I Kôrintô 12:6 - Sră Goh 2018

⁶ Ală broă lơh ò di la ndròm bal, mơya gơs mìng dô nă Yàng Tom Trồ la Bơtau lơh jơh ală broă tòm jơh ală cau.

I Kôrintô 12:6 ပူးပေါင်းရင်းမြစ်များ

Sră Jop 33:29

Yàng Tom Trồ ngan lơh jơh ală bơta do; Bàr dơ̆, pe dơ̆ kòn mơnus in.

Jang 5:17

Mơya Yàng Jesu ho bol khai lah: “Bèp Añ lơh broă tus di tŭ do, mơ Añ kung lơh broă behơ̆ sơl.”

I Kôrintô 12:11

Mơya gơs mìng dô nă Yàng Hwềng lơh jơh ală broă hơ̆, mơ tòmpà kòp nă cau in jat nùs kòñ Kơnràñ dê.

I Kôrintô 12:5

Ală gơnoar broă ò di la ndròm bal, mơya gơs mìng dô nă Yàng.

I Kôrintô 15:28

Mơya tòm tŭ jơh ală phan neh ơn hơđơm bơta at bồ Bơtau Krist dê, gen să tòm Kơnràñ la Kòn kung rơp dòn duh Yàng Tom Trồ la Bơtau neh ơn jơh ală phan hơđơm Kơnràñ, mơ Yàng Tom Trồ rơp at bồ wil tơl hơđang jơh ală bơta.

I Kôrintô 3:7

Behơ̆ cau tam mơ cau tuh ò gơs bơta lơi, mìng Yàng Tom Trồ la Bơtau lơh gơ in hòn dờng.

Ephesô 4:6

dô nă Yàng Tom Trồ la Bèp jơh ală cau, Kơnràñ ơm hơđang jơh tơl nă, ơm digùl jơh tơl nă, mơ ơm tòm jơh tơl nă cau.

Philip 2:13

Bơh Yàng Tom Trồ la Bơtau lơh broă tòm oh mi, nàng oh mi gơs nùs kòñ mơ lơh jat bơta niam nùs Kơnràñ dê.

Kôlôse 1:29

Kung bơh bơta hơ̆ mơ añ kong bòl glar lơh broă, tòmlơh jơh nùs kơnòm di pràn Kơnràñ dê mơ Kơnràñ lơh broă tòm añ dô bă gơs gơnap gơnoar.

Kôlôse 3:11

Tềng do ò tai gơs cau Grek, cau Juda, cau siat gơltau hala cau ò siat gơltau, cau ò git jơnau, cau Sithe, cau dĭ gơna hala cau khat gơboh, mơya Bơtau Krist la jơh ală bơta mơ tòm jơh ală bơta.

Hebrơ 13:21

lơh oh mi in wil tơl tòm jơh ală broă niam nàng lơh jat nùs kòñ Kơnràñ dê, mơ kơnòm di Yàng Jesu Krist mơ lơh gơs bơta niam nùs Kơnràñ tòm oh mi. Dan bơta gơklŏ gơrê hơ Kơnràñ jơl tus sùm sùm ò lồi! Amen.