I Kôrintô 15:52 - Sră Goh 2018

⁵² tòm dô êt, tòm dô kơnđip mat, tòm tŭ uh kơlwòk lồi dut. Bơh kơlwòk rơp ntas, gen ală cau chơt rơp geh kis wơl ò ồm lề, mơ bol he rơp geh gơlik gơs să pa.

I Kôrintô 15:52 ပူးပေါင်းရင်းမြစ်များ

Đơs Crih 73:19

Heh! Bol khai kong tơnroh tòm dô huơt lơm! Bơta rngòt rngơt lơh bol khai in roh rui jơh hir.

Lik Ejiptơ 19:16

Tòm àng drim ngai pe, gơs ntơr kơnàs mơ puhlèp bal mơ dô puk mhwal lơut hơđang mơnơm, mơ gơs kơlwòk ntas dờng. Jơh làng bol ơm tòm sàl rơm să rngòt.

Lik Ejiptơ 20:18

Tòm tŭ làng bol gŏ ntơr kơnàs mơ puhlèp, kơno kơlwòk, mơ gŏ mơnơm gơlik ñhŭ, gen rơm să rngòt ngan, mơ ơm ntào ngài.

Lik Ejiptơ 33:5

Bơh Yàng Jehôwa neh đơs mơ Môise lah: “Đơs tĕ mơ cau Israel lah: ‘Bol mê la làng bol kơldang bồ. Dilah Añ lòt bal mơ bol mê bulah mìng tòm dô ơthoa, gen Añ kung rơp tơnroh bol mê! Behơ̆, tŭ do, hồ tă tĕ ală phan bơka să bol mê dê, mơ Añ rơp lơh nền ñchi Añ lơh gơwèt mơ bol mê.’”

Esai 18:3

Ơ jơh ală làng bol tòm lơgar dunnia, la cau ơm hơđang plai ù, Tòm tŭ bồng bi yò tơngguh hơđang mơnơm, Sền tĕ! Tòm tŭ kơlwòk neh uh, Iat tĕ!”

Esai 27:13

Tòm ngai hơ̆, dô nơm kơlwòk dờng rơp geh uh. Ală cau neh roh rui tòm Asiri, mơ ală cau neh kòl cèng pơrdô tòm Ejiptơ rơp tus duh khoai Yàng Jehôwa hơđang mơnơm sàng goh tòm Jerusalem.

Ejekiel 33:3

mơ dilah cau kơp gàr gŏ đào tus hơđang lơgar gen khai uh kơlwòk nàng yal tơnggit lài làng bol in,

Ejekiel 33:6

Mơya dilah cau drơng kơp gàr gŏ đào tus mơ ò uh kơlwòk nàng yal tơnggit lài làng bol in, mơ đào tus tơnroh bơta kis dô êt nă cau tòm bol khai, gen ală cau hơ̆ rơp kong chơt tài bơh tồi glài bol khai dê; mơya Añ rơp lùp mhàm bol khai tòm tê cau drơng kơp gàr.’

Sacari 9:14

Gen Yàng Jehôwa rơp tơlik mat hơđang bol khai, kam Kơnràñ rơp àng gơcrà kung be puhlèp. Jehôwa Yàng Tom Trồ Gơnap Gơnoar Làm Jơh rơp uh kơlwòk; Kơnràñ rơp lòt tòm ală càl rbut đah đơm.

Khà Làng Bol 10:4

Dilah cau uh mìng dô nơm lơm gen ală cau kwang lam bồ la ală cau at bồ mpồl hìu nhă Israel dê pal pơjum bal di đap mê.

Khà Làng Bol 16:21

“Cah is tĕ să tòm bol mê bơh di mpồl jơnum do tồ Añ rgơi tơnroh bol khai mo tŭ do.”

Khà Làng Bol 16:45

“Lik tĕ ngài bơh di mpồl jơnum do nàng Añ rơp tơnroh bol khai mo tŭ do.” Mơ bol khai tơmbic să blup mat tòm ù.

Mathiơ 24:31

Kơnràñ rơp sồr ală cau gơnrơh Kơnràñ dê lòt uh kơlwòk ntas dờng ngan mơ pơjum ală cau geh sac rwah Kơnràñ dê bơh tòm poan đah, bơh jơng trồ do tus hơ jơng trồ ne.”

Jang 5:25

Di ngan, Añ đơs ngan mơ bol mê, jơ rơp tus mơ tŭ do neh tus rau, dơ̆ ală cau chơt rơp kơno jơnau đơs Kòn Yàng Tom Trồ dê, mơ ală cau kơno hơ̆ rơp kis.

Jang 5:28

Bañ ai lơh krơi bơh bơta hơ̆, tài bơh jơ tus, dơ̆ ală cau ơm tòm bơtô ƀồc rơp kơno jơnau đơs Kơnràñ,

I Kôrintô 15:23

Mơya jat bơta rơndap kòp nă is he dê: Bơtau Krist la plai bồ sơnam, gen ală cau gơrê bal mơ Bơtau Krist rơp kis wơl tòm tŭ Kơnràñ tus wơl.

I Kôrintô 15:42

Bơta kis wơl ală cau chơt dê kung behơ̆ sơl. Să jan neh sih la òs ồm lề, geh kis wơl la ò ồm lề;

I Kôrintô 15:50

Ơ oh mi, añ đơs be do lah poac mơ mhàm ò geh pơrdòn lơgar Yàng Tom Trồ; bơta òs ồm lề kung ò geh pơrdòn bơta ò ồm lề.

I Tesalônika 4:15

Do la bơta bol hi kơnòm di jơnau Yàng mơ yal oh mi in lah bol he la cau kis, gam ơm wơl jơl tus di tŭ Yàng tus wơl, gen ò gơs tŭ lơi lòt lài mơ ală cau neh bic ò.

II Pier 3:10

Mơya ngai Yàng dê rơp tus be dô nă cau kơñau. Tŭ hơ̆ ală tap trồ rơp gơs jơnau ntas nggồr ur mơ roh, jơh ală bơta rơp kong ồs sa lề jơh, plai ù mơ ală broă lơh hơđang gơ rơp kong chu jơh.

Yal Tơlik 8:13

Añ sền gŏ mơ kơno dô nơm klàng bung par digùl trồ, hòi driau dờng lah: “Bòl glar ngan! Bòl glar ngan! Ală cau in ơm hơđang plai ù, bơh jơnau kơlwòk mơ pe nă cau gơnrơh ndai rơp uh tai.”

Yal Tơlik 8:2

Gen añ gŏ poh nă cau gơnrơh ntào di đap Yàng Tom Trồ, mơ neh ai bol khai in poh nơm kơlwòk.