I Kôrintô 16:7 - Sră Goh 2018

⁷ Bơh tŭ do añ ò di mìng kòñ tìp mơ oh mi tòm tŭ lòt gan lơm, mơya dilah Yàng ai gơnoar gen añ kơp kòñ ơm mơ oh mi dô êt jŏ.

I Kôrintô 16:7 ပူးပေါင်းရင်းမြစ်များ

Jơnau Pơnđik 19:21

Tòm nùs kòn mơnus gơs oă kai gơrmơ̆i; mơya nùs kòñ Yàng Jehôwa dê rơp gơlik gơs.

Jeremi 10:23

Ơ Yàng Jehôwa, añ git gùng dà jơi kòn mơnus dê ò di bơh bol khai lơh tòm, Bol khai ò rgơi lơh nền ală cơnđòa jơng bol khai dê.

Mathiơ 3:15

Yàng Jesu ho lah: “Tŭ do kư̆ lơh tĕ, bơh bol he pal lơh wil tơl jơh ală broă song ring behơ̆.” Gen Jang dòn jơnau.

Broă 18:21

Sơlơ̆u wơl, khai tơngac ală cau hơ̆ mơ đơs lah: “Dilah Yàng Tom Trồ kòñ gen añ rơp tus wơl hơ bol mê.” Lồc behơ̆ khai hào ơhò bơh Ephesô mơ lòt.

Rôma 1:10

Añ òs dan mơ Yàng Tom Trồ jat nùs kòñ Kơnràñ dê, pò gùng añ in gơs tŭ tơngai nàng lòt tus hơ oh mi.

I Kôrintô 4:19

Mơya dilah Yàng kòñ añ lòt, gen añ rơp tus mhar hơ oh mi; mơ añ rơp sơwì nàng git ală cau jòng is să he hơ̆, ò di bơh jơnau đơs bol khai dê, mơya bơh gơnap gơnoar bol khai dê.

II Kôrintô 1:15

Bơh bơta dòn nền cê hơ̆, añ neh lơh nền lài lòt còp oh mi, tồ oh mi in geh bơta nđàc rlau tai;

Jakơ 4:15

Di ngan oh mi pal đơs lah: “Dilah Yàng kòñ mơ bol hi gam kis, gen bol hi rơp lơh broă do broă ne.”