I Kôrintô 15:54 - Sră Goh 2018

⁵⁴ Tòm tŭ să jan òs ồm lề do neh soh să jan ò ồm lề, mơ să jan òs chơt do neh soh să jan ò tŭ lơi chơt, gen rơp gơlik di ngan be jơnau neh cih lah: “Bơta chơt neh kòl bơta pha lin rlau sa loan.”

I Kôrintô 15:54 ပူးပေါင်းရင်းမြစ်များ

Esai 25:8

Gen Jehôwa Yàng Tom Trồ rơp jùt dà mat bơh di jơh ală mat, mơ bơta sền òsơp làng bol Kơnràñ dê rơp tă tơlik jơh bơh di plai ù, Yàng Jehôwa neh đơs behơ̆.

Luka 20:36

Bol khai rơp ò chơt tai, bơh bol khai tòm toh be ală cau gơnrơh mơ la kòn Yàng Tom Trồ dê, hơ̆ la kòn bơta kis wơl dê.

Rôma 1:23

Bol khai neh tòmgơl bơta gơklŏ Yàng Tom Trồ dê ò ồm lề mơ ai rùp să jơi kòn mơnus dê òs ồm lề, hala ală sềm, ală phan poan jơng, mơ ală phan wìn nsròng dê.

Rôma 2:7

Cau lơi kơ̆ nùs lơh bơta niam, mơ jòi jat bơta gơklŏ, sền dờng màng mơ bơta ò ồm lề, gen Yàng Tom Trồ tơm wơl bol khai in bơta kis gam sùm sùm;

Rôma 6:12

Behơ̆ bañ lòi tồi glài in at bồ tòm să jan òs chơt oh mi dê, mơ lơh oh mi in jat bơta hàm kòñ is gơ dê,

Rôma 8:11

Dilah Yàng Hwềng Goh bơh Bơtau neh lơh Yàng Jesu in kis wơl bơh bơta chơt ơm tòm oh mi, gen Bơtau neh lơh Yàng Krist Jesu in kis wơl bơh bơta chơt kung rơp kơnòm di Yàng Hwềng Goh Kơnràñ dê ơm tòm oh mi nàng lơh să jan òs chơt oh mi dê geh kis sơl.

II Kôrintô 4:11

Bơh bol hi la cau kis òs kong bơtào bơta chơt in tài bơh Yàng Jesu, tồ bơta kis Yàng Jesu dê kung geh yal tơlik tòm poac să òs chơt bol hi dê.

II Kôrintô 5:4

Bol he rac ròc mơ kơnjơ̆ kơnjut tòm tŭ gam ơm tòm hìu ing do, bơh bol he ò di kòñ hồ bơta do mơya kòñ soh bơta ne tai, nàng bơta lơi òs chơt gơkòl bơta kis sa loan.

II Tesalônika 1:10

tòm tŭ Kơnràñ tus tòm ngai hơ̆ nàng tơlik să gơklŏ digùl ală cau sàng goh Kơnràñ dê, mơ geh jơh ală cau dòn jat jòng ro, tài bơh oh mi neh dòn jơnau bol hi lơh cơng oh mi in rau.

Yal Tơlik 20:14

Gen bơta chơt mơ lơgar làng ƀồc kong sơrbì tòm brong ồs. Brong ồs la bơta chơt dơ̆ bàr.

Yal Tơlik 21:4

Kơnràñ rơp jùt jơh dà mat di mat bol khai, bơta chơt ò gam tai, kung ò gơs bơta moat jrùng, ò gơs bơta nggà ñìm, ò gơs bơta jê sồt tai, bơh ală bơta yau neh roh jơh rau.”