I Kôrintô 16:6 - Sră Goh 2018

⁶ Digơlan añ rơp ơm mơ oh mi, hala kung ơm jơh kơnhai mrềt, tồ geh oh mi jun añ tiah lơi añ kòñ lòt.

I Kôrintô 16:6 ပူးပေါင်းရင်းမြစ်များ

Broă 15:3

Behơ̆, tơnơ̆ mơ tŭ geh Hìu Jum Goh jun lòt gùng, bol khai lòt gan Phenesi mơ Samari, yal wơl bơta ală cau làng bol bơdìh rê wơl hơ Yàng Tom Trồ, lơh jơh ală cau dòn in geh hòn chò oă ngan.

Broă 17:15

Ală cau lòt jun Pol lam khai tus hơ Athen lồc behơ̆ rê wơl hơ Bere, mơ cèng jơnau Pol nting sồr Sila mơ Timôthe in pal lòt tus hơ khai mhar dilah rgơi.

Broă 20:38

Bol khai moat jrùng ngan bơh kơno jơnau khai đơs lah rơp ò gŏ tai mat khai. Gen lòt jun khai mut tòm ơhò.

Broă 21:5

Mơya ală ngai ơm bal mơ bol khai neh rlau, bol hi pơnjat lòt gùng tai. Jơh ală bol khai bal mơ ală kòn bau bol khai dê jun bol hi hơ bơdìh ƀòn dờng. Jơh tơl nă cùn gơltang di gah dà mơ hòi dan.

Broă 27:12

Bơh rnơs hơ̆ ò diơng ơhò in dah tòm kơnhai noat hơ̆, behơ̆ tàng oă cau bơyai lah pal lòi tiah hơ̆ mơ pơnđơl lòt tus hơ Phenis, la rnơs Kret dê, pơnah đah đang mattơngai mut mơ đah đơm mattơngai mut, nàng gơ in dah tòm kơnhai noat tềng hơ̆.

Broă 28:11

Tơnơ̆ mơ pe kơnhai bol hi hào ơhò tus bơh Aleksandria nàng lòt, la ơhò neh ơm jơh kơnhai noat tòm bồt pơlào hơ̆, gơs dô nơm ơhò cau Aleksandria mơ gơs rùp pac di bồ ơhò la Oh Mi Deh Bàr.

Rôma 15:24

Tòm tŭ añ lòt hơ lơgar «Tây Ban Nha», añ kơp kòñ tus còp oh mi; tơnơ̆ mơ tŭ añ neh geh hừh nùs dô êt di oh mi, gen rơp kơnòm di oh mi jun añ lòt tus hơ lơgar hơ̆.

I Kôrintô 16:11

Behơ̆ bañ gơs cau lơi sền òsơp di khai, mơya jun tĕ khai lòt gùng ring lơngai nàng khai tus hơ añ, bơh añ kơp gơn khai tus bal mơ ală oh mi hơ̆.

II Kôrintô 1:16

kung bơh di oh mi mơ lòt hơ Masedoan, mơ bơh Masedoan rê wơl hơ oh mi, lồc behơ̆ kơnòm di oh mi jun añ lòt tus hơ Jude.

Sră Pơyoa Pol Dê Pơyoa Tit In 3:12

Tòm tŭ añ sồr Atemas hala Ticikơ lòt tus hơ mê, gen jơh nùs lòt tus tĕ hơ añ tòm Nikôpôlis, bơh añ neh lơh nền ơm tềng hơ̆ tòm kơnhai noat.