I Kôrintô 15:57 - Sră Goh 2018

⁵⁷ Mơya ưnngài Yàng Tom Trồ, Kơnràñ ai bol he in bơta pha lin rlau bơh Yàng Jesu Krist la Yàng bol he dê.

I Kôrintô 15:57 ပူးပေါင်းရင်းမြစ်များ

II Ală Bơtau 5:1

Naaman, kwang dờng at bồ mpồl ling bơtau Aram dê, la dô nă cau gơs gơnoar mơ geh dờng ryŭ di dap cau tòm khai, bơh khai Yàng Jehôwa cèng bơta pha lin cau Aram in. Bulah cau do la dô nă cau ling jak mơ pràn kơldang, gơkòl jê sồt bơh kòp dun.

I Yal Yau 22:11

Tŭ do, ơ kòn klau añ jê, dan Yàng Jehôwa ơm bal mơ kòn, mơ dan kòn in geh bơtoah bơtoài mơ bơt hìu Jehôwa Yàng Tom Trồ kòn dê jat be Kơnràñ neh đơs bơh kòn.

Đơs Crih 98:1

Đơs chò tĕ Yàng Jehôwa in dô bơta đơs chò pa, Bơh Kơnràñ neh lơh ală bơta crih crài! Tê ma mơ tơwòr tê sàng goh Kơnràñ dê neh geh pha lin rlau.

Jơnau Pơnđik 21:31

Ơseh rcang sir ngai tòmlơh in; mơya bơta pha lin rlau gơrê bal mơ Yàng Jehôwa.

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Broă 27:35

Neh đơs behơ̆ rau, Pol ai piang lă, ntào di đap jơh ală cau mơ ưnngài Yàng Tom Trồ, lồc behơ̆ dơrkă piang lă mơ sa lài.

Rôma 7:25

Ưnngài Yàng Tom Trồ, kơnòm di Yàng Jesu Krist la Yàng bol he dê! Behơ̆ să tòm añ ai nùs kơlôi dòn duh bơta boh lam Yàng Tom Trồ dê, mơya ai poac să dòn duh bơta boh lam tồi glài dê.

Rôma 8:37

Gơpơrlơ̆ wơl, tòm jơh ală bơta hơ̆, bol he kơnòm di Bơtau kòñ gơboh di bol he nàng geh bơta pha lin rlau.

I Kôrintô 15:51

Do añ yal oh mi in dô bơta ndơp ndơr: Bol he ò bic jơh, mơya jơh ală bol he rơp geh gơlik gơs să pa,

II Kôrintô 1:11

Ală oh mi kung ai jơnau hòi dan nàng dong kòl bol hi bal, tồ kơnòm di oă jơnau hòi dan gen bol hi dòp geh bơta lơngai lơngò mơ gơs oă cau bơh bol hi mơ ưnngài Yàng sơl.

II Kôrintô 2:14

Mơya ưnngài Yàng Tom Trồ, Kơnràñ lam bồ bol hi dô bă pha lin tòm Bơtau Krist sùm sùm, mơ bơh bol hi Kơnràñ rsìh ƀô bơlhu bơh bơta dòp git Kơnràñ làm bă tiah.

II Kôrintô 9:15

Ưnngài tĕ Yàng Tom Trồ, bơh bơta ai gòi Kơnràñ dê ò git jơh!

Ephesô 5:20

Bơh jơh ală bơta oh mi pal ai sơnđan Yàng Jesu Krist bol he dê mơ sùm sùm ưnngài Yàng Tom Trồ la Bèp.

Hebrơ 2:14

Behơ̆ gen, tài bơh ală kòn sau neh gơs pơnah tòm poac mơ mhàm be lơi, gen tàng să tòm Kơnràñ kung gơs pơnah tòm poac să behơ̆ sơl, tồ kơnòm di bơta chơt mơ Kơnràñ rgơi tơnroh cau at bồ bơta chơt la cà ràk,

Yal Tơlik 12:11

Bol khai neh geh pha lin rlau mơ gơ tài bơh kơnòm dê mhàm Belàt Kòn dê, mơ kơnòm dê jơnau lơh cơng bol khai dê, bơh bol khai ò pơlai bơta kis he dê jơl chơt.

Yal Tơlik 21:4

Kơnràñ rơp jùt jơh dà mat di mat bol khai, bơta chơt ò gam tai, kung ò gơs bơta moat jrùng, ò gơs bơta nggà ñìm, ò gơs bơta jê sồt tai, bơh ală bơta yau neh roh jơh rau.”