I Kôrintô 15:34 - Sră Goh 2018

³⁴ Kơlôi kah tĕ, mơ lơh lòt dô bă di pal, bañ tìs glài tai, bơh gơs cau ƀà ò git bơh Yàng Tom Trồ dô êt lơi; añ đơs bơta hơ̆ tồ oh mi in ƀàssìl.

I Kôrintô 15:34 ပူးပေါင်းရင်းမြစ်များ

Đơs Crih 119:11

Añ neh prap jơnau Yàng tòm nùs añ, Nàng añ ò tìs glài tòmdră mơ Yàng.

Đơs Crih 4:4

Dilah gơs bơta gơjrañ, gen bañ tìs glài; Hơđang cơnòng bic he dê, kơlôi sơnơng tĕ tòm nùs mơ ơm mŏ mŏ. (Selah)

Jeremi 9:3

“Bol khai bơt lơmpiat bol khai be àtak, Bol khai hòn dờng tòm lơgar bơh bơta blac pơrlồm. Ò di bơh jơnau song; Bol khai ntoat tơngguh bơh bơta iơh do tus bơta iơh ndai, Mơ bol khai ò đal git Añ,” Yàng Jehôwa đơs behơ̆.

Jôel 1:5

Ơ cau bơñul ñô, kah rngal tĕ mơ ñìm rac! Ơ jơh ală bol mê la cau jak ñô tơrnòm, ñìm rac tĕ bơh tơrnòm pa, bơh neh kong tă bơh di bơr bol mê dê.

Jôna 1:6

Cau at bồ ơhò tus hơ khai mơ đơs lah: “Mbe mê rgơi bic behơ̆ taih? Guh tĕ mơ hòi dan mơ yàng mê dê! Digơlan yàng rơp ai nùs kah kơlôi bơh bol he, nàng bol he ò chơt roh.”

Mathiơ 22:29

Yàng Jesu ho lah: “Bol mê kơlôi tìs rau, bơh ò git Sră Goh, kung ò git gơnap gơnoar Yàng Tom Trồ dê.

Jang 5:14

Tơnơ̆ wơl Yàng Jesu bàn cau hơ̆ tòm hìu duh khoai gen đơs lah: “Do, mê neh bòi rau, bañ tìs glài tai yơ, rngòt gơs bơta lơi iơh rlau tai gơlik mê in mòn.”

Jang 8:11

Cau ùr ho lah: “Ơ Yàng, ò gơs dô nă cau lơi.” Yàng Jesu đơs lah: “Añ kung ò lơh nền glài ai sơl; lòt tĕ, bañ tìs glài tai yơ.”]

Broă 26:8

Ñchi bơh tài ală ồng ơm tềng do kơlôi ò rgơi dòn lah Yàng Tom Trồ lơh cau chơt in kis wơl taih?

Rôma 1:28

Tài bơh bol khai ò bài đal git Yàng Tom Trồ, gen tàng Yàng Tom Trồ neh lòi bol khai jat bơta kơlôi roh lơm, mơ lơh ală bơta ò di pal lơh.

Rôma 13:11

Lơh tĕ behơ̆, bơh oh mi git tŭ tơngai do la tŭ oh mi pal guh, bañ bic tai; bơh tŭ do bơta dong klàs neh rềp mơ bol he rlau mơ tŭ bol he pa dòn òr.

I Kôrintô 4:14

Añ cih ală jơnau do ò di nàng lơh ală oh mi in ƀàssìl, mơya nàng bơto tơngkah ală oh mi be ală kòn kòñ gơboh añ jê.

I Kôrintô 6:5

Añ đơs behơ̆ tồ lơh bol mê in ƀàssìl. Behơ̆ ngan sơl la tòm oh mi ò gơs dô nă cau lơi tơl jak chài nàng rgơi cahrña digùl cau dòn sơl ơ?

I Kôrintô 8:7

Bulah behơ̆ ò di kòp nă cau git jơnau song do; mơya gơs cau neh mòng mơ rùp ràk jơl tus di tŭ do, mơ sa phan gam kơlôi be phan neh ơn rùp ràk in, mơ nùs tồr lơbơn lơño bol khai dê gơlik gơs ƀơ̆ ƀơl.

Ephesô 5:14

Gen tàng neh đơs lah: “Ơ cau lơhă bic ne, kah tĕ, Guh tĕ bơh digùl ală cau chơt, Gen Bơtau Krist rơp sòl pơnđàng hơđang mê.”

I Tesalônika 4:5

ò di jat nùs gơboh iơh bơta hàm kòñ is dê, be làng bol bơdìh la cau ò dòp git Yàng Tom Trồ,