I Kôrintô 15:6 - Sră Goh 2018

⁶ Lồc behơ̆, tòm dô dơ̆ lĕ Kơnràñ tơlik să di đap rlau mơ pram rhiang nă cau dòn; oă cau tòm bol khai gam kis, mơya kung gơs cau ƀà neh bic rau.

I Kôrintô 15:6 ပူးပေါင်းရင်းမြစ်များ

Mathiơ 28:10

Yàng Jesu đơs mơ bol khai lah: “Bañ rngòt, lòt tĕ yal ală oh mi Añ in tus hơ Galile; tềng hơ̆ bol khai rơp tìp Añ.”

Jơnau Niam Jat Mak 16:7

Lòt tĕ yal ală cau bơtê Kơnràñ in mơ yal Pier in lah: Kơnràñ lòt lài mơ bol mê hơ Galile. Tềng hơ̆ bol mê rơp gŏ Kơnràñ, be Kơnràñ neh đơs mơ bol mê.”

Broă 13:36

Mơya bơtau Dabit tòm tŭ duh broă jat nùs kòñ Yàng Tom Trồ dê tòm rài kis khai, khai neh chơt, geh tơp bal mơ ồng pàng khai dê, mơ neh gŏ bơta ồm lề.

Broă 7:60

Gen khai cùn gơltang, hòi dờng lah: “Khoai Yàng, dan bañ tuh glài do hơđang bol khai!” Lồc khai đơs jơnau hơ̆ gen bic tơn.

I Kôrintô 15:18

Gen ală cau neh bic tòm Bơtau Krist kung kong roh rui rau.

I Kôrintô 15:20

Mơya do, Bơtau Krist neh geh kis wơl bơh bơta chơt rau, la plai bồ sơnam ală cau bic dê.

I Tesalônika 4:13

Ơ oh mi, bol hi ò kòñ oh mi ò git bơh cau neh bic, tồ oh mi in ò moat jrùng be cau ndai ò gơs bơta gơn kơnòm.

I Tesalônika 4:15

Do la bơta bol hi kơnòm di jơnau Yàng mơ yal oh mi in lah bol he la cau kis, gam ơm wơl jơl tus di tŭ Yàng tus wơl, gen ò gơs tŭ lơi lòt lài mơ ală cau neh bic ò.

II Pier 3:4

mơ đơs lah: “Ntềng đah jơnau ho pơgon bơh bơta Yàng tus wơl taih? Bơh di tŭ ồng pàng bol he neh bic, gen jơh ală phan kư̆ gam sùm be tòm tŭ sơnròp crơng gơs trồ tiah.”