I Kôrintô 16:16 - Sră Goh 2018

¹⁶ Añ dan ală oh mi kung dòn bơr ală cau behơ̆, mơ kòp nă cau kong bòl glar lơh broă bal mơ bol khai.

I Kôrintô 16:16 ပူးပေါင်းရင်းမြစ်များ

I Yal Yau 12:18

Gen Yàng Hwềng tus hơđang Amasai, cau at bồ mpồl pe jơt nă, mơ khai đơs lah: “Ơ Dabit, bol hi gơrê bal mơ ồng! Ơ kòn klau Jese, bol hi ơm đah mơ ồng! Dan ồng geh lơngap lơngai, lơngap lơngai, Dan ală cau dong kòl ồng kung geh lơngap lơngai! Bơh Yàng Tom Trồ ồng dê la Bơtau rơp dong kòl ồng.” Behơ̆, Dabit dòp rò bol khai mơ bơtào bol khai gơs cau at bồ ală mpồl cau lòt jat khai.

Cau Bơto 1:3

Ñchi kwơ jơi kòn mơnus in, bơh jơh ală broă bòl glar bol khai neh lơh hơđơm mattơngai taih?

Rôma 16:12

Dan còp să Triphena mơ Triphôsa, la cau kong bòl glar lơh broă tòm Yàng. Dan còp să Persis la cau kòñ gơboh añ jê, la cau neh kong oă bơta bòl glar lơh broă tòm Yàng.

Rôma 16:3

Dan còp să Prissil mơ Akila, la cau bơyô lơh broă bal mơ añ tòm Yàng Krist Jesu.

Rôma 16:6

Dan còp să Mari la cau neh lơh oă broă bòl glar bơh oh mi.

Rôma 16:9

Dan còp să Urbanus, la cau bơyô lơh broă bal mơ añ tòm Bơtau Krist, mơ Stakis la cau kòñ gơboh añ jê.

I Kôrintô 12:28

Yàng Tom Trồ neh bơtào rơndap tòm Hìu Jum Goh, sơnròp la cau gơnoar bơto dờng, bàr la cau gơnoar hwơr, pe la cau bơto sồr, gen tus di cau lơh broă crih crài, tus di cau geh bơta ai gòi bơta sơmbòi kòp jê, mơ dong kòl, at bồ, mơ git oă jơnau đơs ndai.

I Kôrintô 3:9

Bơh bol hi la bơyô lơh broă bal mơ Yàng Tom Trồ; oh mi la sre Yàng Tom Trồ dê, mơ hìu Yàng Tom Trồ dê.

Ephesô 5:21

Duh rngòt tĕ di Bơtau Krist mơ dòn duh bal mơ gơp.

Philip 4:3

Ơ bi la cau dòn song tui yô bal mơ añ, añ kung dan bi dong bàr nă cau ùr hơ̆, bơh bol khai neh kong bòl glar lơh broă bal mơ añ tòm Jơnau Niam; kung be Kleman mơ ală oh mi ndai lơh broă bal mơ añ; sơnđan mat ală cau hơ̆ Yàng Tom Trồ neh cih tòm sră bơta kis rau.

I Tesalônika 1:3

bơh di đap Yàng Tom Trồ la Bèp bol he dê, bol hi kah sùm bơh tơngai broă bơta dòn dê, bơta kong bòl glar lơh broă nùs kòñ gơboh dê, mơ ntào kơ̆ tòm bơta gơn kơnòm oh mi dê tòm Yàng Jesu Krist bol he dê.

I Tesalônika 2:9

Ơ oh mi, oh mi gam kah bơta kong lơh broă mơ bơta bòl glar bol hi dê; tòm tŭ bol hi bơto yal Jơnau Niam Yàng Tom Trồ dê oh mi in, gen kung lơh broă ngai mơ mang, tồ ò lơh pơnjê di dô nă cau lơi tòm oh mi.

I Tesalônika 5:12

Ơ oh mi, bol hi rac dan oh mi ki ngàm tĕ dê ală cau kong bòl glar lơh broă digùl oh mi, la cau lam bồ mơ bơto tơngkah oh mi tòm Yàng.

I Timôthe 5:17

Ală cau kwang kra lam bồ dô bă niam gen cau pal ki ngàm oă rlau tai, lài ngan la ală cau kong bòl glar tòm broă bơto jơnau Yàng mơ bơto sồr.

Hebrơ 13:17

Dòn bơr tĕ ală cau tề lam oh mi mơ dòn duh bol khai, bơh bol khai drơng kơp bơh hwềng soàn oh mi dê be cau pal yal tơlik broă; nàng bol khai lơh broă hơ̆ dô bă hòn chò, ò di moat jrùng, bơh dilah moat jrùng gen ò kwơ oh mi in.

Hebrơ 13:24

Dan còp să jơh ală cau tề lam oh mi, mơ jơh tơl nă cau sàng goh. Ală cau Itali pơyoa jơnau còp să oh mi.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.

I Pier 5:5

Kung behơ̆ sơl, ơ ală cau kơnòm să, dòn duh tĕ ală cau kwang kra. Jơh tơl nă pal soh tĕ bơta pơndêt să gơwèt bal mơ gơp, bơh Yàng Tom Trồ sòdră di cau pơnhừ să, mơya ai bơta nđàc cau pơndêt să in.

III Jang 1:8

Bol he kung pal dong kòl ală cau behơ̆ sơl, tồ bol he mơ bol khai lơh broă bal tòm jơnau song.

Yal Tơlik 2:3

Añ git mê òs kong ơt; mê neh kong bòl glar bơh sơnđan Añ mơ ò gơplơ̆ nùs.