I Kôrintô 11:34 - Sră Goh 2018

³⁴ Dilah cau lơi jơgloh, gen sa lài tòm hìu; nàng tòm tŭ oh mi pơjum bal, gen ò kòl tòm bơta cahrña. Mơ ală broă ndai, tòm tŭ añ tus gen rơp rơndap wơl.

I Kôrintô 11:34 ပူးပေါင်းရင်းမြစ်များ

I Kôrintô 11:33

Behơ̆, ơ oh mi añ jê, tòm tŭ oh mi pơjum bal nàng sa, gen pal gơn tĕ bal mơ gơp.

I Kôrintô 16:1

Bơh bơta rì jền ală cau sàng goh in tòm Jude, be añ neh sồr ală Hìu Jum Goh Galati be lơi, gen oh mi kung lơh jat behơ̆ sơl.

I Kôrintô 16:2

Ngai sơnròp tòm kòp poh, kòp nă jat bơta cồng nha he dê mơ prap lòi is, tồ ò càng rì jền tòm tŭ añ tus.

I Kôrintô 16:5

Añ rơp tus còp oh mi tơnơ̆ mơ tŭ añ neh lòt gan Masedoan, bơh añ pal lòt gan Masedoan.

I Kôrintô 4:17

Tài behơ̆, añ neh sồr Timôthe lòt tus hơ oh mi, khai la kòn kòñ gơboh mơ dòn song añ jê tòm Yàng. Khai rơp tơngkah oh mi in bơh ală gùng dà rài kis pa añ jê tòm Yàng Krist Jesu, kung be añ bơto sồr tòm kòp nơm Hìu Jum Goh làm bă tiah.

I Kôrintô 4:19

Mơya dilah Yàng kòñ añ lòt, gen añ rơp tus mhar hơ oh mi; mơ añ rơp sơwì nàng git ală cau jòng is să he hơ̆, ò di bơh jơnau đơs bol khai dê, mơya bơh gơnap gơnoar bol khai dê.

I Kôrintô 7:17

Mìng kòp nă cau pal lơh lòt jat bơta nđàc Yàng neh pà he in, mơ jat be Yàng Tom Trồ neh hòi sac. Hơ̆ la jơnau sơnio lam añ neh bơto tòm ală Hìu Jum Goh.

Sră Pơyoa Pol Dê Pơyoa Tit In 1:5

Añ neh lòi wơl mê tòm Kret nàng mê rơndap ală broă òhềt sir, mơ pồ bơtào ală cau kwang kra tòm kòp nơm ƀòn dờng, jat be añ neh nting sồr mê: