I Kôrintô 12:8 - Sră Goh 2018

⁸ Behơ̆, cau do kơnòm di Yàng Hwềng ai bềng jơnau jak chài, cau ne kơnòm di Yàng Hwềng hơ̆ ai bềng jơnau git jak,

I Kôrintô 12:8 ပူးပေါင်းရင်းမြစ်များ

Nehemi 9:20

Kơnràñ kung ai bol khai in Hwềng lơbơn niam nàng bơto bol khai. Mơ ò lơh sềt pơniă ai bol khai in sa mana, mơ dà bol khai in nàng hùc rài tơhìr.

Sră Jop 32:8

Mơya hơ̆ la hwềng ơm tòm kòn mơnus, Nhơm tă Bơtau Gơnap Gơnoar Làm Jơh dê ai bơta git wă,

Đơs Crih 143:10

Dan bơto añ lơh jat nùs kòñ Yàng dê, Bơh Kơnràñ la Yàng Tom Trồ añ jê; Dan Hwềng Goh Yàng dê tề lam añ tòm gùng ring drik.

Lik Ejiptơ 31:3

mơ Añ neh ai khai in bềng lìu Hwềng Yàng Tom Trồ dê, bal mơ bơta chài rgơi, mơ git jak tòm ală broă lơh mơ tê,

Jơnau Pơnđik 2:6

Bơh Yàng Jehôwa ai gòi bơta jak chài. Bơh di bơr Kơnràñ tus bơta git jak mơ bơta git wă.

Esai 50:4

Yàng Jehôwa la Yàng Tom Trồ neh ai Añ in dô nơm lơmpiat dô nă cau bơto dê, tồ Añ in git ngui jơnau mbe lơi nàng yò đo cau bòl glar gơplơ̆ nùs. Kơnràñ pơrlai Añ kòp àng drim, Wàs tồr Añ nàng iat kung be dô nă cau geh bơto sồr.

Esai 59:21

Yàng Jehôwa đơs lah: “Đah mơ Añ, do la bơta ho bal Añ neh bơt bơtào mơ bol khai. Hwềng Añ la Bơtau ơm hơđang bol mê, mơ ală jơnau Añ neh ơn tòm bơr bol mê rơp ò lik bơh di bơr bol mê, hala bơh di bơr kòn sau bol mê, hala bơh di bơr kòn sau bol khai dê bơh tŭ do jơl tus sùm sùm,” Yàng Jehôwa đơs behơ̆.

Daniel 2:21

Yàng tòmgơl tŭ tơngai mơ kơnhai sơnam, Kơnràñ tă sang mơ pồ bơtào ală cau bơtau, Kơnràñ ai bơta jak chài cau lơi in jòi jat Kơnràñ, mơ ai bơta git wă cau àng loh in.

Mathiơ 13:11

Kơnràñ ho lah: “Neh ai bol mê in git ală bơta ndơp ndơr lơgar đang trồ dê, mơya ò ai bol khai in.

Broă 6:3

Behơ̆, dan oh mi sac tĕ tòm bơnòr he poh nă cau geh pơnro niam, bềng lìu Yàng Hwềng Goh mơ bơta jak chài, nàng bol hi rơp jào broă do bol khai in.

Rôma 15:14

Ơ oh mi añ jê, đah pơnah oh mi gen să tòm añ kung dòn nền ngan lah oh mi gơs bềng lìu bơta lơbơn niam, gơs tơl bơta git jak, mơ chài rgơi bơto tơngkah bal mơ gơp.

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

I Kôrintô 1:5

Bơh tòm jơh ală bơta oh mi neh geh pas gơs tòm Kơnràñ, tòm jơnau đơs mơ tòm jơh ală bơta git wă —

I Kôrintô 13:2

Bulah añ geh bơta ai gòi đơs hwơr mơ git jơh ală bơta ndơp ndơr mơ jơh ală bơta git jak, bulah añ gơs bơta dòn dờng tian gơs sồr mơnơm ntruñ kung di sơl, mơ dilah ò gơs bơta kòñ gơboh gen añ gơlik ò kwơ.

I Kôrintô 13:8

Bơta kòñ gơboh ò gơs tŭ lơi jơh, bulah bơta ai gòi đơs hwơr rơp jơh, bulah ală jơnau đơs ndai rơp rlau, bulah bơta git jak rơp lồi.

I Kôrintô 14:26

Ơ oh mi, mbe pal lơh taih? Tòm tŭ oh mi pơjum, cau lơi gơs bơta đơs crih, bơta bơto sồr, bơta yal tơlik jơnau ndơp, jơnau đơs ndai hala bơta sơpơ̆bơr, gen lơh tĕ jơh ală bơta nàng geh bơt bơtào Hìu Jum Goh.

I Kôrintô 14:6

Ơ oh mi, dilah añ tus hơ oh mi mơ đơs jơnau đơs ndai, mơ ò ngui bơta yal tơlik jơnau ndơp, hala bơta git jak, hala jơnau đơs hwơr, hala bơta bơto sồr mơ đơs, gen ñchi kwơ ală oh mi in taih?

I Kôrintô 2:11

Bơh digùl ală cau, ñcau rgơi git bơta kơlôi tòm nùs cau ndai dê taih? Mìng hwềng nùs ơm tòm hơ̆; kung behơ̆ sơl ò gơs cau lơi git ală bơta Yàng Tom Trồ dê, mìng Hwềng Yàng Tom Trồ dê lơm.

I Kôrintô 2:16

“Bơh ñcau neh git nùs kơlôi Yàng dê, nàng bơto Kơnràñ in taih?” Mơya bol he gơs nùs kơlôi Bơtau Krist dê.

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

II Kôrintô 11:6

Bulah jơnau đơs añ jê sền be ò jak, mơya bơta git jak añ jê ò di behơ̆: Gơpơrlơ̆ wơl, bol hi neh yal bơta hơ̆ oh mi in tòm jơh ală broă mơ jơh ală bơta.

II Kôrintô 2:14

Mơya ưnngài Yàng Tom Trồ, Kơnràñ lam bồ bol hi dô bă pha lin tòm Bơtau Krist sùm sùm, mơ bơh bol hi Kơnràñ rsìh ƀô bơlhu bơh bơta dòp git Kơnràñ làm bă tiah.

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

II Kôrintô 6:6

tòm bơta ơm sàng goh, bơta git jak, bơta kong ơt, bơta kơ̆ dơn, tòm Yàng Hwềng Goh, nùs kòñ gơboh song ngan,

II Kôrintô 8:7

Behơ̆ gen, be oh mi neh geh lin rlau tòm jơh ală broă: Bơta dòn, jơnau đơs, git jak, ngac ngar, mơ nùs kòñ gơboh gơwèt mơ bol hi, gen bol hi kung kòñ oh mi dờng ơnàng tĕ tòm broă kòñ gơboh do.