I Kôrintô 10:22 - Sră Goh 2018

²² Hala bol he kòñ lơh Yàng in ƀoah pơrñat ơ? Bol he pràn rlau mơ Kơnràñ ơ?

I Kôrintô 10:22 ပူးပေါင်းရင်းမြစ်များ

I Ală Bơtau 14:22

Cau Juda lơh bơta iơh di đap Yàng Jehôwa; bol khai bơrcek lơh Yàng Jehôwa in ƀoah pơrñat, bơh tồi glài bol khai neh tìs rlau mơ ală ồng pàng bol khai dê neh lơh.

Sră Jop 9:4

Bơta jak chài tòm nùs Kơnràñ dê, mơ gơnap gơnoar tòm bơta pràn Kơnràñ dê. Cau lơi tòmdră mơ Kơnràñ mơ gam geh pơnjat sùm sơl?

Đơs Crih 78:58

Bơh bol khai bơrcek Kơnràñ gơjrañ tài bơh ală tiah jơnhoa duh rùp ràk; Bol khai chồl nùs Kơnràñ ƀoah tài bơh ală rùp pac sềr bol khai dê.

Lik Ejiptơ 20:5

Bol mê bañ cùn khoai di đap bol gơ, hala duh khoai bol gơ; bơh Añ, Jehôwa Yàng Tom Trồ bol mê dê, la Yàng Tom Trồ ƀoah pơrñat, rơp tài bơh tồi glài ồng pàng dê mơ lơh glài kòn sau jơl tus di pe hala poan rài ală cau gơjrañ di Añ,

Lik Ejiptơ 34:14

Bañ duh khoai yàng lơi ndai, bơh Yàng Jehôwa gơs sơnđan la Ƀoah Pơrñat la Yàng Tom Trồ ƀoah pơrñat.

Cau Bơto 6:10

Bơta lơi neh gơs gen neh geh tơmoh sơnđan rau: jơi kòn mơnus gơlik gơs mbe lơi, gen neh tơnggit bơh lài rau; mơ kòn mơnus ò rgơi tòmdră wơl mơ Bơtau pràn rlau.

Esai 45:9

Bòl glar ală cau in pơnđơl pơrlòng mơ Bơtau neh crơng gơs he, khai mìng la dô nơm gri mơ ù tòm ală gri lơh mơ ù. Ù kơnàng rgơi đơs sơl mơ cau chài mòn gơ lah: “Ñchi mê lơh taih?” Hala đơs: “Ală phan mê lơh gơs ò hoan chài tê,” sơl ơ?

Jeremi 44:8

Ñchi bơh tài bol mê bơrcek Añ gơjrañ bơh ală broă tê bol mê lơh, chu kơlhô ală yàng ndai in tòm lơgar Ejiptơ, la tiah bol mê pa tus ơm; tian gơs bol mê toès wơl bơta tơnroh he in, cèng he lơh gơs kai srat rma sền òsơp digùl ală làng bol dunnia.

Jeremi 7:19

Yàng Jehôwa đơs: “Añ la cau bol khai bơrcek di sơl? Hơ̆ ò di să tòm bol khai, cèng wơl bơta jê sồt bol khai in ò ơ?”

Ejekiel 22:14

Bơta khin cha ai dê rơp ơm kơ̆ hala tê ai dê rgơi gam pràn tòm ngai Añ cahrña ai sơl? Añ, Yàng Jehôwa, neh đơs behơ̆ mơ Añ rơp lơh bơta hơ̆.

Sôphôni 1:18

Bulah priă hala màh bol khai dê kung ò rgơi dong klàs bol khai tòm ngai gơjrañ dờng Yàng Jehôwa dê. Jơh plai ù rơp kong chu pơrguc tòm ồs pơrñat; bơta gơjrañ dờng Yàng Jehôwa dê; bơh Kơnràñ rơp pơndut jơh dô bă rngòt rngơt jơh làng bol kis hơđang plai ù.”

Yal Wơl 32:16

Bol khai lơh Kơnràñ in ƀoah pơrñat bơh ală yàng lơgar ndai, mơ lơh Kơnràñ in gơjrañ mañ bơh ală broă iơh rmơh.

Yal Wơl 32:21

Bol khai lơh Añ in ƀoah pơrñat bơh bơta ò di la yàng, mơ bơrcek Añ gơjrañ bơh ală rùp ràk bol khai dê. Behơ̆ Añ rơp lơh bol khai in ƀoah pơrñat bơh dô làng bol ò di la làng bol, bơrcek bol khai gơjrañ bơh dô làng bol tùl gơla.

Yal Wơl 4:24

Bơh Jehôwa Yàng Tom Trồ bol mê dê la dô nơm ồs sa pơrguc, dô nă Yàng Tom Trồ ƀoah pơrñat.

Yal Wơl 6:15

bơh Jehôwa Yàng Tom Trồ bol mê dê, Bơtau ơm digùl bol mê, la Yàng Tom Trồ ƀoah pơrñat mơ bơta gơjrañ dờng Kơnràñ dê rơp gơhào khuh tòmdră mơ bol mê, mơ Kơnràñ rơp tơnroh bol mê bơh di hơđang ù.

Hebrơ 10:31

Cau lơi dùh tòm tê Yàng Tom Trồ gam kis sùm gen la sơbơng roh ngan!

Jôsue 24:19

Jôsue đơs mơ làng bol lah: “Bol mê ò rgơi duh broă Yàng Jehôwa. Kơnràñ la Yàng Tom Trồ sàng goh; Kơnràñ la Yàng Tom Trồ gơjrañ di rùp ràk. Kơnràñ rơp ò toh bơta lơh tìs mơ bơta tồi glài bol mê dê.