I Kôrintô 16:1 - Sră Goh 2018

¹ Bơh bơta rì jền ală cau sàng goh in tòm Jude, be añ neh sồr ală Hìu Jum Goh Galati be lơi, gen oh mi kung lơh jat behơ̆ sơl.

I Kôrintô 16:1 ပူးပေါင်းရင်းမြစ်များ

Broă 11:28

Tòm mpồl hơ̆ gơs dô nă cau sơnđan la Agabus geh Yàng Hwềng yal lài, gen khai ntào mơ đơs hwơr lah rơp gơs bơta jơgloh rung dờng tòm làm ù; bơta jơgloh rung hơ̆ gơlik gơs tòm rài bơtau Klaudius.

Broă 11:30

Bol khai lơh broă hơ̆, mơ pơyoa phan pà gòi ală cau kwang kra in kơnòm di Banaba mơ Sol.

Broă 16:6

Bol khai lòt làm kơnhwàl Phriji mơ Galati, tài bơh Yàng Hwềng Goh neh bơkơŭ bol khai bơto yal jơnau Yàng tòm Asia.

Broă 18:23

Khai ơm tềng hơ̆ dô êt jŏ, lồc behơ̆ lòt làm jơh lơgar Galati mơ lơgar Phriji, lơh jơh ală cau bơtê in kơ̆ nùs.

Broă 24:17

Tơnơ̆ mơ tŭ oă nam ơm ngài bơh Jerusalem, añ rê wơl tềng hơ̆ cèng priă làng bol añ in, mơ ơn phan duh khoai.

Broă 9:13

Anania ho lah: “Ơ Yàng, añ neh kơno oă cau yal bơh cau do neh lơh iơh oă di ală cau sàng goh Yàng dê tòm Jerusalem,

Broă 9:41

Pier ai tê yò tơngguh khai in ntào, gen hòi ală cau sàng goh mơ ală cau ùr bơnrau tus sơnio bol khai in mò neh kis.

Rôma 12:13

Tòmpà tĕ bơta pal ngui sa ală cau sàng goh in; pal kòñ tĕ wă rò nac.

I Kôrintô 11:34

Dilah cau lơi jơgloh, gen sa lài tòm hìu; nàng tòm tŭ oh mi pơjum bal, gen ò kòl tòm bơta cahrña. Mơ ală broă ndai, tòm tŭ añ tus gen rơp rơndap wơl.

I Kôrintô 16:15

Ơ oh mi, gơs dô jơnau tơngkah tai, oh mi git lah hìu nhă Stephanas la plai bồ sơnam lơgar Acai, mơ bol khai lơh nền duh broă ală cau sàng goh in.

I Kôrintô 4:17

Tài behơ̆, añ neh sồr Timôthe lòt tus hơ oh mi, khai la kòn kòñ gơboh mơ dòn song añ jê tòm Yàng. Khai rơp tơngkah oh mi in bơh ală gùng dà rài kis pa añ jê tòm Yàng Krist Jesu, kung be añ bơto sồr tòm kòp nơm Hìu Jum Goh làm bă tiah.

Galati 1:2

Añ bal mơ jơh ală oh mi ơm bal mơ añ, pơyoa ală Hìu Jum Goh in tòm Galati:

Galati 2:10

Bol khai mìng nting bol hi pal kah di ală cau rƀah lơòi, la bơta añ kung neh jơh nùs lơh.

Philemôn 1:5

bơh añ kơno bơh nùs kòñ gơboh mơ bơta dòn bi dê gơwèt mơ Yàng Jesu, mơ gơwèt mơ jơh ală cau sàng goh.

Philemôn 1:7

Mơ tai, ơ bi, añ neh geh hòn chò mơ pơndòm pơniang oă ngan bơh nùs kòñ gơboh bi dê, tài bơh kơnòm di bi mơ nùs ală cau sàng goh neh geh rài bòl.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.

I Jang 3:17

Dilah cau lơi gơs phan mơna dunnia dê, mơ gŏ oh mi he rƀah lơòi, mơ ò gơs nùs ơnàng, gen nùs kòñ gơboh Yàng Tom Trồ dê mbe rgơi ơm tòm cau hơ̆ taih?