broă bal mơ mê mơ oh mi mê sơl, la ală cau lơh cơng bơh Yàng Jesu. Duh khoai tĕ Yàng Tom Trồ. Bơh jơnau song mơ Yàng Jesu neh ràng tơlik la bơta lơh rngoh rngac ală cau gơnoar hwơr in.”