I Kôrintô 13:5 - Sră Goh 2018

⁵ ò lơh tìs jơnau, ò jòi cồng nha is, ò mhar gơjrañ, ò kah prap bơta tìs;

I Kôrintô 13:5 ပူးပေါင်းရင်းမြစ်များ

II Samuel 10:3

ală kwang at bồ cau Ammôn đơs mơ Hanun, cau tòm bol khai dê lah: “Ồng kơlôi ngan lah Dabit sồr ală cau tus mơ ồng nàng tòmpà bơta moat jrùng la tài bơh khai ki ngàm di bèp ồng dê ơ? Dabit ò di neh sồr bol khai tus hơ ồng nàng sền sơwì ƀòn dờng mơ rwang còp gơ nàng phà tơnroh gơ ò ơ?”

Sră Jop 21:27

Do, añ git ală bơta kơlôi sơnơng oh mi dê, mơ kai gơrmơ̆i mơ oh mi kòñ lơh iơh di añ.

Jơnau Pơnđik 14:17

Cau duh nùs lơh lu lơh sơnrang; Mơ cau bơtào kai gơrmơ̆i kong gơjrañ.

Esai 3:5

Làng bol rơp kong rồn bơklơn, kòp nă tòmdră mơ cau ndai, gơp ƀòn tòmdră mơ gơp ƀòn; cau pơnu rơp dờng nùs mơ cau kra, cau ò diă ò diơng ò duh rngòt cau ryŭ ryơm.

Jeremi 11:19

Ai añ, kung be belàt kòn lơbơn niam Kong tề tus hơ tiah tơnchơt, Mơ añ ò git bol khai bơtào kai tòmdră mơ añ, mơ lah: “Bol he tơnroh tĕ chi bal mơ plai, Bol he pơndut tĕ khai bơh lơgar cau kis, Tồ sơnđan khai rơp ò gam kah tai.”

Khà Làng Bol 12:3

(Mơ tai, Môise la dô nă cau pơndêt să ngan, pơndêt să rlau mơ jơh ală cau ndai ơm hơđang plai ù.)

Khà Làng Bol 16:15

Gen Môise gơhào gơjrañ ngan mơ đơs mơ Yàng Jehôwa lah: “Dan Yàng bañ dòp phan ơn duh khoai bol khai dê. Añ ò dòp phan lơi bơh di bol khai, bulah dô nơm alàng kung ò sơl, añ kung ò lơh iơh di dô nă cau lơi tòm bol khai.”

Khà Làng Bol 32:6

Môise đơs mơ ală cau Gat mơ ală cau Ruben lah: “Ală cau dô lơgar bal mơ bol mê pal lòt tòmlơh ñchi bơh tài bol mê ơm tềng do taih?

Mathiơ 5:22

Mơya Añ đơs mơ bol mê: Dilah cau lơi gơjrañ dê oh mi he, gen ò rgơi pleh dê bơta cahrña; cau lơi wàc oh mi he, gen ò rgơi pleh di Mpồl Kwang Tơrña; ai cau lơi lah sơrpah oh mi he, gen ò rgơi pleh di ồs brah tìng.

Mathiơ 9:4

Yàng Jesu git bơta kơlôi bol khai dê gen đơs lah: “Ñchi bơh tài bol mê kơlôi sơnơng iơh tòm nùs behơ̆ taih?

Jơnau Niam Jat Mak 3:5

Tŭ hơ̆ Kơnràñ sền làm di bol khai, gơjrañ mơ moat tài bơh nùs bol khai kră kơldang mơ tìs nrah, lồc behơ̆ Kơnràñ đơs mơ cau klau lah: “Pò tĕ tê mê dê.” Gen khai pò tê mơ gơ bòi.

Luka 7:39

Cau Pharisi neh jà Kơnràñ gŏ behơ̆ gen kơlôi òm lah: “Dilah cau do la cau gơnoar hwơr gen git cau ùr ƀư dê să khai la ñcau mơ la cau mbe lơi, bơh khai la cau glài.”

I Kôrintô 10:24

Bañ gơs cau lơi jòi bơta cồng nha is he in, mơya pal jòi tĕ bơta cồng nha cau ndai in.

I Kôrintô 10:33

Kung be añ, lơh niam nùs jơh ală cau tòm jơh ală bơta, ò di jòi cồng nha is añ in, mơya jòi cồng nha oă cau in, nàng bol khai geh dong klàs.

I Kôrintô 11:18

Lài ngan añ kơno lah tòm tŭ oh mi pơjum tòm Hìu Jum Goh, gen gơs bơta cah is mpồl digùl oh mi; añ kung dòn dô êt bơh bơta hơ̆.

I Kôrintô 12:25

nàng ò gơs bơta cah is tòm să jan; pơrlơ̆ wơl, ală pơnah pal kơlôi rcang bal mơ gơp.

I Kôrintô 7:36

Dilah cau lơi kơlôi khai lơh bơta ò di pal gơwèt mơ cau ơruh neh ho bau mơ khai, dilah gơs bơta gơchồl tòm nùs khai, mơ gơs bơta lơi pal lơh, gen lòi tĕ bol khai tòmbau, bơta hơ̆ ò di la glài.

II Kôrintô 5:19

Bơh Yàng Tom Trồ neh ơm tòm Bơtau Krist, lơh dunnia in gơtòmsòr wơl mơ Kơnràñ, ò kòp bơta tìs glài bol khai dê bơh yau òr, mơ neh jào bol hi in gơnoar broă lơh cau in gơtòmsòr wơl.

Galati 5:13

Ơ oh mi, oh mi neh geh hòi sac lòt tus hơ bơta khat gơboh, mơya bañ ai bơta khat gơboh hơ̆ lơh kai oh mi in lơh jat poac să, mơya ai tĕ nùs kòñ gơboh duh broă bal mơ gơp.

Philip 2:21

bơh cau lơi kung jòi cồng nha is he dê, mơ ò jòi cồng nha Yàng Jesu Krist in.

Philip 4:8

Lồi tơnơ̆, ơ oh mi, dilah bơta lơi song ngan, bơta lơi màng ryŭ; bơta lơi song ring, bơta lơi sàng goh, bơta lơi pal kòñ gơboh, bơta lơi gơs pơnro niam, dilah gơs bơta kơ̆ dơn lơi, dilah gơs bơta lơi pal jòng ro, gen oh mi pal kơlôi sơnơng tĕ di ală bơta hơ̆.

II Tesalônika 3:7

Bơh să tòm oh mi git mbe pal đòm jat bol hi, bơh bol hi ò tŭ lơi lơh lòt ală alai digùl oh mi.

II Timôthe 2:10

Behơ̆ tàng tài bơh ală cau neh geh sac rwah mơ añ kong jơh ală bơta, tồ bol khai in kung geh bơta dong klàs tòm Yàng Krist Jesu, bal mơ bơta gơklŏ gam sùm sùm.

II Timôthe 4:16

Tòm tŭ añ tò să añ dơ̆ sơnròp, ò gơs cau lơi ơm dô đah bal mơ añ, jơh ală cau sang lòi añ lơm. Dan glài hơ̆ ò tuh hơđang bol khai!

Jakơ 1:19

Ơ oh mi kòñ gơboh añ jê, oh mi pal git bơta do: Kòp nă cau pal mhar iat, òbat đơs, mơ òbat gơjrañ;