I Kôrintô 11:2 - Sră Goh 2018

² Añ jòng ro oh mi tài bơh oh mi kah añ sùm tòm jơh ală bơta mơ prap gàr ală jơnau añ neh bơto sồr oh mi.

I Kôrintô 11:2 ပူးပေါင်းရင်းမြစ်များ

Luka 1:6

Bàr nă bol khai la song ring di đap Yàng Tom Trồ, lơh jat ală bơta sồr lam mơ jơnau gơnoar sồr Yàng dê ò gơs tiah geh lah pơrhơng.

I Kôrintô 11:17

Jơnau añ bơto sồr do, ò di la jòng ro oh mi, bơh oh mi pơjum ò di la geh kwơ rlau, mơya gơlik iơh rlau.

I Kôrintô 11:22

Oh mi ò gơs hìu nàng ñô sa ơ? Hala oh mi sền òsơp di Hìu Jum Goh Yàng Tom Trồ dê mơ lơh ƀàssìl ală cau ò gơs phan lơi ơ? Ñchi añ kòñ đơs mơ ală oh mi taih? Jòng ro oh mi bơh ală broă do sơl? Ngan, añ ò jòng ro ò!

I Kôrintô 15:2

Dilah oh mi prap kơ̆ jơnau añ neh bơto yal oh mi in, gen oh mi kung kơnòm di Jơnau Niam hơ̆ mơ geh dong klàs, dilah ò, gen bơta dòn oh mi dê la ò kwơ.

I Kôrintô 4:17

Tài behơ̆, añ neh sồr Timôthe lòt tus hơ oh mi, khai la kòn kòñ gơboh mơ dòn song añ jê tòm Yàng. Khai rơp tơngkah oh mi in bơh ală gùng dà rài kis pa añ jê tòm Yàng Krist Jesu, kung be añ bơto sồr tòm kòp nơm Hìu Jum Goh làm bă tiah.

I Kôrintô 7:17

Mìng kòp nă cau pal lơh lòt jat bơta nđàc Yàng neh pà he in, mơ jat be Yàng Tom Trồ neh hòi sac. Hơ̆ la jơnau sơnio lam añ neh bơto tòm ală Hìu Jum Goh.

I Tesalônika 1:6

Gen oh mi neh đòm jat bol hi mơ kung đòm jat Yàng sơl, ai bơta hòn chò Yàng Hwềng Goh dê mơ dòp jơnau Yàng dê digùl oă bơta jê sồt bòl glar,

I Tesalônika 3:6

Tŭ do Timôthe pa rê wơl bơh di oh mi, khai yal wơl bol hi in jơnau niam bơh bơta dòn mơ nùs kòñ gơboh oh mi dê. Mơ khai yal lah oh mi òs kơlôi kah bol hi dô bă niam ngan, jơh nùs kơp kòñ tòmtìp mơ bol hi, kung be bol hi jơh nùs kơp kòñ tòmtìp mơ oh mi sơl.

II Tesalônika 2:15

Behơ̆ tàng, ơ oh mi, ơm kơ̆ tĕ, prap gàr kơ̆ tĕ ală jơnau bol hi neh bơto sồr oh mi in, ƀà mơ jơnau đơs, ƀà mơ sră pơyoa bol hi dê.

II Tesalônika 3:6

Ơ oh mi, bol hi ai sơnđan Yàng Jesu Krist bol he dê mơ nting sồr oh mi pleh tĕ di oh mi lơi lơh lòt ală alai, ò lơh jat ală jơnau bơto sồr mơ bol khai neh dòp leng bơh di bol hi.