I Kôrintô 10:14 - Sră Goh 2018

¹⁴ Behơ̆, ơ ală cau kòñ gơboh añ jê, pleh tĕ dê bơta duh khoai rùp ràk.

I Kôrintô 10:14 ပူးပေါင်းရင်းမြစ်များ

Broă 15:20

mơya bol he cih tĕ sră pơyoa nting bol khai kơrmap gàr să he klàs bơh phan sa ngkòr ngkàc neh ơn rùp ràk in, mơ glài rềs àr bơrnàn, kung bañ sa phan chơt rhwat, mơ mhàm.

Rôma 12:19

Ơ oh mi kòñ gơboh, să tòm he bañ sal tê dê cau lơi, mơya lòi tĕ bơta hơ̆ bơta gơjrañ dờng Yàng Tom Trồ in; bơh neh cih lah: “Yàng đơs lah: Bơta sal tê gơrê mơ Añ, Añ rơp sal wơl.”

I Kôrintô 10:15

Añ đơs kung be đơs mơ ală cau jak chài; oh mi pal sơwì ală jơnau añ đơs.

I Kôrintô 10:19

Behơ̆, ñchi jơnau añ đơs taih? Phan duh khoai rùp ràk gơs kwơ sơl? hala rùp ràk gơs kwơ lơi sơl?

I Kôrintô 10:7

Kung bañ duh khoai rùp ràk be cau ƀà tòm bol khai neh duh khoai; be neh cih lah: “Làng bol nggui sa ñô, gen ntào mơ kơnhơl tòmya, dri tơlàr.”

I Kôrintô 5:11

Mơya añ neh cih oh mi in lah bañ lơh yô mơ cau lơi sơnđan is să he la cau dòn mơ cau hơ̆ la rềs àr bơrnàn, hàm hà, duh rùp ràk, lah sơrpah, bơñul lơmbè, ntung kơñau, gen kung bañ nggui sa bal mơ cau behơ̆.

II Kôrintô 11:11

Ñchi bơh tài añ đơs behơ̆ taih? Tài bơh añ ò kòñ gơboh di oh mi sơl ơ? Neh gơs Yàng Tom Trồ git!

II Kôrintô 12:15

Añ kung chò ngan bơh hwềng soàn oh mi mơ roh jền glar să. Dilah añ kòñ gơboh di oh mi sơlo bơtơl, gen oh mi ò hoan kòñ gơboh di añ ơ?

II Kôrintô 12:19

Neh jŏ rau oh mi tồnlah bol hi tò să gơwèt mơ oh mi. Hơ̆ la tòm Bơtau Krist, di đap Yàng Tom Trồ mơ bol hi đơs. Ơ ală oh mi kòñ gơboh, jơh ală bơta hơ̆ la bơh bơta bơt bơtào oh mi in.

II Kôrintô 6:17

Gen tàng Yàng đơs lah: “Ală bol mê lik tĕ bơh digùl bol khai, Cah is tĕ mơ bol khai, Bañ ƀư di phan lơi ngkòr ngkàc, Gen Añ rơp wă rò ală bol mê;

II Kôrintô 7:1

Ơ oh mi kòñ gơboh, bơh bol he neh gơs jơnau ho pơgon behơ̆, gen lơh goh tĕ jơh ală bơta ƀơ̆ ƀơl đah poac să mơ đah hwềng, ai bơta duh rngòt di Yàng Tom Trồ nàng lơh wil tơl bơta sàng goh.

Philip 4:1

Behơ̆ gen, ơ ală oh mi đềt mềr ngan, la bơta hòn chò mơ sơgơn bơtau añ jê, ơ cau kòñ gơboh ngan añ jê, ntào kơ̆ tĕ tòm Yàng.

Philemôn 1:1

Pol, cau ơm jàm Yàng Krist Jesu dê, mơ Timôthe, oh mi bol he dê pơyoa Philemôn in, la cau kòñ gơboh mơ la cau bơyô lơh broă bal mơ bol hi,

Hebrơ 6:9

Ơ oh mi kòñ gơboh, bulah bol hi đơs behơ̆ mơya bol hi dòn nền ngan lah ală oh mi ơm tòm bơta niam rlau, la ală broă gơ lòt bal mơ bơta dong klàs.

I Pier 2:11

Ơ ală cau kòñ gơboh, oh mi be cau nac crih mơ be cau ơm ing, añ bơto tơngkah oh mi pal ơt tĕ ală bơta hàm kòñ is poac să dê, la ală bơta gơtòmlơh mơ hwềng soàn.

I Jang 5:21

Ơ ală kòn, kơrmap gàr tĕ să he bơh rùp ràk.

Yal Tơlik 13:8

Jơh ală cau ơm tòm plai ù rơp duh khoai gơ, hơ̆ la ală cau lài mơ tŭ òhềt crơng gơs trồ tiah sơnđan mat bol khai ò geh cih tòm sră bơta kis Belàt Kòn dê neh kong chơt.

Yal Tơlik 2:14

Mơya gơs dô êt bơta Añ ò bài mê: Hơ̆ la tềng hơ̆ mê gơs cau ƀà jat bơta bơto sồr Balaam dê, la cau neh bơto Balak ơn dô pơnai lŭ gơtup jơng di đap kòn sau Israel nàng ơniai bol khai sa poac duh khoai rùp ràk mơ tìs glài rềs àr bơrnàn.

Yal Tơlik 21:8

Ai ală cau rngòt ò khin cha, ală cau ò gơs bơta dòn, ală cau ngkòr ngkàc, ală cau tơnchơt cau, ală cau rềs àr bơrnàn, ală cau bơjơu, ală cau duh rùp ràk, mơ jơh ală cau đơs blac, pơnah bol khai dê ơm tòm brong ồs hơng mơ siau, hơ̆ la bơta chơt dơ̆ bàr.”

Yal Tơlik 22:15

Ai ală so, ală cau bơjơu, ală cau rềs àr bơrnàn, ală cau tơnchơt cau, ală cau duh rùp ràk, mơ jơh ală cau gơboh bơta đơs blac mơ lơh bơta blac pơrlồm, gen bol khai ơm đah bơdìh ƀòn.