I Kôrintô 15:4 - Sră Goh 2018

⁴ Kơnràñ neh kong tơp, tus di ngai pe Kơnràñ neh geh kis wơl, jat be jơnau Sră Goh;

I Kôrintô 15:4 ပူးပေါင်းရင်းမြစ်များ

Đơs Crih 16:8

Añ òs lòi Yàng Jehôwa ơm di đap añ; Añ ò gơs tŭ lơi wañ lơnggơh, tài bơh Kơnràñ ơm đah ma añ.

Đơs Crih 2:7

Añ rơp yal tơlik bơta lơh nền Yàng Jehôwa đơs mơ Añ lah: “Mê la Kòn Añ jê, ngai do Añ neh tơnggơs mê.

Sră Ôse 6:2

Tơnơ̆ mơ bàr ngai, Kơnràñ rơp lơh bol he in kis wơl, tòm ngai pe Kơnràñ rơp tơngguh bol he, tồ bol he in kis di đap Kơnràñ.

Mathiơ 12:40

Be Jôna neh ơm tòm kơndul ka dờng tòm pe ngai mơ pe mơnang, Kòn mơnus kung rơp ơm tòm kơnàng ù tòm pe ngai mơ pe mơnang behơ̆ sơl.

Mathiơ 16:21

Bơh tŭ hơ̆, Yàng Jesu sơntòm yal ală cau bơtê in git Kơnràñ pal lòt tus hơ Jerusalem, pal kong oă bơta jê sồt bòl glar bơh ală cau kwang kra, ală cau gơnoar lam bồ ơn phan duh khoai, ală cau bơto bơta boh lam, mơ pal kong tơnchơt, tus dê ngai pe gen geh kis wơl.

Mathiơ 20:19

bơtào Kơnràñ cau làng bol bơdìh in dơñŏ tơnhial, pù lơh mơ pơng hơđang chi pơng. Tus di ngai pe Kơnràñ rơp geh kis wơl.”

Jơnau Niam Jat Mak 9:31

Bơh Kơnràñ bơto sồr ală cau bơtê lah: “Kòn Mơnus rơp gơkòl bơtào tòm tê cau, mơ bol hơ̆ rơp tơnchơt Khai. Neh sir tơnchơt Khai, gen tơnơ̆ mơ pe ngai Khai rơp kis wơl.”

Luka 24:26

Ò di Bơtau Krist pal kong ală bơta bòl glar behơ̆, gen sồng mut tòm bơta gơklŏ Kơnràñ dê ò ơ?”

Luka 24:46

mơ đơs mơ bol khai lah: “Gơs jơnau cih lah Bơtau Krist pal kong bòl glar, mơ tòm ngai pe kis wơl bơh bơta chơt,

Luka 9:22

mơ lah: “Kòn Mơnus pal kong oă bơta bòl glar, kong ală cau kwang kra, ală cau gơnoar lam bồ ơn phan duh khoai, mơ ală cau bơto bơta boh lam sang lòi, mơ kong cau tơnchơt, gen tus di ngai pe geh kis wơl.”

Jang 19:38

Tơnơ̆ mơ hơ̆ Jôsep cau Arimathe, la cau bơtê Yàng Jesu dê dô bă ndơp ndơr, bơh rngòt di cau kwang Juda, khai dan mơ Pilat nàng ai ƀồc Yàng Jesu; gen Pilat ai gơnoar. Behơ̆ khai lòt tus nàng ai ƀồc Kơnràñ.

Broă 1:3

Kơnràñ ai oă cơng tàng yal loh ală cau gơnoar bơto dờng in lah Kơnràñ neh kis, tơnơ̆ mơ tŭ neh kong chơt, mơ tơlik să mơ bol khai tòm poan jơt ngai, bơto yal ală bơta bơh lơgar Yàng Tom Trồ.

Broă 17:31

bơh Yàng Tom Trồ neh lơh nền dô ngai, tòm tŭ Kơnràñ rơp ai bơta song ring cahrña dunnia bơh Cau Kơnràñ neh pồ bơtào. Kơnràñ lơh cơng tàng nền cê kòp nă cau in gŏ, Kơnràñ neh lơh Khai in kis wơl bơh bơta chơt.”

Rôma 6:4

Behơ̆, bol he neh kong tơp bal mơ Kơnràñ bơh bơta ƀaptem tòm bơta chơt Kơnràñ dê, tồ Bơtau Krist in kơnòm di bơta gơklŏ Yàng Bèp dê mơ geh kis wơl bơh bơta chơt be lơi, gen bol he kung lơh lòt tòm rài kis pa behơ̆ sơl.

Kôlôse 2:12

Bơh oh mi neh kơnòm di ƀaptem mơ geh tơp bal mơ Kơnràñ, kung bơh hơ̆ neh geh kis wơl bal mơ Kơnràñ bơh bơta dòn di broă lơh gơnap gơnoar Yàng Tom Trồ dê, la Bơtau neh lơh Kơnràñ in kis wơl bơh bơta chơt.

Hebrơ 13:20

Dan Yàng Tom Trồ la Bơtau lơngap lơngai, la Bơtau neh cèng Yàng Jesu bol he dê bơh bơta chơt, la Bơtau Dờng Ê Belàt, kơnòm di mhàm bơta ho bal gam sùm sùm,

I Pier 1:11

Bol khai sơwì tồ git tŭ lơi, mơ mbe lơi bơta hơ̆ rơp tus. Do la bơta mơ Hwềng Bơtau Krist dê ơm tòm bol khai neh sơnio, đơs lài bơh bơta jê sồt bòl glar Bơtau Krist pal kong mơ bơh bơta gơklŏ jat tơnơ̆.