I Kôrintô 14:4 - Sră Goh 2018

⁴ Cau lơi đơs jơnau đơs ndai la bơt bơtào să tòm he in, mơya cau lơi đơs hwơr la bơt bơtào Hìu Jum Goh in.

I Kôrintô 14:4 ပူးပေါင်းရင်းမြစ်များ

Jơnau Niam Jat Mak 16:17

Ală cau dòn rơp geh ală tềl krơi do: Bol khai rơp ai sơnđan Añ mơ bơtrơh cà, ngui jơnau đơs pa nàng đơs,

Rôma 14:19

Behơ̆, bol he jòi jat tĕ bơta lơh cau in gơtòmsòr mơ bơt bơtào bal mơ gơp.

I Kôrintô 12:10

Yàng Hwềng ai cau do in gơnap gơnoar lơh broă crih crài, cau ne bơto yal jơnau Yàng Tom Trồ, cau dă git kơlôi cah is ală hwềng, cau ndai rgơi git oă jơnau đơs ndai, mơ cau ndai tai rgơi git sơpơ̆bơr ală jơnau hơ̆.

I Kôrintô 12:28

Yàng Tom Trồ neh bơtào rơndap tòm Hìu Jum Goh, sơnròp la cau gơnoar bơto dờng, bàr la cau gơnoar hwơr, pe la cau bơto sồr, gen tus di cau lơh broă crih crài, tus di cau geh bơta ai gòi bơta sơmbòi kòp jê, mơ dong kòl, at bồ, mơ git oă jơnau đơs ndai.

I Kôrintô 13:1

Bulah añ đơs ală jơnau đơs kòn mơnus mơ cau gơnrơh dê, mơ dilah ò gơs bơta kòñ gơboh, gen añ gơlik gơs kung be cing ntas hala mồng nggồr.

I Kôrintô 13:2

Bulah añ geh bơta ai gòi đơs hwơr mơ git jơh ală bơta ndơp ndơr mơ jơh ală bơta git jak, bulah añ gơs bơta dòn dờng tian gơs sồr mơnơm ntruñ kung di sơl, mơ dilah ò gơs bơta kòñ gơboh gen añ gơlik ò kwơ.

I Kôrintô 14:12

Oh mi kung behơ̆ sơl, bơh oh mi jơh nùs kơp kòñ bơta ai gòi đah hwềng, gen jòi tĕ tồ geh tơngkah tơngkañ nàng bơt bơtào Hìu Jum Goh.

I Kôrintô 14:22

Behơ̆, ală jơnau đơs ndai la tềl sơnio, ò di cau dòn Yàng in mơya cau ò dòn in; mơya jơnau đơs hwơr la tềl sơnio, ò di cau ò dòn in mơya cau dòn Yàng in.

I Kôrintô 14:26

Ơ oh mi, mbe pal lơh taih? Tòm tŭ oh mi pơjum, cau lơi gơs bơta đơs crih, bơta bơto sồr, bơta yal tơlik jơnau ndơp, jơnau đơs ndai hala bơta sơpơ̆bơr, gen lơh tĕ jơh ală bơta nàng geh bơt bơtào Hìu Jum Goh.

I Kôrintô 14:3

Mơya cau lơi đơs hwơr gen đơs mơ cau nàng geh bơt bơtào, bơto tơngkah mơ pơndòm pơniang.

I Kôrintô 14:5

Añ kòñ jơh ală oh mi đơs jơnau đơs ndai, mơya añ kòñ rlau tai oh mi đơs hwơr. Cau đơs hwơr la dờng rlau mơ cau đơs jơnau đơs ndai, mìng dilah gơs cau sơpơ̆bơr, nàng bơt bơtào Hìu Jum Goh in.