I Kôrintô 13:4 - Sră Goh 2018

⁴ Bơta kòñ gơboh gơs bơta kong ơt mơ kơ̆ dơn, bơta kòñ gơboh ò ƀoah gơjrañ, bơta kòñ gơboh ò jòng să mơ ò pơnhừ să,

I Kôrintô 13:4 ပူးပေါင်းရင်းမြစ်များ

Sơnròp Gơlik Gơs 30:1

Dơ̆ Racel gŏ khai ò deh kòn Jakôp in, gen khai ƀoah di bi ùr khai, mơ đơs mơ Jakôp lah: “Ai tĕ añ in kòn, dilah ò gen añ chơt.”

Sơnròp Gơlik Gơs 37:11

Ală bi khai ƀoah gơjrañ di khai, mơya bèp ò hŭi bơta hơ̆.

Nehemi 9:17

bol khai ò bài dòn bơr mơ kung ò kah ală broă crih crài mơ Kơnràñ neh lơh digùl bol khai. Mơya tòm bơta pơrlơ̆ dră bol khai dê, neh sac rwah dô nă cau nàng lam bol khai rê wơl hơ tiah ơm dĭ bol khai dê. Mơya Kơnràñ la Yàng Tom Trồ rcang sir nàng toh glài, gơs bơta nđàc mơ bơta nđàc sơngit, òbat gơhào gơjrañ mơ bềng bơta kòñ gơboh. Kơnràñ neh ò sang lòi bol khai.

Đơs Crih 10:5

Ală gùng dà khai dê geh bơtoah bơtoài sùm; Bơta cahrña Yàng dê jòng ngan, mat khai ò rgơi sền gŏ; Khai sền òsơp di jơh ală cau sò tơm di khai.

Jơnau Pơnđik 10:12

Bơta gơjrañ mañ gơlik bơta tòmlah tòmring; Ai nùs kòñ gơboh pồn ndơp jơh ală bơta tìs.

Jơnau Pơnđik 13:10

Bơta pơnhừ să tơnggơs bơta tòm pơndang bal; Ai bơta jak chài ơm mơ cau dòp jơnau bơto tơngkah.

Jơnau Pơnđik 17:14

Sơntòm bơta tòmpìt tòmhà, be cau pò gùng dà in hòr; Dơh wơl lài mơ tŭ gơs bơta pơndang bal.

Jơnau Pơnđik 17:9

Cau lơi jơm ndơp bơta tìs glài jòi jat bơta kòñ nđàc; Ai cau lơi tơngkah wơl bơta tìs lơi gen cah is cau bơyô đềt mềr.

Jơnau Pơnđik 19:22

Nùs dòn song lơh cau in kòñ gơboh he; mơ rƀah niam rlau mơ cau đơs blac.

Jơnau Pơnđik 31:20

Khai pò tơlik tê khai dê dong kòl cau rƀah, pò tê he dong kòl cau siơ̆u siar.

Jơnau Pơnđik 31:26

Khai pò bơr dô bă jak chài, mơ bơta bơto mơ bơta lơbơn niam ơm di lơmpiat khai.

Cau Bơto 10:4

Dilah cau at bồ gơhào gơjrañ mơ mê gen bañ lik bơh tiah ơm mê dê; bơh bơta ring ngềt kơryan bơta tìs tòm glài dờng.

Mathiơ 27:18

Bơh Pilat git loh bol hơ̆ bơtào Kơnràñ bơh nùs ƀoah gơjrañ.

Broă 7:9

Ală ồng pàng hơ̆ ƀoah gơjrañ di Jôsep, behơ̆ tàng tac khai hơ lơgar Ejiptơ; mơya Yàng Tom Trồ ơm bal mơ khai,

Rôma 1:29

Bol khai bềng lìu jơh ală bơta ò song ring, iơh bơsak, hàm hà, bih khih, bềng nùs ƀoah gơjrañ, tơnchơt cau, tòmpìt tòmhà, lac lèo, iơh rmơh,

Rôma 13:13

Lơh lòt tĕ dô bă song be digùl ngai. Bañ ñô sa bơñul lơmbè mơ rui ràm, dri tơlàr mơ lơh gơlềng gơlàng, tòm pơndang bal mơ ƀoah gơjrañ.

I Kôrintô 3:3

bơh oh mi gam la cau kis jat poac să; bơh tòm oh mi gơs bơta ƀoah mơ tòm pơndang, gen oh mi ò di cau jat poac să mơ lơh lòt kung be cau rài do ò ơ?

I Kôrintô 4:18

Mơ tai, gơs dô êt cau tòm oh mi jòng să he, tồnlah añ ò lòt tus hơ oh mi tai.

I Kôrintô 4:6

Ơ oh mi, tài bơh oh mi tàng añ neh ngui ală bơta do nàng sơnio bơh añ mơ Apôlôs, nàng oh mi bơtê bơh bol hi gơtha jơnau đơs lah: “Bañ sơrlèt rlau mơ jơnau neh cih;” nàng ò gơs dô nă cau lơi tòm oh mi jòng să bơh cau do mơ tòmdră mơ cau ne.

I Kôrintô 5:2

Mơ oh mi gam jòng să he taih? Chan oh mi moat jrùng la niam rlau, mơ cau neh tìs glài hơ̆ pal tă tơlik bơh digùl oh mi.

I Kôrintô 8:1

Gơwèt hơ phan ơn duh khoai rùp ràk, ngan behơ̆ be cau òs đơs: “kòp nă bol he gơs bơta git jak.” Bơta git jak lơh he in jòng is să he, ai bơta kòñ gơboh gen bơt bơtào.

II Kôrintô 12:20

Bơh añ rngòt lah dơ̆ añ lòt tus, gen gŏ oh mi ò di be añ kơp kòñ, oh mi gŏ añ kung ò di be oh mi neh kơp kòñ. Añ rngòt tai lah gam gơs bơta tòm pơndang, ƀoah, gơjrañ kơuềng, cah is mpồl, đơs joh, jak đơs iơh, jòng să, nggồr nggàc tai mòn.

II Kôrintô 6:6

tòm bơta ơm sàng goh, bơta git jak, bơta kong ơt, bơta kơ̆ dơn, tòm Yàng Hwềng Goh, nùs kòñ gơboh song ngan,

Galati 5:26

Bañ jòi jat bơta tiơng pơnro màng ryŭ ò kwơ nàng tòm bơrcek bal mơ ƀoah gơjrañ bal.

Ephesô 4:2

Tòm ală bơta pal pơndêt să, niam lơnhơn, ơt ơl, ai nùs kòñ gơboh mơ kong ơt bal mơ gơp.

Ephesô 4:32

Ai tĕ bơta kơ̆ dơn, nùs nđàc sơngit ơm gơròm bal, toh glài bal, kung be Yàng Tom Trồ neh toh glài oh mi tòm Bơtau Krist behơ̆ sơl.

Philip 1:15

Ngan, gơs cau ƀà bơto yal bơh Bơtau Krist, la bơh nùs ƀoah gơjrañ mơ tòm pơndang, mơya kung gơs cau ƀà tai la bơh nùs niam mơ bơto yal.

Kôlôse 1:11

Kơnòm di gơnap gơnoar gơklŏ Kơnràñ dê, tồ geh tơl bơta ơt ơl mơ kong jai bơta bòl glar dô bă hòn chò;

Kôlôse 2:18

Bañ lòi cau lơi ngui bơta pơndêt să is mơ bơta duh khoai cau gơnrơh nàng kơñau phan ƀàn oh mi dê, bơh cau hơ̆ lơh jat ală bơta gơtơnggŏ khai dê, jat nùs kơlôi poac să dê mơ pơnhừ să ò bồ,

Kôlôse 3:12

Behơ̆ oh mi la cau sac rwah Yàng Tom Trồ dê, cau sàng goh mơ đềt mềr Kơnràñ dê, gen soh tĕ nùs nđàc sơngit, kơ̆ dơn, pơndêt să, niam lơnhơn, kong ơt.

I Tesalônika 5:14

Bol hi jơh nùs dan oh mi lah, bơto tơngkah tĕ ală cau ală alai, chồl bơtrut ală cau ò khin cha, dong kòl ală cau lơbơn lơño, kong ơt gơwèt mơ tơl nă cau.

I Timôthe 6:4

gen cau hơ̆ la jòng is să he, ò git wă dô êt lơi; mơya khai gơs nùs òs pơndang mơ tòm pơndang bal bơh ală jơnau đơs, tài bơh hơ̆ gơlik gơs bơta ƀoah tòmlah, tòmpìt tòmhà, bơrsèl tơnhial, pin iơh,

II Timôthe 2:25

ai bơta niam lơnhơn nàng bơto pơniam wơl ală cau jak pơrlơ̆ dră. Kơp kòñ Yàng Tom Trồ rơp ai bol khai in bơta gơjrañ sang glài nàng git wă jơnau song,

II Timôthe 3:10

Mơya mê neh sền nề bơta añ bơto sồr, bơta lơh lòt, bơta kòñ jòi jat, bơta dòn, bơta kong ơt, bơta kòñ gơboh, bơta ơt ơl,

II Timôthe 4:2

Bơto yal tĕ jơnau Yàng, bơto sùm bulah bơtoah hala ò bơtoah, bơto pơndòm, lah pơrhơng, chồl bơtrut, jơh nùs kong ơt tòm bơta bơto sồr.

Sră Pơyoa Pol Dê Pơyoa Tit In 3:3

Bơh lài òr bol he kung tùl gơla, ò dòn bơr, gơkòl cau pơrlồm, lơh gơs dĭ gơna ală bơta hàm kòñ is mơ ală bơta iơh bơsak mơ bơta tòmlah tòmring, kong cau gơjrañ kơuềng mơ kung gơjrañ kơuềng bal mơ gơp sơl.

Jakơ 4:5

Hala oh mi kơlôi Sră Goh đơs ò kwơ tòm tŭ đơs be do: “Hwềng mơ Kơnràñ neh ai ơm tòm nùs bol he, đềt mềr mơ bol he tian gơs ƀoah pơrñat.”

I Pier 2:1

Behơ̆ oh mi sang lòi tĕ jơh ală bơta iơh bơsak, ală bơta lac lèo, ală bơta ma blac, nùs ƀoah gơjrañ, mơ jơh ală đơs bơrsèl tơnhial.

I Pier 3:8

Lồi tơnơ̆, jơh tơl nă oh mi pal gơs dô nùs kơlôi bal, nđàc sơngit bal, kòñ gơboh di oh mi, gơs nùs lơbơn niam mơ pơndêt să.

I Pier 4:8

Lài ngan, kòñ gơboh tĕ bal mơ gơp dô bă đềt mềr, bơh bơta kòñ gơboh jơm ndơp ò git nđò bơta tồi glài.

II Pier 1:7

bơtơl bơta gơboh gơbài di oh mi hơđang bơta duh rngòt, bơtơl nùs kòñ gơboh hơđang bơta gơboh gơbài di oh mi.

I Jang 4:11

Ơ ală cau kòñ gơboh, dilah Yàng Tom Trồ neh kòñ gơboh di bol he oă behơ̆, gen bol he kung pal kòñ gơboh bal mơ gơp.