I Kôrintô 13:12 - Sră Goh 2018

¹² Tŭ do bol he sền ò loh be sền tòm krơh lu li, mơya tòm tŭ hơ̆ mat tòm toh mơ mat; tŭ do añ git ò wil tơl, mơya tòm tŭ hơ̆ añ rơp git jơh kung be Yàng neh git loh bơh añ.

I Kôrintô 13:12 ပူးပေါင်းရင်းမြစ်များ

Sơnròp Gơlik Gơs 32:30

Jakôp sơnđan tiah hơ̆ la Peniel bơh khai đơs lah: “Añ neh gŏ tòm toh mat mơ Yàng Tom Trồ mơ bơta kis añ jê gam geh dong klàs.”

Sră Jop 19:26

Mơ tơnơ̆ mơ tŭ gơltau añ neh kong tơnroh, Tòm poac să añ, añ rơp gŏ Yàng Tom Trồ;

Sră Jop 36:26

Ngan, Yàng Tom Trồ la dờng, mơ bol he ò git Kơnràñ! Khà nam Kơnràñ dê ò rgơi jòi bàn.

Lik Ejiptơ 33:11

Yàng Jehôwa tòmbơhbơr mơ Môise mat tòm toh mat kung be dô nă cau tòmbơhbơr mơ cau bơyô he. Lồc behơ̆, Môise rê wơl hơ tiah bơtào sàl làng bol dê, ai cau pơnu duh broă khai dê la Jôsue, kòn klau Nun dê, ò lik bơh di sàl.

Ejekiel 17:2

“Ơ kòn mơnus, ai tĕ dô jơnau đơs pla mơ đơs mơ hìu Israel.

Khà Làng Bol 12:8

Añ tòmbơhbơr tòm toh mat mơ khai, đơs loh làng ò đơs jơnau jrô ndơp; khai sền gŏ rùp să Yàng Jehôwa. Behơ̆ ñchi bơh tài bol mê ò rngòt đơs jơnau tòmdră mơ Môise la cau duh broă Añ taih?”

Mathiơ 18:10

“Kơrhia tĕ, bañ sền òsơp di dô nă tòm ală cau dềt do, bơh Añ đơs mơ bol mê, hơđang trồ ală cau gơnrơh bol khai dê gŏ sùm mat Bèp Añ ơm hơđang trồ. [

Mathiơ 5:8

Lơngai ală cau gơs nùs sàng goh in, bơh rơp gŏ Yàng Tom Trồ!

Jang 10:15

kung be Bèp git Añ mơ Añ git Bèp behơ̆ sơl. Añ bơh mpồl belàt mơ phi bơta kis Añ.

Rôma 8:18

Añ kòp lah ală bơta jê sồt tòm tŭ do ò di pal pơndròm mơ bơta gơklŏ rơp geh ràng tơlik bol he in.

I Kôrintô 13:11

Tòm tŭ añ gam kơnòm añ đơs kung be cau kơnòm, añ gơs nùs nhơm kung be cau kơnòm, añ kơlôi sơnơng be cau kơnòm; tòm tŭ añ neh dờng gen añ sang ală broă cau kơnòm dê.

I Kôrintô 8:3

Mơya dilah cau lơi kòñ gơboh dê Yàng Tom Trồ, gen Kơnràñ git cau hơ̆.

II Kôrintô 3:18

Bol he jơh tơl nă lòi muh mat gòi nàng pơnđàng wơl bơta àng gơklŏ Yàng dê, be tòm dô nơm krơh, gen gơlik gơs be rùp să Kơnràñ dê, bơh gơklŏ tus hơ gơklŏ, be bơh Yàng la Yàng Hwềng.

II Kôrintô 5:7

bơh bol he cơnđòa lòt bơh bơta dòn, ò di bơh mat gŏ.

Philip 3:12

Hơ̆ ò di la añ neh geh rau, hala neh tus di bơta wil tơl ò, mơya añ gam ntoat tồ sơmbat geh, bơh să tòm añ neh geh Yàng Krist Jesu sơmbat rau.

Jakơ 1:23

Bơh dilah gơs cau lơi iat jơnau Yàng mơ ò lơh jat, gen ò gơkrơi be dô nă cau ne triang muh mat he tòm krơh,

I Jang 3:2

Ơ ală cau kòñ gơboh, tòm tŭ do bol he la kòn Yàng Tom Trồ dê, ai bol he rơp gơlik gơs mbe lơi, gen bơta hơ̆ òhềt geh yal tơlik. Bol he git lah tòm tŭ Bơtau Krist tơlik să gen bol he rơp gơlik gơs tòm toh be Kơnràñ, bơh rơp gŏ Kơnràñ be Kơnràñ la Bơtau neh gơs mơ gam gơs sùm sùm.

Yal Tơlik 22:4

Bol khai rơp gŏ mat Kơnràñ, mơ di bìng liang bol khai dê gơs sơnđan Kơnràñ dê.