I Kôrintô 13:2 - Sră Goh 2018

² Bulah añ geh bơta ai gòi đơs hwơr mơ git jơh ală bơta ndơp ndơr mơ jơh ală bơta git jak, bulah añ gơs bơta dòn dờng tian gơs sồr mơnơm ntruñ kung di sơl, mơ dilah ò gơs bơta kòñ gơboh gen añ gơlik ò kwơ.

I Kôrintô 13:2 ပူးပေါင်းရင်းမြစ်များ

Mathiơ 13:11

Kơnràñ ho lah: “Neh ai bol mê in git ală bơta ndơp ndơr lơgar đang trồ dê, mơya ò ai bol khai in.

Mathiơ 17:20

Kơnràñ ho lah: “Tài bơh bol mê gơs dô êt bơta dòn. Bơh di ngan Añ đơs mơ bol mê, dilah bol mê gơs bơta dòn be dô nơm gar sơbê, gen rơp đơs mơ mơnơm do lah: ‘Ñă lòt tĕ bơh tềng do tus hơ ne,’ gen gơ lòt; mơ ò gơs bơta lơi la bol mê ò rgơi lơh.” [

Mathiơ 21:19

Kơnràñ gŏ dô tòm chi ƀal di gah gùng, lòt tus rềp mơya ò gŏ plai lơi, mìng nha lơm, gen Kơnràñ đơs mơ gơ lah: “Bơh do jơl hìng nau mê ò gơs tŭ lơi gơlik plai tai ò!” Tŭ hơ̆ chi ƀal ro mo.

Mathiơ 21:21

Yàng Jesu ho lah: “Di ngan Añ đơs mơ bol mê, dilah bol mê gơs bơta dòn mơ ò pin wil wơl dô êt lơi, gen bol mê ò di mìng rơp lơh bơta Añ neh lơh di chi ƀal lơm ò, mơ bulah bol mê đơs mơ mơnơm do lah: ‘Yò tĕ să mơ ntruñ tòm dàlềng,’ gen bơta hơ̆ kung rơp gơlik gơs ngan.

Broă 13:1

Tòm Hìu Jum Goh Antiôt gơs ală cau gơnoar hwơr mơ ală cau bơto; hơ̆ la Banaba, Simeôn sơnđan la Nije, Lusius cau Siren, Manahen la oh ròng Herôt bơtau oh dê, mơ Sol sơl.

Rôma 11:25

Ơ oh mi, añ kòñ oh mi git bơta ndơp ndơr do, nàng oh mi ò jòng să he la cau jak chài: hơ̆ la dô pơnah làng bol Israel kư̆ kơldang nùs sùm, jơl tus di tŭ lơi ntum khà làng bol bơdìh wil tơl lòt tus hơ Yàng Tom Trồ;

Rôma 15:14

Ơ oh mi añ jê, đah pơnah oh mi gen să tòm añ kung dòn nền ngan lah oh mi gơs bềng lìu bơta lơbơn niam, gơs tơl bơta git jak, mơ chài rgơi bơto tơngkah bal mơ gơp.

Rôma 16:25

Jòng ro Yàng Tom Trồ gơs gơnoar lơh kơ̆ nền bơta dòn oh mi dê, jat Jơnau Niam añ bơto yal bơh Yàng Jesu Krist, jat bơta yal tơlik bơta ndơp ndơr la jơnau song, la bơta neh pồn ndơp tòm ală rài yau òr,

I Kôrintô 11:4

Kòp nă cau klau lơi hòi dan hala đơs hwơr mơ gòm bồ gen lơh ƀàssìl bồ he.

I Kôrintô 12:28

Yàng Tom Trồ neh bơtào rơndap tòm Hìu Jum Goh, sơnròp la cau gơnoar bơto dờng, bàr la cau gơnoar hwơr, pe la cau bơto sồr, gen tus di cau lơh broă crih crài, tus di cau geh bơta ai gòi bơta sơmbòi kòp jê, mơ dong kòl, at bồ, mơ git oă jơnau đơs ndai.

I Kôrintô 13:1

Bulah añ đơs ală jơnau đơs kòn mơnus mơ cau gơnrơh dê, mơ dilah ò gơs bơta kòñ gơboh, gen añ gơlik gơs kung be cing ntas hala mồng nggồr.

I Kôrintô 13:3

Bulah añ cèng jơh ală phan mơna añ jê nàng ròng siam cau rƀah lơòi, bulah añ phi să jan nàng kong chu, mơ dilah ò gơs bơta kòñ gơboh, gen bơta hơ̆ ò gơs kwơ añ in.

I Kôrintô 13:8

Bơta kòñ gơboh ò gơs tŭ lơi jơh, bulah bơta ai gòi đơs hwơr rơp jơh, bulah ală jơnau đơs ndai rơp rlau, bulah bơta git jak rơp lồi.

I Kôrintô 14:29

Dilah gơs cau đơs hwơr gen lòi mìng bàr nă hala pe nă đơs lơm, ai ală cau ne pal sền sơwì.

I Kôrintô 14:39

Behơ̆, ơ oh mi jơh nùs tĕ kơp kòñ đơs hwơr, mơ kung bañ bơkơŭ đơs jơnau đơs ndai.

I Kôrintô 14:4

Cau lơi đơs jơnau đơs ndai la bơt bơtào să tòm he in, mơya cau lơi đơs hwơr la bơt bơtào Hìu Jum Goh in.

I Kôrintô 15:51

Do añ yal oh mi in dô bơta ndơp ndơr: Bol he ò bic jơh, mơya jơh ală bol he rơp geh gơlik gơs să pa,

I Kôrintô 16:22

Dilah cau lơi ò kòñ gơboh di Yàng, gen pal gơkòl srat rma. Yàng bol he dê tus!

I Kôrintô 4:1

Behơ̆, kòp nă sền tĕ di bol hi kung be cau duh broă Bơtau Krist dê, mơ kung be cau at bồ hìu sền gàr ală bơta ndơp ndơr Yàng Tom Trồ dê.

I Kôrintô 7:19

Bơta siat gơltau hala ò siat gơltau ò di la dờng màng; bơta dờng màng la prap gàr ală bơta sồr lam Yàng Tom Trồ dê.

I Kôrintô 8:4

Behơ̆, bơh bơta sa phan duh khoai rùp ràk, bol he git rùp ràk tòm dunnia la ò gơs ngan, gơs mìng dô nă Yàng Tom Trồ lơm.

II Kôrintô 12:11

Añ neh gơlik tùl gơla bơh oh mi rồn bơklơn añ; pal ngan la oh mi jòng ro añ sồng di, bơh bulah añ ò kwơ dô êt lơi, kung ò di gơhuc mơ ală cau gơnoar bơto dờng màng ryŭ ne dô êt lơi ò.

Galati 5:16

Behơ̆ añ đơs lah: Lòt tĕ jat Yàng Hwềng, gen oh mi ò lơh jat nùs hàm kòñ is poac să dê.

Galati 5:22

Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song,

Galati 6:3

Bơh dilah gơs cau lơi kơlôi să tòm khai la cau kwơ màng, mơya ngan khai la cau ò kwơ dô êt lơi, gen khai pơrlồm is să khai dê.

Ephesô 3:4

Oh mi sền sră hơ̆ gen rgơi git loh bơta git wă añ jê bơh bơta ndơp ndơr Bơtau Krist dê,”

Ephesô 6:19

Kung hòi dan tĕ añ in, nàng añ in gơs bơta chài đơs, khin cha pò bơr nàng yal tơlik bơta ndơp ndơr Jơnau Niam dê.

Kôlôse 1:26

hơ̆ la jơnau ndơp ndơr neh pồn ndơp bơh tòm ală rài mơ ală jơi bơtiàn, mơya tŭ do neh geh yal tơlik ală cau sàng goh Kơnràñ in.

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

I Jang 4:8

Cau lơi ò kòñ gơboh gen ò dòp git Yàng Tom Trồ; bơh Yàng Tom Trồ la bơta kòñ gơboh.