I Kôrintô 11:32 - Sră Goh 2018

³² Mơya tòm tŭ bol he neh kong cahrña, hơ̆ la kong Yàng lơh glài tơmàl nàng bol he in klàs di bơta lơh nền glài bal mơ dunnia.

I Kôrintô 11:32 ပူးပေါင်းရင်းမြစ်များ

II Samuel 7:14

Añ rơp lơh gơs bèp khai dê, mơ khai rơp lơh gơs kòn klau Añ jê. Tòm tŭ khai tìs glài, Añ rơp lơh glài khai mơ gai mơ mơng kòn mơnus dê, pù lơh jê sồt bơh kòn mơnus.

Đơs Crih 118:18

Yàng Jehôwa neh lơh glài tơmàl añ dô bă kràñ cê, Mơya ò lòi añ tus hơ bơta chơt.

Esai 1:5

Ñchi bơh tài bol mê jòi bơta pù ơlih rlau tai taih? Ñchi bơh tài bol mê kư̆ gam tòmdră sùm taih? Jơh dô nơm bồ kòp jê, jơh dô nơm nùs jê sồt.

Jeremi 7:28

Mê pal yal bol khai in lah: ‘Do la làng bol ò iat jơnau Jehôwa Yàng Tom Trồ bol khai dê, mơ ò bài dòp bơta bơto pơnniam. Bơta song ngan neh roh rau, neh tă tơlik bơh bơr bol khai.

Sôphôni 3:2

Gơ neh ò iat sap đơs lơi, gơ neh ò dòp bơta lơh niam wơl. Gơ neh ò dòn kơnòm di Yàng Jehôwa, gơ neh ò tus rềp mơ Yàng Tom Trồ gơ dê.

Rôma 3:19

Bol he git lah ală jơnau bơta boh lam đơs, la đơs mơ ală cau ơm tòm gơnoar bơta boh lam dê, tồ kòp nơm bơr pal gơtơmềm, mơ làm jơh dunnia pal ơm hơđơm bơta cahrña Yàng Tom Trồ dê.

Rôma 5:16

Mơ tai, bơta ai gòi do, ò di be broă gơlik tus bơh dô nă cau tìs glài ò: Bơta cahrña tài bơh dô nơm glài lam tus hơ bơta lơh nền glài, mơya bơta ai gòi bơh đang trồ tơnơ̆ mơ oă dơ̆ tìs glài, gen lam tus hơ bơta geh kòp la song ring.

I Kôrintô 1:20

Ntềng đah cau jak chài taih? Ntềng đah cau bơtê oă taih? Ntềng đah cau jak pơndang rài do dê taih? Ò di la Yàng Tom Trồ neh lơh bơta jak chài dunnia do gơlik tùl gơla ò ơ?

I Kôrintô 1:21

Bơh di tŭ bơta jak chài Yàng Tom Trồ dê, dunnia ò git Yàng Tom Trồ bơh bơta jak chài is bol khai dê. Sơlơ̆u wơl, Yàng Tom Trồ lơh nền ngui bơta geh kòp la tùl gơla jơnau bơto yal bol he dê nàng dong klàs ală cau dòn.

I Kôrintô 11:30

Tài bơh hơ̆ tòm oh mi gơs oă cau lơbơn lơño, kòp jê, mơ cau ƀà neh chơt.

I Kôrintô 11:31

Dilah bol he sền sơwì is să he lài, gen bol he ò kòl cahrña.

I Kôrintô 11:33

Behơ̆, ơ oh mi añ jê, tòm tŭ oh mi pơjum bal nàng sa, gen pal gơn tĕ bal mơ gơp.

Yal Wơl 8:5

Gen git tĕ tòm nùs bol mê dê lah, kung be dô nă cau lơh glài tơmàl kòn khai dê gen Jehôwa Yàng Tom Trồ bol mê dê kung lơh glài tơmàl bol mê behơ̆ sơl.

I Timôthe 1:20

tòm mpồl bol hơ̆ gơs Himene mơ Aleksandria, añ neh phi bol khai cà Satan in rau, tồ bol khai in kong lơh glài mơ bơtê git bañ đơs tràl sơrbil di Yàng Tom Trồ.

I Jang 5:19

Bol he git lah he bal mơ Yàng Tom Trồ, ai jơh dunnia ơm hơđơm gơnoar cà ràk.

Yal Tơlik 3:19

Ală cau lơi Añ kòñ gơboh, gen Añ lah pơrhơng mơ lơh glài tơmàl sơl; behơ̆ gơs tĕ nùs ngac ngar mơ gơjrañ sang glài tĕ.