I Kôrintô 16:2 - Sră Goh 2018

² Ngai sơnròp tòm kòp poh, kòp nă jat bơta cồng nha he dê mơ prap lòi is, tồ ò càng rì jền tòm tŭ añ tus.

I Kôrintô 16:2 ပူးပေါင်းရင်းမြစ်များ

Sơnròp Gơlik Gơs 26:12

Isak sih gar sơntìl tòm lơgar hơ̆, nam hơ̆ toès gơlik dô rhiang cồng, bơh Yàng Jehôwa neh ai lơngai lơngò khai in.

Sơnròp Gơlik Gơs 30:27

Laban đơs lah: “Dan añ in geh bơta nđàc di đap mê. Añ gŏ loh làng Yàng Jehôwa bơh mê mơ neh ai lơngai añ in.”

Sơnròp Gơlik Gơs 30:30

Lài mơ tŭ añ òhềt tus, ală phan poan jơng kồñ dê gơs dô êt lơm, mơya bơh di tŭ añ tus mơ ơm gen gơbơtơl oă ngan. Yàng Jehôwa neh ai lơngai kồñ in tòm ală cơnđòa lòt añ jê. Tŭ lơi añ rơp rcang lơh broă hìu añ jê taih?”

Sơnròp Gơlik Gơs 32:10

Añ ò di pal dòp ală bơta kòñ gơboh mơ bơta dòn song mơ Kơnràñ neh ràng tơlik dĭ gơna Kơnràñ in. Tòm tŭ añ lòt gan hiòng Jordan añ mìng gơs gai jra añ, mơ ngai do añ neh gơlik gơs bàr mpồl do.

Sơnròp Gơlik Gơs 33:11

Dan bi dòp tĕ phan añ ai bi in bơh Yàng Tom Trồ ai añ in bơta nđàc, mơ bơh añ gơs tơl.” Khai kư̆ pơnđơl gen Esau dòp gơ.

II Yal Yau 31:10

mơ Ajaria cau gơnoar lam bồ ơn phan duh khoai, bơh di hìu nhă Jadôk, ho wơl lah: “Bơh di tŭ làng bol rơp sơntòm ơn phan ơn bol khai dê hìu duh khoai Yàng Jehôwa in, bol hi gơs tơl phan nàng sa, mơ gam tơngkah nàng prap lòi, tài bơh Yàng Jehôwa neh ai lơngai làng bol Kơnràñ in, mơ jơh ală phan do la phan gam tơngkah wơl.”

Jơnau Niam Jat Mak 14:8

Khai neh lơh bơta khai rgơi lơh, neh bong mơñà lài nàng rcang tơp să Añ.

Luka 16:10

Cau lơi dòn song tòm broă dềt rhền, gen kung dòn song tòm broă dờng; cau lơi ò song ring tòm broă dềt rhền, gen kung ò song ring tòm broă dờng sơl.

Luka 24:1

Ngai sơnròp tòm dô poh tŭ trồ rìng àng, ală cau ùr hơ̆ cèng sơnơm ƀô bơlhu neh rcang sir mơ lòt tus hơ bơtô ƀồc.

Jang 20:19

Tòm mho ngai hơ̆, la ngai sơnròp tòm dô poh, ală mpồng di tiah ală cau bơtê ơm neh til tài bơh bol khai rngòt di cau Juda, Yàng Jesu tus ntào digùl bol khai mơ đơs lah: “Lơngap lơngai bol mê in!”

Jang 20:26

Tòm phàm ngai tơnơ̆, ală cau bơtê Kơnràñ dê ơm bal tòm hìu, gơs Thôma ơm bal sơl; ală mpồng neh til, Yàng Jesu tus ntào digùl bol khai mơ đơs lah: “Lơngap lơngai bol mê in!”

Broă 20:7

Ngai sơnròp tòm dô poh, bol hi ơm pơjum sa tòmklac bal. Tài bơh Pol pal lòt ngai hìng, gen tàng khai bơto yal ală cau bơtê in mơ kư̆ bơto tơn jơl tus digùl mơnang.

II Kôrintô 8:10

Tòm broă do añ yal nùs kơlôi añ jê, broă hơ̆ gơs kwơ oh mi in, la cau ò di mìng pa sơntòm lơh, mơ kung neh gơs nùs kòñ lơh bơh nam lài rau.

Yal Wơl 8:18

Mơya kah tĕ Jehôwa Yàng Tom Trồ bol mê dê, bơh hơ̆ Kơnràñ la Bơtau ai bol mê in bơta chài rgơi nàng lơh gơlik phan mơna, mơ behơ̆ Kơnràñ lơh nền bơta ho bal Kơnràñ dê mơ Kơnràñ neh srat să ho nền mơ ală ồng pàng bol mê dê be neh gơs tòm ngai do.

Yal Tơlik 1:10

Tòm ngai Yàng dê añ gơs Yàng Hwềng lơh rngoh rngac, mơ añ kơno bơh tơnơ̆ añ gơs jơnau ntas dờng be kơlwòk lah: