I Kôrintô 15:3 - Sră Goh 2018

³ Bơta dờng màng sơnròp ngan, añ neh yal ală oh mi in jơnau añ kung neh dòp geh, hơ̆ la Bơtau Krist neh kong chơt bơh glài bol he dê, jat be jơnau Sră Goh;

I Kôrintô 15:3 ပူးပေါင်းရင်းမြစ်များ

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

Ejekiel 3:17

“Ơ kòn mơnus, Añ neh lơh mê in gơlik gơs dô nă cau kơp gàr hìu Israel; behơ̆ iat tĕ jơnau Añ đơs mơ ai jơnau hơ̆ bơto pơhìn Añ jê bol khai in.

Sacari 13:7

Yàng Jehôwa Gơnap Gơnoar Dờng Làm Jơh đơs lah: “Ơ đào, kah rngal tĕ tòmdră mơ cau ê belàt Añ jê, tòmdră mơ cau neh lơh jơnau tòmkơt mơ Añ! Pù lơh tĕ cau ê belàt, mơ ală belàt rơp nrah nring, mơ Añ rơp tơrwơl tê tòmdră mơ ală kòn dềt.”

Mathiơ 26:24

Kòn Mơnus lòt, jat be jơnau neh cih bơh Khai, mơya bòl glar cau do in la cau pơrlơ̆ dră di Kòn Mơnus! Chan ò deh khai la niam rlau.”

Mathiơ 26:28

bơh do la mhàm Añ, hơ̆ la mhàm bơta ho bal dê, neh tuh nàng kòp nă cau in geh toh glài.

Luka 24:25

Tŭ hơ̆ Yàng Jesu đơs lah: “Ơ cau bơrngơl gơla, gơs nùs òbat dòn jơh ală jơnau cau gơnoar hwơr neh đơs.

Jang 1:29

Ngai tơnơ̆, Jang gŏ Yàng Jesu lòt tus hơ khai gen đơs lah: “Ne, Belàt Kòn Yàng Tom Trồ dê, la Bơtau tă sang tồi glài dunnia dê.

Broă 17:2

Jat bơta òs mòng Pol tus hơ hìu jum cau Juda dê, mơ tòm pe ngai Saƀat khai tòmbơyai bal mơ bol hơ̆,

Broă 3:18

Mơya Yàng Tom Trồ neh ngui bơta hơ̆ nàng lơh gơlik di ngan jơnau Kơnràñ neh yal lài bơh bơr ală cau gơnoar hwơr lah Bơtau Krist Kơnràñ dê pal kong jê sồt.

Broă 8:32

Tap Sră Goh khai sền la be do: “Khai neh kòl cau lam be belàt lòt tus di tiah cau lơh poac, Be belàt kòn kloat di đap cau siat sơnò, Khai kung ò tŭ lơi pò bơr.

Rôma 3:25

Yàng Tom Trồ neh bơtào Kơnràñ lơh gơs phan ơn tơwài glài, ai cau lơi in dòn tòm mhàm Kơnràñ, bơta do neh ràng tơlik bơta song ring Yàng Tom Trồ dê, bơh Kơnràñ neh ai nùs ơt ơl mơ ò kòp ală glài neh tìs yau òr;

Rôma 4:25

Kơnràñ neh kòl bơtào nàng kong chơt bơh tồi glài bol he dê, mơ kis wơl nàng bol he in geh kòp la song ring mơ Yàng Tom Trồ.

I Kôrintô 11:2

Añ jòng ro oh mi tài bơh oh mi kah añ sùm tòm jơh ală bơta mơ prap gàr ală jơnau añ neh bơto sồr oh mi.

I Kôrintô 11:23

Bơh ală jơnau añ neh yal oh mi in la jơnau añ neh dòp bơh Yàng, hơ̆ la tòm mang Yàng Jesu neh kong cau pơrlơ̆ dră, gen Kơnràñ ai piang lă,

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

Galati 1:12

bơh añ ò dòp mơ kung ò bơtê Jơnau Niam hơ̆ bơh dô nă cau lơi, mơya neh dòp geh bơh jơnau yal tơlik Yàng Jesu Krist dê.

Galati 1:4

la Bơtau neh phi să bơh tồi glài bol he dê, nàng dong tă bol he klàs bơh rài iơh do, jat be nùs kòñ Yàng Tom Trồ la Bèp bol he dê.

Galati 3:13

Bơtau Krist neh tơwài bol he lik klàs bơh bơta srat sơntơm bơta boh lam dê, Kơnràñ neh tài bơh bol he mơ gơlik gơs bơta srat sơntơm, bơh neh cih lah: “Pal srat ngan di cau lơi kong yồng hơđang chi pơng,”

Ephesô 1:7

Tòm Kòn hơ̆ bol he geh bơta tơwài glài bơh mhàm Kơnràñ dê, geh toh ală bơta tìs glài bol he dê, jat bơta nđàc dờng ngan Yàng Tom Trồ dê,

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

Hebrơ 5:1

Kòp nă cau gơnoar dờng lam bồ ơn phan duh khoai geh sac bơh digùl jơi kòn mơnus, mơ geh pồ bơtào bơh jơi kòn mơnus nàng duh broă Yàng Tom Trồ, tồ ơn phan pơdơng mơ phan ơn duh khoai bơh tồi glài.

Hebrơ 5:3

Mơ tài bơh să tòm khai la lơbơn lơño, khai pal ơn phan duh khoai bơh tồi glài să tòm khai dê, kung be bơh tồi glài làng bol dê sơl.

I Pier 1:11

Bol khai sơwì tồ git tŭ lơi, mơ mbe lơi bơta hơ̆ rơp tus. Do la bơta mơ Hwềng Bơtau Krist dê ơm tòm bol khai neh sơnio, đơs lài bơh bơta jê sồt bòl glar Bơtau Krist pal kong mơ bơh bơta gơklŏ jat tơnơ̆.

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.

I Jang 2:2

Să tòm Kơnràñ la phan ơn tơwài glài bol he dê, ò di mìng bơh tồi glài bol he dê lơm ò, mơya kung bơh tồi glài jơh dunnia tai sơl.

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,