I Kôrintô 13:1 - Sră Goh 2018

¹ Bulah añ đơs ală jơnau đơs kòn mơnus mơ cau gơnrơh dê, mơ dilah ò gơs bơta kòñ gơboh, gen añ gơlik gơs kung be cing ntas hala mồng nggồr.

I Kôrintô 13:1 ပူးပေါင်းရင်းမြစ်များ

Đơs Crih 150:5

Tur tĕ cing ntas dờng nàng jòng ro Kơnràñ! Tur tĕ cing nggồr nàng jòng ro Kơnràñ!

Mathiơ 25:45

Kơnràñ rơp ho lah: ‘Di ngan Añ đơs mơ bol mê, tòm tŭ bol mê ò lơh broă hơ̆ mơ dô nă cau dềt rhền rlau jơh do, hơ̆ la bol mê ò lơh să tòm Añ in.’

Jơnau Niam Jat Mak 16:17

Ală cau dòn rơp geh ală tềl krơi do: Bol khai rơp ai sơnđan Añ mơ bơtrơh cà, ngui jơnau đơs pa nàng đơs,

Rôma 14:15

Dilah bơh phan sa mơ mê lơh oh mi he in moat jrùng, gen mê ò tai lơh lòt jat bơta kòñ gơboh ò. Bañ tài bơh phan sa mơ lơh roh rui cau mơ Bơtau Krist neh kong chơt ala.

I Kôrintô 12:10

Yàng Hwềng ai cau do in gơnap gơnoar lơh broă crih crài, cau ne bơto yal jơnau Yàng Tom Trồ, cau dă git kơlôi cah is ală hwềng, cau ndai rgơi git oă jơnau đơs ndai, mơ cau ndai tai rgơi git sơpơ̆bơr ală jơnau hơ̆.

I Kôrintô 12:16

Dilah tồr đơs lah: “Tài bơh añ ò di la mat, gen tàng añ ò di bal mơ să,” gen ò di bơh bơta hơ̆ mơ tồr ò di bal mơ să.

I Kôrintô 12:8

Behơ̆, cau do kơnòm di Yàng Hwềng ai bềng jơnau jak chài, cau ne kơnòm di Yàng Hwềng hơ̆ ai bềng jơnau git jak,

I Kôrintô 13:8

Bơta kòñ gơboh ò gơs tŭ lơi jơh, bulah bơta ai gòi đơs hwơr rơp jơh, bulah ală jơnau đơs ndai rơp rlau, bulah bơta git jak rơp lồi.

I Kôrintô 14:2

Bơh cau lơi đơs jơnau đơs ndai, ò di đơs mơ kòn mơnus, mơya đơs mơ Yàng Tom Trồ; ò gơs cau lơi git wă, bơh hơ̆ la cau bơh Yàng Hwềng mơ đơs ală bơta ndơp ndơr.

I Kôrintô 14:4

Cau lơi đơs jơnau đơs ndai la bơt bơtào să tòm he in, mơya cau lơi đơs hwơr la bơt bơtào Hìu Jum Goh in.

I Kôrintô 14:5

Añ kòñ jơh ală oh mi đơs jơnau đơs ndai, mơya añ kòñ rlau tai oh mi đơs hwơr. Cau đơs hwơr la dờng rlau mơ cau đơs jơnau đơs ndai, mìng dilah gơs cau sơpơ̆bơr, nàng bơt bơtào Hìu Jum Goh in.

I Kôrintô 8:1

Gơwèt hơ phan ơn duh khoai rùp ràk, ngan behơ̆ be cau òs đơs: “kòp nă bol he gơs bơta git jak.” Bơta git jak lơh he in jòng is să he, ai bơta kòñ gơboh gen bơt bơtào.

II Kôrintô 12:4

geh cèng guh tus hơ lơgar lơngap lơngai Yàng Tom Trồ dê, tềng hơ̆ khai kơno ală jơnau ò rgơi yal, mơ cau lơi kung ò geh gơnoar yal wơl sơl.

Galati 5:22

Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song,

Galati 5:6

Bơh tòm Yàng Krist Jesu, bơta siat gơltau hala ò siat gơltau kung ò gơs kwơ, mơya bơta dòn geh yal tơlik bơh broă lơh tòm bơta kòñ gơboh sồng gơs kwơ.

I Timôthe 1:5

Tơnggume bơta bơto kràñ cê hơ̆ la bơta kòñ gơboh bơh nùs sàng goh, nùs tồr niam mơ bơta dòn song ngan.

I Pier 4:8

Lài ngan, kòñ gơboh tĕ bal mơ gơp dô bă đềt mềr, bơh bơta kòñ gơboh jơm ndơp ò git nđò bơta tồi glài.

II Pier 2:18

Bol khai đơs ală jơnau blac pơrlồm nàng jòng să, ngui ală bơta hàm kòñ is poac să dê mơ bơta bung jang nàng pơndòm ơniai ală cau pa klàs bơh di ală cau lơh lòt tìs nrah.

Yal Tơlik 14:2

Añ kơno bơh đang trồ dô jơnau ntas be ntas oă dà nggồr, be ntơr kơnàs dờng; jơnau añ kơno hơ̆ gơlơh be jơnau kơñi mơ cau ơm pĕ.