I Kôrintô 15:2 - Sră Goh 2018

² Dilah oh mi prap kơ̆ jơnau añ neh bơto yal oh mi in, gen oh mi kung kơnòm di Jơnau Niam hơ̆ mơ geh dong klàs, dilah ò, gen bơta dòn oh mi dê la ò kwơ.

I Kôrintô 15:2 ပူးပေါင်းရင်းမြစ်များ

Jơnau Pơnđik 23:23

Blơi tĕ jơnau song, bơta jak chài, bơta bơto pơndòm, mơ bơta àng jak; bañ tŭ lơi tac gơ.

Jơnau Pơnđik 3:1

Ơ kòn añ jê, bañ hŭi jơnau añ bơto, Mơya nùs kòn pal prap gàr ală bơta sồr lam añ jê;

Jơnau Pơnđik 4:13

Sơmbat kơ̆ tĕ ală jơnau bơto sồr, bañ sang lòi; Kơrmap gàr gơ, bơh gơ la bơta kis kòn dê.

Luka 8:13

Ală gar rung di lŭ la ală cau kơno jơnau Yàng, gen hòn chò dòp mo; mơya bol khai ò gơs ryas, mìng dòn ing lơm, dơ̆ gơtìp bơta gơlòng bòl glar ơniai gen gơtơnruc mo.

Broă 2:47

jòng ro Yàng Tom Trồ mơ geh niam nùs jơh làng bol. Kòp ngai Yàng bơtơl tai tòm bol khai ală cau geh dong klàs.

Broă 8:13

Să tòm Simôn kung dòn sơl, mơ tòm tŭ neh gơs ƀaptem rau, gen ơm tơn bal mơ Philip; khai gŏ ală tềl krơi mơ ală bơta crih crài dờng neh lơh gơs, gen ai lơh crih crài.

Rôma 1:16

Ngan behơ̆, añ ò ƀàssìl bơh Jơnau Niam ò, bơh la gơnap gơnoar Yàng Tom Trồ dê nàng dong klàs kòp nă cau dòn, lài la cau Juda, tơnơ̆ la cau Grek.

Rôma 11:22

Behơ̆ sền tĕ bơta kơ̆ dơn mơ bơta kràñ cê Yàng Tom Trồ dê; bơta kràñ cê gơwèt hơ cau neh gơtup tìs, ai bơta kơ̆ dơn gơwèt hơ mê, mìng la mê kư̆ ơm tòm bơta kơ̆ dơn Kơnràñ dê; dilah ò behơ̆ gen mê kung rơp gơkòl koh sơl.

I Kôrintô 1:18

Bơh bơta bơto yal bơh chi pơng gơwèt mơ ală cau roh rui, bơta hơ̆ la tùl gơla, mơya gơwèt mơ bol he la cau geh dong klàs, bơta hơ̆ la gơnap gơnoar Yàng Tom Trồ dê.

I Kôrintô 1:21

Bơh di tŭ bơta jak chài Yàng Tom Trồ dê, dunnia ò git Yàng Tom Trồ bơh bơta jak chài is bol khai dê. Sơlơ̆u wơl, Yàng Tom Trồ lơh nền ngui bơta geh kòp la tùl gơla jơnau bơto yal bol he dê nàng dong klàs ală cau dòn.

I Kôrintô 11:2

Añ jòng ro oh mi tài bơh oh mi kah añ sùm tòm jơh ală bơta mơ prap gàr ală jơnau añ neh bơto sồr oh mi.

I Kôrintô 15:14

mơ dilah Bơtau Krist neh ò geh kis wơl, gen bơta bơto yal bol hi dê gơlik ò kwơ, mơ bơta dòn oh mi dê kung ò kwơ sơl.

II Kôrintô 2:15

Bơh bol hi la ƀô bơlhu Bơtau Krist dê neh ơn Yàng Tom Trồ in, ơm digùl cau geh dong klàs mơ ơm digùl cau kòl roh rui;

II Kôrintô 6:1

Bơh bol hi lơh broă bal mơ Yàng Tom Trồ, gen dan oh mi bañ dòp leng bơta nđàc Yàng Tom Trồ dê dô bă ò kwơ.

Galati 3:4

Oh mi neh git làm oă bơta bòl glar dô bă ò kwơ behơ̆ sơl ơ? Ngan la ò kwơ.

Ephesô 2:8

Oh mi geh dong klàs kơnòm di bơta nđàc mơ bơh bơta dòn, bơta hơ̆ ò di bơh oh mi ò, mơya la bơta ai gòi Yàng Tom Trồ dê;

Kôlôse 1:23

Mìng la oh mi kư̆ ơm tòm bơta dòn, kơ̆ cê, ò gơlơnggac lơnggơr, ò gơtơrđeh bơh bơta gơn kơnòm tòm Jơnau Niam mơ oh mi neh kơno, gơ neh geh bơto yal digùl jơh ală làng bol hơđơm trồ; să tòm añ la Pol kung neh geh lơh gơs cau gơnoar duh broă Jơnau Niam hơ̆ dê.

II Tesalônika 2:15

Behơ̆ tàng, ơ oh mi, ơm kơ̆ tĕ, prap gàr kơ̆ tĕ ală jơnau bol hi neh bơto sồr oh mi in, ƀà mơ jơnau đơs, ƀà mơ sră pơyoa bol hi dê.

II Timôthe 1:9

Hơ̆ la Bơtau neh dong klàs bol he, neh hòi sac bol he mơ bơta hòi sac sàng goh, ò di jat broă lơh bol he dê, mơya jat nùs kòñ Kơnràñ neh lơh nền, mơ bơta nđàc neh ai bol he in tòm Yàng Krist Jesu lài mơ tŭ òhềt gơs trồ tiah,

Hebrơ 10:23

Bol he pal prap kơ̆ bơta gơn kơnòm mơ bol he neh gơs nàng gơ ò lơnggơr, bơh Yàng Tom Trồ neh ho pơgon la Bơtau lơh jat jơnau ho Kơnràñ dê.

Hebrơ 2:1

Gen tàng, bol he sơlo pal ơn nùs kơlôi nền cê di ală bơta he neh kơno, rngòt bol he kòl pơrdô mòn.

Hebrơ 3:14

Bơh dilah bol he prap kơ̆ nùs dòn nền bơh sơnròp bol he dê jơl tus di lồi dut, gen bol he gơlik gơs cau gơs pơnah tòm Bơtau Krist,

Hebrơ 3:6

Mơya Bơtau Krist dòn song be kòn klau at bồ hìu Yàng Tom Trồ dê; mơ bol he la hìu Kơnràñ dê, dilah bol he prap kơ̆ nùs dòn nền mơ bơta jòng să bơh bơta gơn kơnòm bol he dê.

Hebrơ 4:14

Behơ̆ tàng, bơh bol he gơs cau gơnoar dờng lam bồ ơn phan duh khoai neh lòt gan ală tap trồ, hơ̆ la Yàng Jesu Kòn Yàng Tom Trồ dê, gen bol he pal prap kơ̆ jơnau bol he neh dòn dòp.

Jakơ 2:14

Ơ oh mi añ jê, dilah cau lơi đơs lah he gơs bơta dòn, mơya ò gơs broă lơh, gen ñchi kwơ taih? Bơta dòn hơ̆ rgơi dong klàs cau hơ̆ sơl?

Jakơ 2:17

Bơta dòn kung behơ̆ sơl: Dilah bơta dòn ò gơs broă lơh gen gơ chơt is gơ dê.

Jakơ 2:26

Poac să ò gơs nhơm tă gen chơt, bơta dòn ò gơs broă lơh kung chơt behơ̆ sơl.