I Kôrintô 11:30 - Sră Goh 2018

³⁰ Tài bơh hơ̆ tòm oh mi gơs oă cau lơbơn lơño, kòp jê, mơ cau ƀà neh chơt.

I Kôrintô 11:30 ပူးပေါင်းရင်းမြစ်များ

Lik Ejiptơ 15:26

Kơnràñ đơs lah: “Dilah bol mê iat nền nền jơnau đơs Jehôwa Yàng Tom Trồ bol mê dê, mơ lơh bơta di ngan di đap Kơnràñ, dilah bol mê ơn nùs tồr di ală jơnau sồr Kơnràñ dê mơ prap gàr jơh ală bơta sồr lam Kơnràñ dê, gen Añ rơp ò đùh hơđang bol mê dô bơta kòp jê lơi tòm ală bơta kòp jê mơ Añ neh đùh hơđang cau Ejiptơ, bơh Añ la Yàng Jehôwa, Bơtau sơmbòi kòp jê bol mê in.”

Amôs 3:2

“Añ mìng git bol mê lơm bơh di jơh ală hìu nhă hơđang plai ù; behơ̆ tàng Añ rơp lơh glài bol mê bơh jơh ală bơta tồi glài bol mê dê.”

Khà Làng Bol 20:12

Mơya Yàng Jehôwa đơs mơ Môise mơ Arôn lah: “Tài bơh bol mê ò dòn kơnòm di Añ, nàng ràng tơlik Añ la sàng goh di đap ală cau Israel, bol mê ò cèng mpồl jơnum do mut tòm lơgar Añ ai bol khai in.”

Khà Làng Bol 20:24

“Arôn rơp geh cèng tus bal mơ ồng pàng khai dê. Khai rơp ò mut tòm lơgar Añ ai cau Israel in, tài bơh bàr nă bol mê tòmdră mơ jơnau sồr Añ jê tòm dà Meriba.

Broă 13:36

Mơya bơtau Dabit tòm tŭ duh broă jat nùs kòñ Yàng Tom Trồ dê tòm rài kis khai, khai neh chơt, geh tơp bal mơ ồng pàng khai dê, mơ neh gŏ bơta ồm lề.

Broă 7:60

Gen khai cùn gơltang, hòi dờng lah: “Khoai Yàng, dan bañ tuh glài do hơđang bol khai!” Lồc khai đơs jơnau hơ̆ gen bic tơn.

I Kôrintô 11:29

Bơh cau lơi ò git kơlôi cah is bơh să Kơnràñ mơ sa piang lă mơ hùc mơngàn hơ̆, hơ̆ la sa mơ hùc bơta cahrña să tòm khai in.

I Kôrintô 11:31

Dilah bol he sền sơwì is să he lài, gen bol he ò kòl cahrña.

I Kôrintô 11:32

Mơya tòm tŭ bol he neh kong cahrña, hơ̆ la kong Yàng lơh glài tơmàl nàng bol he in klàs di bơta lơh nền glài bal mơ dunnia.

I Kôrintô 15:51

Do añ yal oh mi in dô bơta ndơp ndơr: Bol he ò bic jơh, mơya jơh ală bol he rơp geh gơlik gơs să pa,

I Tesalônika 4:14

Bơh dilah bol he dòn Yàng Jesu neh chơt mơ kis wơl, gen Yàng Tom Trồ kung rơp cèng ală cau bic tòm Yàng Jesu tus bal mơ Kơnràñ sơl.

Yal Tơlik 3:19

Ală cau lơi Añ kòñ gơboh, gen Añ lah pơrhơng mơ lơh glài tơmàl sơl; behơ̆ gơs tĕ nùs ngac ngar mơ gơjrañ sang glài tĕ.