I Kôrintô 14:2 - Sră Goh 2018

² Bơh cau lơi đơs jơnau đơs ndai, ò di đơs mơ kòn mơnus, mơya đơs mơ Yàng Tom Trồ; ò gơs cau lơi git wă, bơh hơ̆ la cau bơh Yàng Hwềng mơ đơs ală bơta ndơp ndơr.

I Kôrintô 14:2 ပူးပေါင်းရင်းမြစ်များ

Sơnròp Gơlik Gơs 11:7

Behơ̆, Bol He mù lă, nàng lơh sơlồng sơlàng jơnau đơs bol khai dê, nàng bol khai in ò tòm wă jơnau đơs cau do mơ cau ne.”

Sơnròp Gơlik Gơs 42:23

Mơ Jôsep ngui dô nă cau sơpơ̆bơr nàng tòmbơhbơr mơ ală bi khai, gen tàng bol khai tồnlah Jôsep ò git wă jơnau đơs bol khai dê.

II Ală Bơtau 18:26

Gen Eliakim kòn klau Hilkia, Sepna, mơ Jôa, đơs mơ Rapsake lah: “Đơs tĕ mơ ală dĭ gơna ồng tòm jơnau đơs Aram dê; bơh bol hi wă jơnau đơs hơ̆. Bañ đơs mơ bol hi tòm jơnau đơs Juda rngòt làng bol ơm hơđang dơrñang ƀòn kơno.”

Đơs Crih 78:2

Añ rơp pò bơr đơs jơnau pơnyơu; Añ rơp đơs ală jơnau ndơp ndơr rài yau dê,

Mathiơ 13:11

Kơnràñ ho lah: “Neh ai bol mê in git ală bơta ndơp ndơr lơgar đang trồ dê, mơya ò ai bol khai in.

Jơnau Niam Jat Mak 16:17

Ală cau dòn rơp geh ală tềl krơi do: Bol khai rơp ai sơnđan Añ mơ bơtrơh cà, ngui jơnau đơs pa nàng đơs,

Jơnau Niam Jat Mak 4:11

Yàng Jesu ho lah: “Neh ai bol mê in bơta ndơp ndơr lơgar Yàng Tom Trồ dê, mơya gơwèt mơ cau ndai la ală cau bơdìh gen ngui jơnau pơnyơu nàng bơto sồr ală bơta.

Broă 10:46

bơh ală cau dòn Yàng hơ̆ kơno bol khai đơs jơnau đơs ndai mơ jòng ro Yàng Tom Trồ.

Broă 19:6

Tòm tŭ Pol neh ơn tê hơđang bol khai, gen gơs Yàng Hwềng Goh mù rơp hơđang bol khai, mơ ai bol khai in đơs jơnau đơs ndai mơ đơs hwơr.

Broă 22:9

Ală cau lòt bal mơ añ gŏ bơta àng dờng hơ̆, mơya bol khai ò kơno jơnau Bơtau đơs mơ añ.

Rôma 16:25

Jòng ro Yàng Tom Trồ gơs gơnoar lơh kơ̆ nền bơta dòn oh mi dê, jat Jơnau Niam añ bơto yal bơh Yàng Jesu Krist, jat bơta yal tơlik bơta ndơp ndơr la jơnau song, la bơta neh pồn ndơp tòm ală rài yau òr,

I Kôrintô 12:10

Yàng Hwềng ai cau do in gơnap gơnoar lơh broă crih crài, cau ne bơto yal jơnau Yàng Tom Trồ, cau dă git kơlôi cah is ală hwềng, cau ndai rgơi git oă jơnau đơs ndai, mơ cau ndai tai rgơi git sơpơ̆bơr ală jơnau hơ̆.

I Kôrintô 12:28

Yàng Tom Trồ neh bơtào rơndap tòm Hìu Jum Goh, sơnròp la cau gơnoar bơto dờng, bàr la cau gơnoar hwơr, pe la cau bơto sồr, gen tus di cau lơh broă crih crài, tus di cau geh bơta ai gòi bơta sơmbòi kòp jê, mơ dong kòl, at bồ, mơ git oă jơnau đơs ndai.

I Kôrintô 13:1

Bulah añ đơs ală jơnau đơs kòn mơnus mơ cau gơnrơh dê, mơ dilah ò gơs bơta kòñ gơboh, gen añ gơlik gơs kung be cing ntas hala mồng nggồr.

I Kôrintô 13:2

Bulah añ geh bơta ai gòi đơs hwơr mơ git jơh ală bơta ndơp ndơr mơ jơh ală bơta git jak, bulah añ gơs bơta dòn dờng tian gơs sồr mơnơm ntruñ kung di sơl, mơ dilah ò gơs bơta kòñ gơboh gen añ gơlik ò kwơ.

I Kôrintô 14:16

Dilah ò behơ̆, dilah mê mìng ai hwềng nùs mơ ưnngài, gen cau nggui tềng hơ̆ ò git wă jơnau mê đơs la ñchi, gen mbe khai git wă jơnau ưnngài mê dê mơ đơs “Amen” taih?

I Kôrintô 14:26

Ơ oh mi, mbe pal lơh taih? Tòm tŭ oh mi pơjum, cau lơi gơs bơta đơs crih, bơta bơto sồr, bơta yal tơlik jơnau ndơp, jơnau đơs ndai hala bơta sơpơ̆bơr, gen lơh tĕ jơh ală bơta nàng geh bơt bơtào Hìu Jum Goh.

I Kôrintô 15:51

Do añ yal oh mi in dô bơta ndơp ndơr: Bol he ò bic jơh, mơya jơh ală bol he rơp geh gơlik gơs să pa,

I Kôrintô 2:10

Ală bơta hơ̆ Yàng Tom Trồ neh yal tơlik gan di Yàng Hwềng Goh; bơh Yàng Hwềng sền sơwì jơh ală bơta, bulah bơta jrô ndơp Yàng Tom Trồ dê.

I Kôrintô 2:7

mơya bol hi bơto yal bơta jak chài, ndơp ndơr neh geh Yàng Tom Trồ pồn ndơp, hơ̆ la bơta neh geh Yàng Tom Trồ lơh nền lài ală rài in nàng ai bơta gơklŏ bol he in.

Ephesô 6:19

Kung hòi dan tĕ añ in, nàng añ in gơs bơta chài đơs, khin cha pò bơr nàng yal tơlik bơta ndơp ndơr Jơnau Niam dê.

Yal Wơl 28:49

Yàng Jehôwa rơp cèng tus dô nơm làng bol bơh di tiah ngài lòt tus tòmdră mơ bol mê, bơh di ală tiah lồi plai ù, kung be dô nơm sềm klàng bung bơh đang par mù tus hơđơm, dô nơm làng bol mơ bol mê ò git wă jơnau đơs bol khai dê,

Kôlôse 2:2

tồ kơnòm di bơta geh gơtòmklac bal tòm bơta kòñ gơboh mơ bol khai geh kơ̆ nùs, tian gơs tus hơ bơta lìu làc tòm bơta git wă nền cê, mơ tòm bơta dòp git bơta ndơp ndơr Yàng Tom Trồ dê, hơ̆ la Bơtau Krist,

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

I Timôthe 3:9

mơya pal kơrmap gàr bơta ndơp ndơr bơta dòn dê bal mơ nùs tồr sàng goh.

Yal Tơlik 10:7

mơya tus di ală ngai cau gơnrơh dơ̆ poh rơp uh kơlwòk, gen bơta ndơp ndơr Yàng Tom Trồ dê pal gơlik di ngan, jat be jơnau Kơnràñ neh yal mơ ală dĭ gơna Kơnràñ dê la ală cau gơnoar hwơr.